Fundargerð Byggingar- og skipulagsnefndar 44

44. fundur

Fundur haldinn í byggingar- og skipulagsnefnd Hornafjarðar, fimmtudaginn 15. maí 2003, kl. 17:00 í ráðhúsi Hornafjarðar.

Mættir voru: Ólafur Sigurðsson formaður, Aðalsteinn Aðalsteinsson, Torfi Friðfinnsson, Magnús Jónasson, Helgi Már Pálsson tækni- og umhverfissviði og Hákon Valdimarsson byggingarfulltrúi, .

Gengið var til dagskrár og eftirfarandi tekið fyrir:


1. Golfskálinn við Dalbraut og Smárabraut 24. Breytt skráning lóða
Hákon kynnti tillögu um skráningu lóðanna þannig, að lóð Golfskála Hornafjarðar verði skráð Dalbraut 12 í stað V/Dalbraut, og lóð Hvítasunnusafnaðarins verði skráð Hafnarbraut 59 í stað Smárabrautar 24.
Tillagan samþykkt.

2. Skálafell 1, Tveir gistiskálar á lóð C.
Sótt er, í bréfi dags. 23.04.2003, um leyfi til að byggja tvo gistiskála á Lóð C, Skálafelli 1, á reitum nr. 1 og 4, samkv. fyrir-liggjandi tillöguuppdrætti að deiliskipulag svæðisins. Deiliskiplagið hefur ekki verið samþykkt enn, þar sem unnið er í endurskoðun á aðalskipulagi sveitarfélagsins. Um er að ræða samskonar hús og það sem þegar hefur verið byggt. Teikn. eru gerðar af Reyni Sæmundssyni, arkit. dags. 03.04.2002.
Umsækjandi er Þorsteinn Sigfússon, Skálafelli 1, f.h. Kistugils ehf, kt. 441202-2450.
Erindið er samþykkt þar sem þær samræmast fyrirhuguðum breytingum á endurskoðun á aðalskipulagi.

3. Lindarbakki. Skógrækt.
Sótt er, í bréfi dags. 29.03.2003, um stækkun skógræktarsvæðis á lögbýlinu Lindarbakka, Nesjum. Um er að ræða 197,0 ha. svæði vestur að Hoffellsáraurum, samkv. korti frá Skógrækt ríkisins.
Umsækjandi er Skarphéðinn Larsen.
Afgreiðslu málsins er frestað. Leitað verði eftir umsögn frá Landgræðslu ríkisins, vegna núverandi nýtingu lands og Skipulagsstofnunar, vegna hugsanlegrar tilkynningarskildu sbr. lög nr. 106/2000 þar sem áður er búið að samþykkja um 110 ha svæði á þessari jörð. Einnig telur nefndin að þar sem verið er að vinna í endurskoðun á aðalskipulagi hvort leyfa eigi skógrækt á Skógeyarsvæðinu og skoða verði betur landnýtingu á þessu svæði.

4. Tjaldsvæðið, Hafnarbraut 52 á Höfn. Smáhýsi.
Sótt er, í bréfi dags. 27.04.2003, um leyfi til að reisa allt að 30 smáhýsi fyrir ferðamenn, á tjaldsvæðinu, Hafnarbraut 52, á Höfn. Stærð húsanna er um 15,5 ferm. Fyrirhugað er að byrja með 6 hús til reynslu í 2-3 ár, og meta síðan framhaldið að þeim tíma liðnum.
Umsækjandi er Hugi Einarsson, rekstraraðili þjónunstumiðst.
Samþykkt er að veita leyfið til 3ja ára, en lögð er áhersla á að áður en húsum yrði fjölgað þá væri gert deiliskipulag af svæðinu.
Magnús vék af fundi við afgreiðslu málsins

5. Hagatún 14, Garðhús
Sótt er,í bréfi dags. 14.04.2003, um leyfi til að reisa ca 15 ferm. garðhús úr bjálkaeiningum á lóð nr. 14, við Hagatún, norð-austan við íbúðarhúsið.
Umsækjandi er Elín S. Harðardóttir, Hagatúni 14.
Erindið samþykkt með fyrirvara um samþykki eldvarnareftirlitsmanns hvað varðar staðsetningu á lóð.

