Fundargerð stjórnar HSSA 27

1.

1210004F - Stjórn Heilbrigðisstofnunar Suðausturlands - 25

Fundarmenn nefndir í fundarboði lagfærðir. Fundi lauk kl. 15.

2.

1210016F - Stjórn Heilbrigðisstofnunar Suðausturlands - 26

Engar athugasemdir

3.

201102031 - Húsaleigusamningur v. sjúkraþjálfunaraðstöðu Víkurbraut 28

Undir þessum lið vék MÁ af fundi.  Haukur Ingi mætti á fundinn undir þessum lið og kynnti viðauka við húsaleigusamning HM þjálfunar um sjúkraþjálfunaraðstöðuna.   Stjórn gerði athugasemdir við áætlaðan tímafjölda í forsendum.  Lovísa gerði athugasemdir um aðgang HM þjálfunar að Sögu kerfinu.  Upplýst að hugmyndin væri sú að ræða læknar gætu fylgst með framvindu þeirra sem þeir vísa til sjúkraþjálfara en aðgangurinn myndi ekki virka í hina áttina.  Stjórn óskar eftir að það komi skýrt fram í samningnum.  Málinu vísað til áframhaldandi vinnu.

4.

201211071 - Staða HSSA 31. október 2012

Staða 31. október er í jafnvægi. Stefnir í 15 milljóna króna halla miðað við núverandi forsendur. Ef við náum að klára þjónustusamning við ríkið fást 15 milljónir í aukafjárveitingu. Ef næst að klára samninga eru líkur á að skila hallalausum rekstri um áramót.

5.

201211072 - Fjárhagsáætlun 2013

Þar kemur fram að miðað við fjárlög ríkisins 2013 stefnir í um 26 millj. króna hallarekstur hjá stofnuninni. Stjórnin samþykkir 1. drög að fjárhagsáætlun miðað við forsendur í dag.  

6.

200712021 - Þjónustusamningur um rekstur HSSA

Hjalti fór yfir málið. Innheimtubréf var sent fyrir um mánuði síðan. Í kjölfarið hefur verið rætt við þingmenn kjördæmisins, Oddný Harðardóttur og Björgvin G. Sigurðsson. Hjalti fór yfir þróun fjárlaga frá 2008-2013. Stofnunin hefur orðið fyrir skerðingu undanfarin ár um 5% líkt og aðrar heilbrigðisstofnanir. Rætt um þá valkosti sem eru í stöðunni. Ásgeir leggur til að bæjarstjóra, framkvæmdastjóra og formanni stjórnar HSSA verði falið að fylgja málinu.

7.

201211069 - Stefnumótun HSSA 2012

Farið yfir stefnumótunarskjal og það samþykkt til yfirlestrar með tilliti til stafsetningar. Stefnumótun vísað til bæjarráðs eftir yfirlestur.

8.

201201073 - Undirbúningur byggingar nýs hjúkrunarheimilis

Sagt frá bréfi frá Oddi Kr. Finnbjarnarsyni frá THG arkitektum sem segir frá heimsókn hans á Heilbrigðisstofnunina 5.nóvember. Ljóst er að nauðsynlegt er að fara í deiliskipulag á svæðinu áður en farið er í frekari framkvæmdir. Stefnt er að því að vera tilbúin með teikningar og umsókn í framkvæmdasjóð aldraðra í janúar árið 2014. Guðrún Ingimundardóttir leggur til að leitað verði til Landlæknisembættisins með að gera úttekt á húsnæðinu með tilliti til nútíma staðla. Framkvæmdastjóra falið að kanna möguleika á úttekt.  

9.

201211073 - Bankareikningar HSSA

Sagt frá innlánsreikningum í Sparisjóðnum. Um er að ræða gjafafé gefið stofnuninni. Lagt til að þetta verði fært inn á reikning Gjafa- og minningasjóðs Skjólgarðs og verði þar sérmerkt. Einnig var reikningur með basarsjóð starfsmanna. Lagt til að hann verði áfram á sér bók og framkvæmdaráð hafi til úthlutunar.

10.

201211085 - Nýr fundartími í desember hjá stjórn HSSA

Næsti fundur í stjórn HSSA verður 18. desember kl. 16:15 á heilsugæslustöð.