Fundargerð byggingar- og skipulagsnefndar 122

122. fundur

Fundur í byggingar- og skipulagsnefnd Hornafjarðar haldinn í ráðhúsi,

miðvikudaginn 10. mars 2010 og hófst hann kl. 17:00

Fundinn sátu:

Árni Rúnar Þorvaldsson, Torfi Friðfinnsson, Kristinn Óskarsson, Gunnar Páll Halldórsson, Hákon Valdimarsson, Björgvin Sigurjónsson, Haukur Ingi Einarsson (HIE), Steinþór Hafsteinsson,  

Fundargerð ritaði:  Haukur Ingi Einarsson, Framkvæmdastjóri tækni- og umhverfissviðs

Dagskrá:

1.      201002076 - Ósk um leyfi til að breyta útihúsi í veitingaaðstöðu

Sótt er um leyfi til að breyta hluta útihúsa á Hólmi, Mýrum, (mhl.03) í veitingaaðstöðu fyrir gesti í tengslum við gistingu og húsdýragarð, samkv. teikningu frá Verkfræðiþjónustunni ehf, gerðri af Svavari M. Sigurjónssyni, dags.19.02.2010. Verknr. 09-67, teikn. 101. Umsækjendur eru Guðrún Guðmundsdóttir oh magnús Guðjónsson, Hólmi.

Byggingar- og skipulagsnefnd samþykkir að veita leyfi fyrir breytingum í samræmi við teikningar Svavars M. Sigurjónssonar að því tilskyldu að farið sé að kröfum Heilbrigðis - og eldvarnareftirlits.

2.      201001017 - Ábending vegna alvarlegs umferðarslyss á Siglufirði

Bæjarráð vísaði á fundi sínum 2. des. 2009, til nefndarinnar, ábendingu Rannsóknarnefndar umferðaslysa, dags. 2. des. 2009, til sveitarfélaga, og hvatningu til aðgæslu vegna barna að leik.

Vísað til starfsmanna.

3.      200912046 - Ný veglína yfir Skeiðarársand

Bæjarráð vísaði á fundi sínum 22. desember, 2009, svari Fornleifaverndar ríkisins, dags. 24. nóv. 2009, við beiðni um umsögn um fyrirhugaða veglínu yfir Skeiðarársand.

Byggingar- og skipulagsnefnd hvetur framkvæmdaraðila til að fara í vinnu við að skrá fornleifar á svæðinu við fyrsta tækifæri.

4.      200811052 - Vegur upp úr botni Hoffellsdals

Bæjarráð vísaði á fundi sínum, 22. des. 2009, til nefndarinnar, bréfi Umhverfisstofnunar, dags. 11. des. 2009, þar sem að fram koma viðbrögð hennar við ábendingu, sem henni hafði borist, um lagningu vegar upp úr botni Hoffellsdals og inn á Fossdal.(líklega ábending Þórodds F. Þóroddssonar, ódagsett, sem tekin var til umfjöllunar á 115. fundi nefndarinnar, 14. okt. 2009.--innskot. HV)

Bréfið lagt fram og kynnt.

5.      200908042 - Hafnarvog - endurbætur og lagfæringar

Sótt er um leyfi til að breyta þakkanti húss hafnarvogarinnar og klæða húsið að utan með alusinkhúðuðu bárujárni, í samræmi við framlagðar teikninar, gerðar af Árna Kjartanssyni, arkitekt. Umsækjandi er Björn Imsland, f.h. húseiganda.

Byggingar- og skipulagsnefnd samþykkir að veita leyfi fyrir breytingum í samræmi við teikningar gerðar af Árna Kjartanssyni.

6.      201002029 - Miðbæjarskipulag við Hafnarbraut, Tjarnarbrú, nýju sundlaug og íþróttasvæði

farið yfir tillögur að deiliskipulagi miðbæjarsvæðis við Hafnarbraut/Tjarnarbrú/nýju sundlaug og íþróttasvæði (málið var tekið til kynningar á vinnufundi nefndarinnar 2. mars, s.l.) Sjá annars meðf. fundargerð þess fundar.

Farið var yfir minnispunkta sem teknir voru saman af starfsmönnum og ráðgjafa. Byggingar- og skipulagsnefnd samþykkir að halda áfram vinnu við deiliskipulag á miðbæjarsvæði í samræmi við gögn sem lögðu voru fram á fundinum. Starfsmönnum falið að vinna tillögu að deiliskipulagi fyrir næsta fund nefndarinnar.