6. Álaugarvegur 7, Líkamsræktarstöð og verslun
Sótt er, í bréfi dags. 12.04.2003, um leyfi ( umsögn ) til reksturs líkamsræktarstöðvar og verslun henni tengdri, að Álaugarvegi 7, Höfn ( í húsi Olíufélagsins ) Með erindinu fylgir heimild eiganda hússins fyrir umsókninni.
Umsækjandi er Birgir Árnason, f.h. Svöfu Mjallar Jónasdóttur, kt. 150485-3479, væntanlegs eiganda hússins.
Nefndin gerir ekki athugasemdir við starfsemina en bendir á að fullnægjandi teikningar þurfa að berast áður en það er endanlega samþykkt.

7. Kirkjubraut 9. Tillaga um að fella lóðina út sem byggingarlóð.
Tillaga byggingarfulltrúa Hornafjarðar um að byggingar- og skipulagsnefnd mæli með því, að lóð nr. 9, við Kirkjubraut, verði felld út sem byggingarlóð, vegna holræsislagnar í lóðinni og mikils jarðvegsdýpis.
Rætt var um hvort færa ætti byggingarreitinn / lóðin til norð- austurs, ofan af lögninni.
Nefndin er sammála um að vísa því til bæjarráðs að lóðin verði felld út.

8. Hótel Skaftafell. Gistirými á gámabyggingum.
Sótt er, í bréfi dags.06.05.2003. um leyfi til að reisa gistiskála fyrir starfsmenn hótelsins og gesti þess, úr gámaeiningum, norð-austur af núverandi hótelbyggingu í Freysnesi. Um er að ræða samstæðu úr 14 sjálfstæðum einingum, með samfelldu þaki, sem teknar verða á leigu af Hafnarbakka hf, við Sundahöfn í Reykjavík, til 7 ára og verða fjarlægðar, að þeim tíma liðnum. Teikningar af samstæðunni eru gerðar af Tækniþjónustu Sigurðar Þorleifssonar, dags. maí 2003-05-15. Einnig liggur fyrir afstöðumynd af byggingarreit gerð af Ullu R Petersen, landslagsarkitekt, dags. 28.04.2003.
Meðfylgjandi er umsögn Brunamálstofnunar, dags. 14. maí, undirritað af Baldri Friðrikssyni.
Umsækjandi er Anna María Ragnarsdóttir, f.h. Hótels Skaftafells ehf. kt. 650589-1149.
Erindið er samþykkt með fyrirvara um athugasemdir Brunamálstofnunar sbr. bréf.

9. Kynning nokkurra ,,smærri mála,, sem afgreidd hafa verið frá síðasta fundi.
1. :: 11. apríl, 2003. Mælt með endurnýjun vínveitingaleyfis fyrir Veitingahúsið við Jökulsár-lón, fyrir tímabilið 15. maí- 15. sept. 2003. Tilskilið, að húsnæði og aðstaða standist úttekt heilbrigðis- og eldvarnaeftirlits.
Engar athugasemdir
2. :: 4. apríl, 2003. Mælt með endurnýjun vínveitingaleyfis fyrir Flugleiðahótel,í Hótel Eddu, Nesjum, mánuðina júní, júlí og ágúst, 2003. Tilskilið, að húsnæði og aðstaða standist úttekt heilbrigðis- og eldvarnareftirlits.
Engar athugasemdir
3. :: 25. apríl, 2003. Mælt með leyfi til almennra áfengisveitinga í veitingahúsinu Jöklaseli. (Tímamarka ekki getið í umsókn.) Tilskilið, að húsnæði og aðstaða standist úttekt heil-brigðis- og eldvarnareftirlits.
Engar athugasemdir
4. :: 8. apríl, 2003. Heimiluð bygging sólskála við íbúðarhúsið að Hafnarbraut 3, Höfn. Stærð skálans er 8,55ferm.( 2,85x3,00 m.)
Engar athugasemdir
5. :: 8. apríl, 2003. Heimiluð framlenging leyfis til handa Guðveigu Bjarnadóttur, fyrir gisti-aðstöðu í íbúðarhúsinu að Bölta, í Skaftafelli, Öræfum, um eitt ár ( til 31. mars, 2004 ) Skilyrt, að húsnæði og aðstaða standist úttekt heilbrigðis- og eldvarnareftirlits. Áskilið er, að fullnaðarteikningar af húsnæðinu verði lagðar fram, ef um áframhald ofangreinds reksturs verður að ræða að fresti liðnum.
Engar athugasemdir

