Nefnd um íþróttamannvirki
Fundargerð nefndar um íþróttamannvirki 40
40. fundur
Fundur haldinn í ráðhúsi föstudaginn 30. júlí 2007, kl. 13:00
Mætt voru: Friðrik Þór Ingvaldsson formaður, Gestur Halldórsson, Þórgunnur Torfadóttir, , Björgvin Sigurjónsson, Bjarni Ólafur Stefánsson og Haukur Ingi Einarsson
Gengið var til dagskrár og eftirfarandi tekið fyrir:
- Sundlaug
Friðrik fór yfir framkvæmd útboðs sundlaugar og stöðu mála. Staða byggingarstjóra var rædd, nefndin lagði til að staða byggingarstjóra verði auglýst.
- Knattspyrnuhús, staðaval og fleira
Nefndin fól starfmönnum að kanna staðla fyrir mjúkhús, kostnað vegna sökkla, gervigras, frágang utan við svæðið og rekstrarkostnað. Umræður um staðsetningu hússins sköpuðust, Vegagerðarlóðin var nefnd á nafn einnig lóð undir Fiskhól austanmegin, lóð milli Fiskhóls og Hrossabitahaga, lóð gamla malarvallarins, lóð bak við Stemmu II, lóð við hlið gámaportsins, lóð milli gömlubúðar og tjaldsvæðis, lóð við Skinney Þinganes og Húsasmiðjunnar. Starfmönnum var falið að útvega þrívíddar teikningar af völdum staðsetningum.
Fundi slitið kl. 14:30
