Fundargerð umhverfis- og skipulagsnefndar 19
19. fundur
19. fundur Umhverfis- og skipulagsnefndar haldinn í ráðhúsi, 6. desember 2011 og hófst hann kl. 16:00.
Fundinn sátu:
Ásgrímur Ingólfsson formaður
Gunnar Páll Halldórsson aðalmaður
Björn Ingi Jónsson aðalmaður
Aðalsteinn Aðalsteinsson 3. varamaður
Haukur Ingi Einarsson (HIE) framkvæmdastjóri sviðs
Steinþór Hafsteinsson starfsmaður tæknisviðs
Gunnlaugur Rúnar Sigurðsson starfsmaður tæknisviðs
Fundargerð ritaði: Haukur Ingi Einarsson, Framkvæmdastjóri fjármála- og framkvæmdasviðs.
Dagskrá:
| 1. |
200709059 - Breyting á Þjóðvegi 99. Höfn. |
|
|
Rúnar, Björn Ingi og Ásgrímur gerðu grein fyrir málinu. Fram kom að tillaga að nýju vegstæði fyrir þjóðveg í þéttbýli liggi í samræmi við tengiveg sem sýndur er á aðalskipulagi sveitarfélagsins. Rætt var um mikilvægi þess að gæta að greiðfærni inn í miðbæ á Höfn. Starfsmönnum falið að senda erindið á Vegagerðina og óska eftir samstarfi um næstu skref. |
| |
|
|
| 2. |
201112003 - Sorpdagatal 2012 |
|
|
Lögð fram drög að sorpdagatali fyrir árið 2012. Starfsmönnum falið að klára uppsetningu á dagatalinu og gefa út fyrir árið 2012. Samþykkt að starfsmenn undirbúi fund þar sem tekið verði á dagsskrá umhverfismál og sérstaklega tveggja tunnu kerfi. |
| |
|
|
| 3. |
201112004 - Umhverfisstefna sveitarfélagsins |
|
|
Rætt var um gerð umhverfisstefnu og ýmsar útfærslur á gerð hennar. Starfsmönnum falið að vinna tillögur að vinnufyrirkomulagi og senda drög að umhverfisstefnu á nefndarmenn. |
| |
|
|
| 4. |
201112005 - Deiliskipulag við Holt á Mýrum |
|
|
Ásgrímur ræddi hugmyndir að deiliskipulagi á Holt á Mýrum, lagt fram yfirlit yfir landamerki við Holt og Kiljuholt á Mýrum. Starfsmönnum falið að vinna áfram að málinu, undirbúa gögn í formi loftmynda og lýsingar og leggja fyrir næsta fund nefndarinnar. |
| |
|
|
| 5. |
1111049 - Umsókn um byggingarleyfi fyrir viðbyggingu við Leikskólann Krakkakot |
|
|
Stefán Ólafsson sækir um f.h Sveitarfélagið Hornafjörð um að byggja við Leikskólann Krakkakot eina deild samkvæmt meðfylgjandi teikningum frá KRark, Ármúla 1 Reykjavík dags. 10.10.2011. Fram kom að umsóknin er í samræmi við skipulag svæðisins.
Meirihluti nefndarinnar samþykkir framlagða ósk um byggingarleyfi fyrir viðbyggingu við leikskólann Krakkakot að því gefnu að fullnaðargögn í berist byggingarfulltrúa.
