Fundargerð Heilbrigðis- og öldrunarráðs 47

47.fundur

Fundur haldinn í heilbrigðis- og öldrunarráði Hornafjarðar í fundarsal Ráðhúss fimmtudaginn 11. desember 2003, kl.16:15.

Mætt voru: Halldóra B. Jónsdóttir, Margrét Ingólfsdóttir, Kristín G. Gestsdóttir og Maren Sveinbjörnsdóttir. Einnig Jóhann Ellert Ólafsson, Inga Jóna Halldórsdóttir, Ásta H. Guðmundsdóttir, Guðrún Júlía Jónsdóttir, Baldur Thorstensen og Ágústa Baldursdóttir.


Gengið var til dagskrár og eftirfarandi tekið fyrir:


1. Áætluð staða Heilbrigðisstofnunar Suðausturlands 31.12.2003
Ásta fór yfir áætlaða stöðu en skv. henni verður halli ársins 16 milljónir kr. Stór hluti hallans er vegna langtíma veikinda starfsmanna og þess að rými á dvalarheimili eru ekki fullnýtt sökum öflugrar heimaþjónustu sem gerir eldri borgurum kleift að vera lengur í heimahúsum. Brýnt er að halli vegna þessa verði bættur af ráðuneytinu. Talsverður kostnaður varð hjá stofnuninni vegna viðbúnaðar í tengslum við humarhátíð og hestamannamót. Nauðsynlegt er að mótshaldarar setji sig tímanlega í samband við HSSA til þess að unnt sé að meta hvaða undirbúnings er þörf af hálfu stofnunarinnar.

2. Fjárhagsáætlun HSSA 2004
Jóhann fór yfir áætlunina en skv. henni verður halli næsta árs rúmar 18 milljónir kr.
Heilbrigðis- og öldrunarráð Hornafjarðar samþykkir fram lagða fjárhagsáætlun fyrir árið 2004 og vísar til fyrri umræðu í bæjarstjórn. Ráðið beinir því til bæjarstjórnar að áður en fjárhagsáætlunin verður tekin til síðari umræðu liggi fyrir vilyrði frá heilbrigðis- og tryggingarráðuneytinu um að halli á rekstrinum árin 2003 og 2004 verði bættur. Að öðrum kosti sér heilbrigðis- og öldrunarráð ekki fram á að geta staðið við gerðan þjónustusamning.

3. Yfirlit yfir framlög og gjöld HSSA 1996 - 2004
Ásta lagði fram yfirlit sem sýnir framlög og gjöld Heilbrigðisstofnunar Suðausturlands 1996 - 2004.

4. Félagsleg heimaþjónusta HSSA – reglur og gjaldskrá
Jóhann gerði grein fyrir þeim breytingum sem gerðar hafa verið frá síðasta fundi. Heilbrigðis- og öldrunarráð samþykkir fram lagðar reglur og gjaldskrá fyrir félagslega heimaþjónustu ( heimilishjálp). Samþykkt var að reglurnar taki gildi 1. mars nk.


5. Önnur mál
Jóhann sagði frá því að vinna er í gangi í ráðuneytinu um breytta skilgreiningu á stofnuninni á þann veg að hún verði skilgreind sem sjúkrahús. Heilbrigðis- og öldrunarráð fagnar því.



fundi slitið kl. 18:30