Fundargerð nefndar um íþróttamannvirki 33

33. fundur

Fundur haldinn í ráðhúsi miðvikudaginn 14. mars 2007,  kl.  16:00

Mætt voru: Halldóra B. Jónsdóttir varaformaður, Þórgunnur Torfadóttir, Ragnhildur Einarsdóttir, Stefán Ólafsson, Svavar M. Sigurjónsson, Pétur W. Jessen, Guðmundur Þ. Jónsson.

Gengið var til dagskrár og eftirfarandi tekið fyrir:

1. Vinna við íþróttavöll

Guðmundur, Svavar og Pétur greindu frá stöðu mála og ýmsum atriðum sem tengjast vinnu við íþróttavöllinn. Staða mála er sú að framkvæmdir eru komnar vel af stað og lítur vel út með framhaldið. Guðmundur (Túnþökuvinnslan) stefnir að því að koma í byrjun maí eða um leið og sandlagið á völlinn er komið í útlagningu. Þannig gæti hann komið fyrr en núverandi áætlun gerið ráð fyrir ef verkstaða gefur tilefni til þess. Pétur greindi frá því að verktaki við gerviefni óskaði eftir því að blanda steinsalla við undirlagið sem er gúmmí. Ekki var gert ráð fyrir þessu í tilboði verktakans. Nefndin sammála því að Pétur fari yfir þessi mál og ræði við verktakann. Einnig rætt um girðingu utan um völlinn og hvað gera eigi í þeim málum.

2. Útboð vegna jarðvegsvinnu við sundlaugarmannvirki

Greint frá opnun tilboða í jarðvegsskipti sem fram fór kl. 14:00 í dag. Þrjú tilboð bárust: Ólafur Halldórsson bauð í verkið kr. 8.250.000.-, Jarðverk Hornafirði bauð í verkið 11.000.000.- og Rósaberg ehf. bauð í verkið kr. 7.120.000.- Nefndin mælir með að gengið verði til samninga við lægstbjóðanda, Rósaberg.  

Rætt um hvað gera eigi við fargefni sem nú er á sundlaugarsvæði og einnig hvernig verkið verður unnið.

Einnig farið yfir tímasetningar á útboðsgögnum. Svavar sagði að fram hafi komið að þau ættu að verða tilbúin um 20. mars. Komu fram hjá nefndarmönnum vonbrigði með þann drátt sem orðið hefur á afhendingu útboðsgagna vegna sundlaugarmannvirkja.

3. Önnur mál
Rætt um  möl á bílastæði við íþróttavöll og undirlag undir stóra tjaldið (1200 m2, UMFÍ).  Rætt um erindisbréf fyrir verkefnastjóra.

Fundi slitið kl. 17:15