Stjórn Heilbrigðisstofnunar Suðausturlands
Fundargerð stjórnar HSSA 11
11. fundur
Fundur haldinn í Stjórn Heilbrigðisstofnunar Suðausturlands fimmtudaginn 19. maí 2011 kl. 16:15 í fundarsal Heilsugæslu.
Mætt voru: Ásgeir Gunnarsson, Guðmundur Gunnarsson, Guðbjörg Garðarsdóttir, Guðrún Ása Jóhannsdóttir og Guðrún Ingimundardóttir. Einnig: Guðrún Júlía Jónsdóttir, Ester Þorvaldsdóttir, Ásgerður Gylfadóttir, Ólöf Óladóttir, Lovísa Rósa Bjarnadóttir, Eyrún Guðmundsdóttir og Gísli Sverrir Árnason.
Fundargerð ritaði: Guðrún Júlía Jónsdóttir
Gísli Sverrir Árnason ráðgjafi sagði frá þeirri vinnu sem unnin hefur verið í stefnumótunarvinnunni. Fundað hefur verið með ýmsum hópum og margt fróðlegt komið fram. Gísli Sverrir, Lovísa Rósa og Eyrún viku af fundi eftir þennan lið kl:17.10.
2. Fundargerðir 8. og 10. fundar lagðar fram til kynningar
Fundur nr. 8 byrjaði kl:12.00 en ekki kl:16.15 eins og skráð er í fundargerð. Ekki aðrar athugasemdir.
3. Rekstrarstaðan 30. apríl 2011
Guðrún Júlía fór yfir stöðuna. Framlög ríkis til heilsugæslu og sjúkrasviðs berast ójafnt yfir árið og skekkir það rekstraryfirlitið. Reksturinn er í jafnvægi.
4. Starfsmannamál og starfsemi sumarsins
a) Ekki er alveg búið að fullráða í afleysingar.
b) Farið yfir niðurstöðu vinnustaðagreiningar 2011, sem sveitarfélagið lét leggja fyrir alla starfsmenn sína. Niðurstöður á að nota til að endurbæta núverandi starfsmannastefnu sveitarfélagsins og taka upp árangursmælingar í starfsmannamálum sveitarfélagsins. HSSA kemur heldur lakar út en árið 2008, en þá kom HSSA mjög vel út. Stjórnendur HSSA munu leita leiða til að bregðast við þeim þáttum sem þarf að skoða nánar skv. niðurstöðum þessarar vinnustaðagreiningar.
5. OLE II
Lokaráðstefna OLE II verður í Luleå Svíþjóð 24 og 25 maí n.k. Kynning á OLE II verður þriðjudaginn 31. maí kl:13.30 í Ekru allir velkomnir.
6. Önnur mál
a) Ester og Guðrún Júlía sögðu frá vorfundi Landssamtaka heilbrigðisstofnana sem haldinn var á Selfossi 12 og 13 maí sl. Þar kom meðal annars fram að Velferðarráðherra skipaði 4 manna hóp sem á að koma með tillögur um, hvaða heilbrigðis- og öldrunarþjónusta ætti að vera í boði á hverjum stað. Þessi hópur hefur heimsótt allar heilbrigðisstofnanir úti á landi nema Patreksfjörð og Hornafjörð. Enda virðist Hornafjörður ekki hafa verið á þeim lista sem þau áttu að heimsækja.
b) Ester sagði frá flugslysaæfingunni sem haldin var 7. maí og gekk hún mjög vel.
Fundi slitið kl: 18.15
