Fundargerð Byggingar- og skipulagsnefndar 48

48. fundur

Fundur haldinn í byggingar- og skipulagsnefnd Hornafjarðar, fimmtudaginn 11. desember, 2003, kl. 17:00 í ráðhúsi Hornafjarðar.

Mættir voru: Ólafur Sigurðsson, Haukur Sveinbjörnsson, Magnús Jónasson, Torfi Friðfinnsson, Aðalsteinn Aðalsteinsson, Steinþór Hafsteinsson slökkviliðsstjóri, Helgi Már Pálsson tækni- og umhverfissviði og Hákon Valdimarsson byggingarfulltrúi, .

Gengið var til dagskrár og eftirfarandi tekið fyrir:


1. Menningarmiðstöð Hornafjarðar. Listaverk á Leiðarhöfða.
Sótt er, í bréfi dags. 28.11.2003. um leyfi til að staðsetja listaverk eftir Guðjón ketilsson, myndlistarmann, á Leiðarhöfða, samkv. nánara samkomulagi. Verkið er úr mahogny og er stærð þess 63x45x33 cm.
Umsækjandi er Gísli Sverrir Árnason, f.h. Menningarmiðstöðvar Hornafjarðar.
Erindið samþykkt.

2. Aðalskipulag Sveitarfél. Hornafarðar 1998-2018. Breyting
Sótt er, í bréfi dags. 11.11.2003, um breytingu á aðalskipulagi Sveitarfélagsins Hornafjarðar, sem felst í því, að svæði framan þjóðvegar nr. 1, við Skaftafell 2 í Öræfum / Freysnes, yrði ,,frístundabyggð,, og ,,íbúðabyggð,, í stað ,,landbúnaðarsvæðis,, og að ,,opið svæði til sérstakra nota,, verði stækkað, samkv. framlögðu korti, gerðu af Ullu R. Pedersen, landslagsarkitekt, í mkv. 1:5000, dags. 11.11.2003. Verk. 2101. ( Um er að ræða smá breytingu frá fyrri umsókn, er afgreidd var á fundi nefndarinnar 9. okt. s.l. )
Umsækjandi er Ulla R. Pedersen, f.h.landeigenda.
Erindið samþykkt.

3. Skaftafell 2/ Freysnes. Skýli fyrir slökkvibíl og tæki Björgunarsv. Kára í Öræfum.
Sótt er, í bréfi dags. 12.11.2003, um leyfi til að byggja skýli yfir slökkvibíl Sveitarfél. Hornafjarðar og bryndreka Björgunarsveitarinnar Kára. Fyrirhuguð staðsetning er norð-vestan við bensínafgreiðslu-stöð Skeljungs, í Skaftafelli 2. Öræfum. Með umsókn fylgir uppdráttur af svæðinu, gerður af Ullu R.Pedersen , landslagsarkit. verknr. 03001, dags.17.09.2003 með breyt. 14.10.2003. ( Ekki liggja fyrir teikn. af fyrirhugaðri byggingu enn.)
Umsækjandi er Ragnar Frank Kristjánsson, formaður Björgunarsv. Kára í Öræfum.
Erindið samþykkt.

4. Skinney-Þinganes hf. Olíutankur við (fyrrum) síldarverkunarhús í Óslandi.
Sótt er, í bréfi dags. 21.11.10.2003. um leyfi til að setja upp olíutank við suð-austur horn fyrrum síldarsöltunarhús Skinneyjar-Þinganess hf. Óslandi. Sótt er um að hafa tankinn ofanjarðar. Stærð tanksins er 0,96 m. að þvermáli og lengd 3,3 m. Rúmmál er því um 2400 lítrar.
Umsækjandi er Ingvi Sigurðsson, f.h. Skinneyjar-Þinganess, hf.
Ekki eru gerðar athugasemdir við staðsetningu tanksins en nánari frágangur skal gerður í samráði við eldvarnareftirlitsmann og heilbrigðisfulltrúa.

5. Nýr kirkjugarður Hafnarsóknar. Staðsetning.
Óskað er, í bréfi dags. 11. nóv. 2003, eftir kirkjugarði á Syðri-Ægissíðu í nýju Aðalskipulagi Horna-fjarðar.
Umsækjandi er Þorvaldur Viktorsson, f.h. sóknarnefndar.
Nefndin leggst gegn þessari staðsetningu, en leggur til að skoðaðir verði möguleikar á kirkjugarði við Drápskletta, Sílavíkurhól eða Skeiðhól og það kynnt sóknarnefnd og lagt fyrir næsta fund byggingarnefndar.

6. Kynning nokkurra ,,smærri mála,, sem afgreidd hafa verið frá síðasta fundi.

1. 17.11.203. Samþykkt umsókn Elínar S. Harðardóttur, dags. 11. nóv. 2003, f.h. Skógrækt-arfélags Austur- Skaftaf. um leyfi til að setja upp snyrtihús á jörð (skógræktarsvæði) félagsins að Haukafelli, Mýrum. Stærð húss er 3,8 x3,8 m.
Erindið samþykkt með fyrirvara um að lagðar verði fram fullkomnari teikningar og afstöðumynd þar sem gerð verði grein fyrir staðsetningu frárennslis og öflun neysluvatns.

7. Önnur mál.

Einar Björn Einarsson, Kirkjubraut 7, sækir um leyfi til að reisa sólstofu við íbúðarhúsið að Kirkjubraut 7, skv. teikningu færðri inná útlitsteikningu Árna Kjartanssonar dags. jan 1991
Erindið samþykkt.

Einar Kristjánsson, óskar eftir leyfi um að fá að breyta starfsemi í húsinu að Bugðuleiru 2, Höfn, skv. bréfi dags. 1. des s.l. Ekki er um hefðbundna fiskverkun að ræða, en gert verður að fiski, hann flokkaður og ísaður og fer síðan jafnóðum til fiskkaupanda.
Nefndin samþykkir erindið að því tilskyldu að einungis verði fiskur fluttur inn og út úr húsinu um bakhlið þess og að girðing verði sett upp út frá noðurhorni hússins að lóðarmörkum Álaleiru og þar meðfram þeim að næstu lóð ( Guðni Karlsson ).
Frágangur á frárennslilögnum þarf að vera samþykktur af heilbrigðisfulltrúa.

Hákon kynnti bréf frá bæjarritara þar sem bent er á samþykktar reglur um undirritun fundargerða.


Fleira ekki gert og fundi slitið kl. 18:30

Ólafur Sigurðsson
Torfi Friðfinnsson
Haukur Sveinbjörnsson
Magnús Jónasson
Aðalsteinn Aðalsteinsson

Hákon Valdimarsson
Steinþór Hafsteinsson
Helgi Már Pálsson