Fundargerð Heilbrigðis- og öldrunarráðs 60

60. fundur

Heilbrigðis- og öldrunarráð 60. fundur

Fundur haldin í Heilbrigðis- og öldrunarráði Hornafjarðar fimmtudaginn 20. apríl 2005, kl. 16:15 í fundarsal ráðhúss.

Mættar voru: Elín Magnúsdóttir, formaður, Maren Sveinbjörnsdóttir, Vignir Júlíusson, Margrét Ingólfsdóttir og Kristín G. Gestsdóttir. Einnig: Guðrún Júlía Jónsdóttir, Ágústa Baldursdóttir og Ásta H. Guðmundsdóttir

Gengið var til dagskrá og eftirfarandi tekið fyrir: Elín Magnúsdóttir formaður setti fund og þakkar Halldóru B. Jónsdóttir fráfarandi formanni vel unnin störf í Heilbrigðis- og öldrunarráði

1. Fundargerð síðasta fundar.

Til kynningar.

2. Ársreikningar 2004

Ásta fylgdi ársreikningi 2004 úr hlaði og sagði m.a. að rekstrartekjur námu um 305 mkr. og rekstrargjöld án fjármagnsliða voru um 301 mkr. fjármagnsgjöld námu um 3 mkr. og tekjur umfram gjöld um 950 þúsund kr. Einnig kom fram að hjúkrunarsviðið er rekið með 7,6 mkr. hagnaði en heilsugæslusviðið rekið með 6,6 mkr. halla. Heilbrigðis og öldrunarráð samþykkir framlagðan ársreikning og vísar honum til fyrstu umræðu í bæjarstjórn. Einnig er lagður fram ársreikningur fyrir Gjafa- og minningarsjóð Skjólgarðs. Þar kom fram að tekur eru 2 mkr. þar af fjármagnstekjur um 1,5 mkr. Gjöld voru rúmlega 4,8 mkr. þar af styrkir til ýmissa verkefna 4,6 mkr. að stærstum hluta framlag til garðs við hjúkrunardeild. Eignir sjóðsins eru um 19,8 mkr.

Heilbrigðis og öldrunarráð samþykkir framlagðan ársreikning.

3. Staða 31. mars 2005

Guðrún fór yfir stöðuna og sagði að þrátt fyrir að eftir sé að taka tillit til nokkurra millifærsla þá virðist reksturinn vera innan fjárhagsáætlunar en nauðsynlegt sé að endurskoða launaáætlun m.a. vegna starfsmatsins og að gæta aðhalds í rekstri eins og verið hefur. Stefnt er að því að leggja fram 4ra mánaða uppgjör á fundi í maí n.k.

4. Greinargerð um starfsemi dvalarheimilis.

Greinagerð dags. 14. apríl lögð fram til kynningar. Guðrún fylgdi málinu úr hlaði og sagði að starfsmönnum hafi verið falið að vinna þessa greinagerð í framhaldi af bréfi dags. 6. sept. sl. um breytingar á starfsemi á Hvannabraut 1 – 3. Þar kemur fram að allir deildarstjórar ásamt matráði, framkvæmdastjóra og yfirlækni eru sammála að stefna að því að leggja niður starfsemi á Hvannabraut 1-3 og finna annað úrræði fyrir vistmenn.

Nefndarmenn eru sammála um að fram fari áframhaldandi vinna og kostnaðarmat við endurskoðun á starfsemi HSSA við Hvannabraut og vísar málinu til bæjarráðs til frekari ákvörðunar.

Margrét leggur til að bæjarráð skipi starfshóp um málið.

5. Önnur mál

· Dagvist aldraðra.

Guðrún lagði til að starfsemi dagvistar yrði flutt í þjónustumiðstöð aldraðar í Ekru og að starfið hefjist eftir sumarlokun á nýjum stað. Nefndarmenn eru fylgjandi þessari breytingu og vísa málinu til bæjarráðs.

· Eldhús flutningur á hjúkrunardeild.

Guðrún lagði fram drög að teikningu frá Val Sveinssyni um eldhús í kjallara hjúkrunardeildar við Víkurbraut og sagði að brýnt væri að flytja eldhúsið sem fyrst, bæði vegna betri vinnuaðstöðu fyrir starfsfólk og sparnaðar í rekstri.

Rætt var um vinnu sem er í gangi hjá mötuneytisnefnd um öll mötuneytismál í sveitarfélaginu þar á meðal mötuneyti HSSA. Heilbrigðis og öldrunarráð óskar eftir því að kostnaðaráætlun verði lögð fram og tekin fyrir á næsta fundi sem verður 18. maí n.k.

Margréti finnst ekki tímabært að fara út í meiri vinnu við mötuneytismál HSSA áður en mötuneytisnefndin hefur skilað af sér.

Rætt var um stöðu varðandi ráðningu lækna. Guðrún upplýsti að búið væri að manna fram í ágúst eftir það vantar í tvær stöður af þrem.

Fundi slitið kl. 18:20.