Björn Ingi var á móti þessari uppbyggingu á grundvelli barnafjölgunar og þeirrar aðstöðu sem er í samfélaginu og telur að ekki sé þörf á viðbyggingunni í ljósi íbúaþróunar. Telur hann að þeim fjármunum sem veitt verður í verkið ætti að nýta til betri og þarfari verka og getur því ekki samþykkt framlagða byggingarleyfisumsókn. |
| |
|
|
| 6. |
1112006 - Umsókn um byggingarleyfi |
|
|
Rúnar gerði grein fyrir málinu. Sótt er um leyfi fyrir byggingu klæðingar og gluggaskipta á Norðurbraut 4, umsækjandi er Sigurður Karlsson og Birna Sigurðardóttir. Nefndin gerir ekki athugasemd við að byggingarfulltrúi ljúki málinu. |
| |
|
|
| 7. |
201111041 - Beiðni um viðræður um hugsanlega aðkomu Fosshótela og tengdra félaga að uppbyggingu á Hafnarvík/Heppu svæði |
|
|
Haukur Ingi gerði grein fyrir málinu og hvernig umsóknin um lóðirnar væru til komnar. Sagði hann frá áhuga og þeim fundum sem starfsmenn og formaður bæjarráðs hafa átt með forsvarsmönnum Fosshótela um að koma að uppbyggingu ferðaþjónustu í samræmi við deiliskipulagið sem umhverfis- og skipulagsnefnd hefur unnið að síðustu mánuði og er nú í meðferð bæjarstórnar. Taldi hann að nefndin hafi undirbúið málið vel og kom meðal annars fram í máli arkitekta Argos að skipulagið væri til þess fallið að laða að sér fjárfestingu og skapa heillega byggðamynd á Heppunni að nýju. Haukur taldi að umsóknin staðfesti að deiliskipulagið hafi verið vel heppnað hjá nefndinni og að umsókn um slíka fjárfestingu beri þess merki þar sem gert er ráð fyrir uppbyggingu Miklagarðs í sinni upprunalegu mynd, byggingu Bíóbraggans, Verðandi ,Vindheima og nýbyggingarreita B1 og B2. Mikilvægt er að áætlanir fjárfesta eru í samræmi við deiliskipulagið sem bíður samþykkis. Slík fjárfesting sé líkleg til að styrkja áframhaldandi þróun byggðar í Sveitarfélaginu Hornafirði. Um yrði að ræða verkefni upp á hundruð milljóna króna á framkvæmdatímanum ef til kæmi. Fjárfestingin sem eftir stæði væri líkleg til að styrkja atvinnu- og byggðaþróun á Höfn til langs tíma. Nefndin bendir umsækjanda á að kynna sér úthlutunarreglur sveitarfélagsins og skila inn þeim gögnum sem til er ætlast í reglunum. Starfsmönnum falið að koma upplýsingum um reglurnar til umsækjenda. Umhverfis- og skipulagsnefnd fagnar framkomnu erindi og sér ekki annmarka að því að lóðunum verði úthlutað að því gefnu að deiliskipulagið verði samþykkt og að umsækjandi uppfylli úthlutunarreglur sveitarfélagsins. Málinu vísað til bæjarráðs.
Björn Ingi leggur áherslu á að hugað verði að skapandi greinum og menningartengdri ferðaþjónustu í uppbyggingu svæðisins. |
| |
|
|
| 8. |
201002048 - Jarðvegsframkvæmdir - Leirusvæði |
|
|
Ásgrímur gerði grein fyrir málinu og þeim úrræðum sem þegar hefur verið gripið til vegna foks á Leirusvæðinu. Starfsmenn Áhaldahúss vinna nú að því að vökva svæðið til að hefta fok, einnig hafa starfsmenn kynnt sér úrræði Landgræðslunnar um að notast við bikblöndu til að binda jarðveg og hefta þannig fok. Umhverfis- og skipulagsnefnd leggur áherslu á að unnið verði að úrræðum til að draga úr foki eins og kostur er. |
| |
|
|
| 9. |
201102011 - Önnur mál |
|
|
Haukur Ingi gerði grein fyrir umsóknum og úthlutun beitar og slægjulanda.
Gunnar Páll vakti máls á að öryggisgrindverk við Hafnarbarut/Essó hól væri ábótavant og þarfnaðist lagfæringar.
Rætt var um mikilvægi þess að hafa veginn um Almannaskarð opinn, hann sé nauðsynlegur öryggisþáttur eins og nýlegt dæmi sannar þegar slökkvilið Hornafjarðar fór í útkall í Almannaskarðsgöngunum vegna umferðaróhapps. Fram kom að vegurinn upp Almannaskarðið geti bjargað mannslífum. Nefndin óskar eftir því að bæjarráð beiti sér í að tryggja það að Alamannaskarðið verði ávallt opið. |
| |
|
|
Fleira ekki gert. Fundi slitið kl. 18:00