10. Önnur mál.

Umsókn um leyfi til að reisa húseiningar úr gámaeiningum. Umsækjandi er Sigurbjörn J Karlsson, Smyrlabjörgum, skv. bréfi dags. 15. maí 2003.
Um er að ræða samstæðu úr 6 sjálfstæðum einingum, með samfelldu þaki, sem teknar verða á leigu af Hafnarbakka hf, við Sundahöfn í Reykjavík
Teikningar af samstæðunni eru gerðar af Tækniþjónustu Sigurðar Þorleifssonar, dags. maí 2003.
Óskað er eftir endanlegri afstöðumynd af svæðinu.
Erindið er samþykkt með fyrirvara um athugasemdir Brunamálstofnunar sbr. bréf ( sjá afgr. í lið 8 )

Umsókn um leyfi til að byggja skyggni við aðal- og þvottahúsinngang að Smárabraut 16, skv. teikningu Vals Sveinssonar, dags. 13. maí 2003
Umsækjandi er Björn Ármannson.
Erindið samþykkt

Umsókn um leyfi til að byggja 4 íbúðir við Víkurbraut 32, Lönguhól, skv. teikningum frá Glámu Kím, dags. 12. maí 2003.
Umsækjandi er Albert Eymundsson f.h. Búmanna.
Engar athugasemdir hafa borist vegna auglýsingar á deiliskipulagstillögu.
Erindið er samþykkt þrátt fyrir að hæð útveggja sé hærri en kveður á um í deiliskipulagsskilmálum, þar sem þakhalli húsanna er 7 gráður en leyfilegur þakhalli er 16 gráður og þ.a.l. breytist heildarhæð húsanna ekkert.

Umsókn um leyfi til að byggja skúrbyggingu við austurgafl Vélsmiðju Hornafjarðar, skv. teikningu frá Helga Má Pálssyni byggingartæknifræðingi dags. maí 2003.
Umsækjandi er Skeggi Ragnarsson
Erindið samþykkt.
Helgi Már vék af fundi við afgreiðslu málsins.

Erindi frá Trausta Harðarsyni arkitekt þar sem kynntar eru teikningar af endurbyggingu á Sléttaleiti í Suðursveit ( bárust á faxi 14. maí 2003 ).
Nefndin gerir ekki athugasemdir við tillöguteikningarnar en óskar eftir fullnaðarteikningum.

Hákon lagði fram teikningar af fyrirhugaðri byggingu bensínstöðvar Olís við Hafnarbraut gerðar af Erni Sigurðssyni arkitekt, dags. 14. maí 2003.
Teikningar af húsnæðinu eru samþykktar, en ekki er tekin afstaða til annara mannvirkja á lóðinni þar sem ekki er um endanlegar teikningar að ræða.

Torfi spurðist fyrir um svæði fyrir smærri hús 70 - 90 fermetrar og reglugerð vegna auglýsingaskilta í sveitarfélaginu.


Fleira ekki gert og fundi slitið kl. 20:20

Hákon Valdimarsson
Steinþór Hafsteinsson
Helgi Már Pálsson

Ólafur Sigurðsson
Torfi Friðfinnsson
Magnús Jónasson
Aðalsteinn Aðalsteinsson