7.      200802023 - Knattspyrnuhús /gervigrasvöllur

Kynnt erindi, sem sent hefur verið til Sveitarfélagsins Hornafjarðar,vegna fyrirhugaðrar útlagningar varnargarðs í Sílavík, og lagningar gervigrasvallar. Gögn er málið varða, verða kynnt á fundinum. Umsækjandi er Haukur Ingi Einarsson, frakv.stj. tækni- og umhverfissiðs.

Byggingar- og skipulagsnefnd samþykkir að veita leyfi fyrir lagningu gervigrasvallar ásamt salernishýsi og varnargarð í Sílavík í samræmi við samþykkt aðal- og deiliskipulag.

8.      201003021 - Umsókn um byggingarleyfi

Knútur Bruun óskar umsagnar um fyrirhugaða byggingu 18 herbergja gístirýmis á Hofi 1, í Öræfum, úr gámaeiningum frá Hafnarbakka hf.sbr. tölvupóst 2. mars, 2010. Umræddar framkvæmdir þarf eflaust að gernndarkynna og fylgja upplýsingar um slóð grendarkynningar hjá Skipulagsstofnun með fundarboði í tölvupósti.

Byggingar- og skipulagsnefnd bendir á að afstöðumynd fyrirhugaðrar nýbyggingar sem kynnt var á fundinum geti verið í ósamræmi við gildandi lóðamörk og beinir því til umsækjanda að ganga úr skugga um að svo sé ekki, að öðrum kosti að leiðrétta uppdráttin í samræmi við rétt lóðamörk. Nefndin felur starfmönnum að grenndarkynna fyrirhugaðar framkvæmdir fyrir íbúum á Hofi, Sóknarnefnd Hofssóknar og Þjóðminjaverði. Aðaluppdráttur þarf að liggja fyrir. Þar er gerð grein fyrir gerð, útliti, stærð og staðsetningu mannvirkis, byggingarefni, skipulagi lóðar o.fl. þátta.

9.      201003036 - Umsókn um byggingarleyfi

Sótt er um leyfi fyrir viðbyggingu við íbúðarhús Björns Þorbergssonar, Breiðabólsstað, Gerði, samkv. teikningum Sveins Ívarssonar, arkit. dags. 1. mars, 2010. Umsækjandi er Sveinn Ívarsson, f.h. Björns Þorbergssonar.

Byggingar- og skipulagsnefnd samþykkir að veita leyfi fyrir viðbyggingu í samræmi við framlögð gögn unnin af Sveini Ívarssyni dags. 1. mars 2010, að því gefnu að byggingin uppfylli kröfur heilbrigðis - og eldvarnareftirlits.

10.  201003039 - Umsókn um leyfi til að byggja gróðurhús á lóð nr. 48 í Stafafellsfjöllum

Sótt er um leyfi til að byggja gróðurhús á lóð nr. 48 í Stafafellsfjöllum samkv. framlagðri tillöguteikningu (rissi, ódagsettu og án tilgreinds hönnuðar) Umsækjandi er Óðinn Eymundsson.

Byggingar- og skipulagsnefnd hafnar beiðninni þar sem húsið er ekki í samræmi við skipulagsskilmála.

11.  200705114 - Önnur mál

Óskað umsagnar um stækkun á Fákaleiru 8a. Umsækjendur Bragi Karlsson og Valdís Kjartansdóttir.

Byggingar- og skipulagsnefnd gerir ekki athugasemd við fyrirhugaða stækun á Fákaleiru 8a að því gefnu að stækkun hússins samræmist skipulagsskilmálum lóðarinnar.

Nýtt kirkjugarðsstæði við Réttarkletta.
Samþykkt að taka málið fyrir á næsta fundi nefndarinnar.

12.  200909035 - Breyting á Aðalskipulagi Hornafjarðar, Vatnsveita, hitaveita og þjóðvegur í þéttbýli

Breyting á Aðalskipulagi Hornafjarðar, Vatnsveita, hitaveita og þjóðvegur í þéttbýli.

Bréf Skipulagsstofnunar lögð fram til kynningar. Áframhaldandi vinnu vísað starfsmanna.

Fleira ekki gert.  Fundi slitið kl.   19:30