Fundargerð heilbrigðis- og öldrunarráðs 105

105. fundur

Fundur haldinn í Heilbrigðis- og öldrunarráði Hornafjarðar fimmtudaginn 24. september 2009  kl. 16:15 í fundarsal ráðhúss

Mætt voru: Guðrún Ingimundardóttir, Eiríkur Sigurðsson og Elín Magnúsdóttir.  Einnig: Guðrún Júlía Jónsdóttir, Ester Þorvaldsdóttir og Ásgerður Gylfadóttir.

1.                  Fundargerð 104. fundar lögð fram til kynningar

Engar athugasemdir.

2.                  Rekstrarstaðan 31. ágúst 2009

Guðrún Júlía fór yfir rekstrarstöðuna og er hún innan ramma fjárhagsáætlunar. Heilbrigðis- og öldrunarráð lýsir yfir ánægju sinni hve vel stofnunin er rekin. Guðrún Júlía greindi frá að milli áranna 2009 og 2010, megi reikna með 6,7% flötum niðurskurði á framlagi ríkis til heilsugæslu og sjúkrasviðs.

3.                  Fjölskyldustefna Hornafjarðar drög

Farið yfir drög að fjölskyldustefnu Hornafjarðar og athugasemdir verða sendar til félagsmálastjóra.

4.                  Bifreiðamál HSSA

HSSA hefur verið með tvo bíla á rekstrarleigu hjá Heklu frá árinu 2004.  Rekstrarleigusamningarnir eru útrunnir og ekki hægt að framlengja þá. Samþykkt að HSSA kaupi þessa tvo bíla.

5.                  Önnur mál

a)      Ester greindi frá að blóðtökustóllinn sem Gjafa- og minningarsjóður Skjólgarðs gaf heilsugæslunni er kominn í hús.

b)      Guðrún Ingimundardóttir spurði hvernig staðið er að tannvernd og umhirðu annar tannheilsu við Heilbrigðisstofnunina, síðan tannlæknir hætti starfsemi í byggingunni.  Ásgerður fór yfir málið.

 Fundi slitið kl: 17.29