Fundargerð stjórnar HSSA 16

16. fundur

Fundur haldinn í Stjórn Heilbrigðisstofnunar Suðausturlands þriðjudaginn 6. desember 2011  kl. 16:15 í fundarsal Heilsugæslu.

Mætt voru: Ásgeir Gunnarsson, Guðmundur Gunnarsson,  Guðbjörg Garðarsdóttir, Guðrún Ingimundardóttir og Lovísa Rósa Bjarnadóttir.  Einnig: Guðrún Júlía Jónsdóttir og Ásgerður Gylfadóttir.

Fundargerð ritaði: Guðrún Júlía Jónsdóttir

1.                  Fundargerð 15 fundar lögð fram til kynningar

Engar athugasemdir.

2.                  Þjónustusamningur

Í greinargerð sem unnin var af Velferðarráðuneytinu um heilbrigðisstofnanir og sjúkrahús vegna fjárlaga 2012 kemur m.a. eftirfarandi fram um HSSA:

·         Rekstrarútgjöld heilsugæslusviðs og sjúkrasviðs lækkuðu um 11% milli áranna 2008 og 2010 (staðvirt á verðlagi ársins 2010).

·         Fjárveitingar til stofnunarinnar lækkuðu um rúmar 30 m.kr. í fjárlögum 2011

·         Í fjárlögum 2012 er áformuð lækkun 14,4 m.kr. Því til viðbótar að lækka framlag til stofnunarinnar um 37,6 m.kr. vegna fækkunar hjúkrunarrýma í 22 og vegna lækkunar á RAI-hjúkrunarþyngd.

·         Stjórnendur HSSA og sveitarfélagins eru nú í viðræðum við ráðuneytið um áframhaldandi samning. Ráðuneytið hefur viljað fækka hjúkrunarrýmum til samræmis við nýtingu en stofnunin telur þá leið illa færa, enda þurfi hún allt fjármagn til að viðhalda núverandi þjónustustigi.

·         Mat Velferðarráðuneytisins: Ekki er gerð tillaga til breytinga á fjárfarmlögum HSSA að svo stöddu, en ráðuneytið mun leggja allt kapp á að ljúka samningi við stofnunina. Að líkindum munu áform um framangreindan sparnað í þeim samningum ekki nást að fullu. Gerir ráðuneytið ráð fyrir að mæta þeirri breytingu af óskiptum liðum.

Starfsmenn HSSA hafa gert samanburðargreiningu á starfsemi og þjónustusvæðum heilbrigðisstofnana Suðausturlands(HSSA), Blönduósi(Hsb) og Fjallbyggð(Hsf).  Þessar stofnanir þjóna svipuðum íbúafjölda.  Í greiningunni sem var send í Velferðarráðuneytið 25. nóvember sl. kemur m.a. fram, að ef hjúkrunarrýmum á Hornafirði verður fækkað niður í 22 þá verða að meðaltali 4 færri hjúkrunar- og dvalarrými pr. 100 íbúa 75 ára og eldri á þjónustusvæði HSSA en á þjónustusvæðum Hsb og Hsf. Einnig kemur fram að fjárheimildir á hvern íbúa á þjónustusvæðum HSSA, Hsb og Hsf eru lægstar árið 2010 á svæði HSSA.  Þetta er þrátt fyrir að á þjónustusvæðum Hsb og Hsf eru hjúkrunar- og dvalarheimilin Sæborg Skagaströnd og Hornabrekka Ólafsfirði til viðbótar. Stjórn HSSA leggur ríka áherslu á að staðið sé vörð um grunn heilbrigðisþjónustu í sveitarfélaginu. 

3.                  Stefnumótun

Drög að stefnumótun kynnt á fundinum og nokkrar umræður sköpuðust. Málið í farvegi samkvæmt umræðum á fundi.

4.                  Önnur mál

Fundi slitið kl: