Fundargerð stjórnar HSSA 20

20. fundur

FUNDARGERÐ

Fundur haldinn í Stjórn Heilbrigðisstofnunar Suðausturlands mánudaginn 30. apríl 2012  kl. 16:20.  Í upphafi var mætt í aðstöðu heimaþjónustudeildar og hún skoðuð.  Síðan var haldið í fundarsal Heilsugæslu.

Mætt voru: Ásgeir Gunnarsson,  Guðmundur Gunnarsson, Guðbjörg Garðarsdóttir, Guðrún Ingimundardóttir og Lovísa Rósa Bjarnadóttir.  Einnig: Guðrún Júlía Jónsdóttir og Ásgerður Gylfadóttir.

Fundargerð ritaði: Guðmundur Gunnarsson

 1.                  Ársreikningur HSSA 2011

Farið var yfir ársreikning HSSA 2011.  Sigurjón Arnarson endurskoðandi frá KPMG mætti á fund og kynnti helstu þætti reikningsins.  Fram kemur í máli hans að  reikningurinn gefi glögga mynd af rekstri stofnunninnar sem sé í ágætu jafnvægi.   Afkoma af rekstri stofnunarinnar á árinu 2011 var jákvæð um 712 þús. kr. samkvæmt rekstrareikningi en eigin fé í árslok var neikvætt um 4,2 milljónir kr.  Handbært fé HSSA í árslok er 12218 þús.  Engar athugasemdir komu fram frá stjórn og er ársreikningur samþykktur samhljóða. 

 2.                  KPMG skýrslan

Sigurjón kynnir helstu niðurstöður samanburðaskýrslu KPMG um framlög til annarra heilbrigðisstofnanna sem svipar til HSSA.  Skýrslan var unnin að ósk stjórnar HSSA.   Helstu niðurstöður skýrslunnar benda til þess að framlög á íbúa í umdæmi HSSA séu lægri en framlög til annarra stofnanna á sambærilegum svæðum.  Í heildina hafa framlög til HSSA dregist saman um 10% frá árinu 2010.  Nokkrar umræður sköpuðust um skýrsluna og þær niðurstöður að verulega hallar á HSSA þegar kemur að fjárveitingum per íbúa til heilbrigðisþjónustu.  Sigurjóni er þakkað greinargóð kynning og hann yfirgefur fundinn.  Stjórn fer yfir minnisblað framkvæmdastjóra HSSA og bæjarstjóra um skýrsluna.  Rætt er mikilvægi þess að tengja þessi gögn við landfræðilega sérstöðu svæðanna m.a. hvað varðar vegalengd í næsta sjúkrahús.     

 3.                  Fundargerð 19 fundar lögð fram til kynningar

Engar athugasemdir.

 4.                  Rekstrarstaðan 31. mars 2012.

Framkvæmdastjóri fer yfir 3 mánaða rekstrarstöðu.  Fram kemur að rekstur er vel innan rekstaráætlunar.    

 5.                  Undirbúningur að byggingu nýs hjúkrunarheimils

Lögð eru fram drög að erindisbréfi stýrihóps vegna undirbúnings framkvæmda við nýtt hjúkrunarheimili.  Verkefni stýrihópsins  er að gera tillögur um mannvirki og að hafa yfirumsjón með undirbúningi þeirra í umboði bæjarstjórnar Hornafjarðar.   Stjórn HSSA er sammála um að fulltrúi frá hverju framboði sitji í stýrihópnum auk framkvæmdastjóra HSSA og fulltrúa eldri borgara.  Stjórn HSSA gerir tillögu að eftirfarandi fulltrúar stjórnar sitji í stýrihópnum; Ásgeir Gunnarsson,  Guðrún Ingimundardóttir og Lovísa Rósa Bjarnadóttir.  Guðrún Ingimundardóttir fagnar því að málið sé komið í ferli.    

 6.                  Íbúðir fyrir eldri borgara

Rætt hefur verið við fulltrúa Búmanna um aðkomu að uppbyggingu íbúða fyrir eldri borgara.  Búmenn hafa áhuga á að sett sé fram skýr framtíðarsýn og stefna fyrir uppbyggingu á íbúða fyrir eldri íbúa.  Rætt er að stjórn HSSA sé komin út fyrir sitt hlutverk að umsýsla slíka vinnu.  Ákveðið er að framkvæmdastjóri hvetji Búmenn til að halda kynningarfund um mögulega uppbyggingu.      

 7.                  Starfsmannamál

Mönnun til sumarafleysinga hefur gengið þokkalega og er í jafnvægi við síðast liðin ár.

 8.                  Önnur mál

Rætt er um næstu skref í vinnu stjórnar við stefnumótun.  Vinnufundur verður haldinn 15. maí.

 Fundi slitið kl: 18.20