Fundargerð heilbrigðis- og öldrunarráðs 107

107. Fundur

Fundur haldinn í Heilbrigðis- og öldrunarráði Hornafjarðar fimmtudaginn 26. nóvember 2009  kl. 16:15 á heilsugæslu Víkurbraut 31

Mætt voru: Ásgeir Gunnarsson, Guðrún Ingimundardóttir, Eiríkur Sigurðsson og Björk Pálsdóttir.  Einnig: Hjalti Þór Vignisson, Ásgerður Gylfadóttir og Guðlaug Björgvinsdóttir.

1.                  Skoðunarferð, farið frá heilsugæslunni kl: 16:15.

Hör lýsir yfir ánægju með hversu vel hefur tekist til með endurbætur á húsnæði.

2.                  Fundargerð 105. fundar lögð fram til kynningar

Engar athugasemdir.

3.                  Rekstrarstaðan 31. október 2009

Ágerður og Hjalti kynnti rekstur fyrstu 10 mánuði ársins.  Atefnir í að reksturinn verð réttu megin við núllið.  Fundarmenn lýstu yfir ánægju með rekstur ársins.

Hör óskaði eftir sundurliðun á rekstri HSSA fyrir næsta fund.

4.                  Drög að fjárhagsáætlun HSSA 2010

Farið var yfir fjárhagsáætlun 2010.   Framlög ríkis lækka sem leiðir til þess að erfitt verður að ná endum saman án breytinga á þjónustu.   Ásgerður nefndi ýmsar hugmyndir í þeim efnum án þess að ráðast þurfi í mikinn niðurskurð.

Formaður lagði fram eftirfarandi bókun:

HÖR þakkar starfsfólki HSSA fyrir góðan rekstur og öflugt starf á yfirstandandi ári þar sem reyndi verulega á að ná endum saman.  Þær leiðir sem farið var til hagræðingar stefnir í að skili sér í jákvæðri rekstrarniðurstöðu HSSA.  HÖR samþykkir framlagða áætlun fyrir árið 2010 þrátt fyrir að gert sé ráð fyrir tapi af rekstri stofnunarinnar.  Til langs tíma verður að ná niður rekstrarkostnaði þannig að endar nái saman.  HÖR felur starfsmönnum HSSA að leggja fram tillögur og kynna þær fyrir 1. febrúar til hagræðingar þar sem einstakir þjónustuþættir stofnunarinnar verði skoðaðir.

Aðrir fundarmenn tóku undir bókunina.

Fjárhagsáætlun HSSA borin upp til atkvæða. Samþykkt samhljóða.

5.                  OLE II, staða verkefnisins

Ágerður gerði grein fyrir bæklingi sem gefin hefur verið út af OLE II verkefninu sem ber yfirskriftina Bestu æviárin – aukið framboð á þjónustu við eldri borgara.

Undir þessum lið kynnti Hjalti fyrstu niðurstöður úr könnun sem félagsmálastjóri vann núna í haust.  Unnið verður betur úr niðurstöðum og þær kynntar á næstu fundum HÖR.

6.                  Tölur um starfsemi HSSA og framkvæmdir á heilsugæslu.

Frestað til næsta fundar.

7.                  Önnur mál

·         Björk spurði um heimasíðu.  Ásgerður upplýsti að hún vinni nú að uppsetningu með starfsmanni Hátíðni.

·         Guðrún minnti á að HÖR hafi stefnt að því halda fund með eldri Hornfirðingum sem fyrst.  Ákveðið að boða stjórn eldri borgara á næsta fund HÖR.

Fundi slitið kl: 18.00