Fundargerð byggingar- og skipulagsnefndar 113

113. fundur

Fundur í byggingar- og skipulagsnefnd Hornafjarðar haldinn í ráðhúsi, fimmtudaginn 10. september 2009 og hófst hann kl. 17:00

 Fundinn sátu:

Árni Rúnar Þorvaldsson, Torfi Friðfinnsson, Kristinn Óskarsson, Björn Ingi Jónsson, Aðalsteinn Aðalsteinsson, Hákon Valdimarsson, Borgþór Freysteinsson, Haukur Ingi Einarsson (HIE), Björgvin Sigurjónsson,  

 Fundargerð ritaði:  Haukur Ingi Einarsson, Framkvæmdastjóri tækni- og umhverfissviðs

 Dagskrá:

 1.      200909019 - Námur, umhverfis- og auðlindafræði, Georg Haney

Námur og skipulag. Erindi Georgs Haneys meistaranema í umhverfis- og auðlindafræði kynnti erindi sitt er varðar uppbyggingu verkferla fyrir undirbúning og gerð aðalskipulags er varðar skipulag á námum.
Jákvæðar umræður sköpuðust um málið, byggingar- og skipulagsnefnd óskar eftir því að fá að fylgjast með framvindu verkefnisins.

2.      200908031 - Athugasemdir v. ósamþykktra húsa á sumarbústaðasvæði í Stafafellsfjöllum

Kynnt bréf frá landeigendum frístundahúsasvæðis í Stafafellsfjöllum, dags. 10. ágúst, 2009.þar sem gerðar eru athugasemdir við fjölda ósamþykktra húsa í skjóli stöðuleyfa.
Byggingar- og skipulagsnefnd óskar eftir fundi með landeigendum þar sem farið verði yfir sjónarmið þeirra í málinu. Einnig óskar nefndin eftir fundi með félagi sumarbústaðareigenda í Stafafellsfjöllum. Starfsmönnum falið að undirbúa fundina og jafnframt að gera samantekt um veitt stöðuleyfi og stöðu mála tengd þeim.

3.      200909003 - Athuasemdir vegna byggingaframkvæmda á lóð í Stafafellsfjöllum

Kynnt bréf frá Önnu Kjartansdóttur, hlutyeiganda í sumarbústað á lóð nr. 10, í Stafafellsfjöllum, dags.1. sept. 2009, þar sem að mótmælt er byggingu húss á lóð nr. 11, sem á sínum tíma var gefið tímabindið leyfi fyrir, sem vinnuskúr, til tveggja ára. Eigandi hefur þrátt fyrir að stöðuleyfið hafi runnið út í júlí, 2008, haldið áfram framkvæmdum við húsið án tilskilinna leyfa.
Málið lagt fram og kynnt. Starfsmönnum falið að afla frekari gagna áður en málið fær endanlega afgreiðslu.

4.      200909008 - Ósk um leyfi til að flytja hús af lóð nr. 4 á lóð 46

Sótt er um leyfi til að flytja sumarbústað á lóð nr. 4 í Stafafellsfjöllum af lóðinni. Umsækjandi er Olgeir Jóhannesson, Miðtuni 23.

Byggingar- og skipulagsnefnd gerir ekki athugasemdi við flutning á sumarbústaðnum.

5.      200909004 - Ósk um leyfi til flutnings húss af lóð nr. 4 á lóð nr. 46 í Stafafellsfjöllum

Óskað er eftir leyfi til að flytja sumarbústað á lóð nr 4 í Stafafellssfjöllum yfir á lóð nr 46 í Stafafellsfjöllum. Engin gögn fylgja með umsókn. Umsækjandi er Hrafnhildur Magnúsdóttir, Hrísbraut 3.
Byggingar- og skipulagsnefnd samþykkir leyfisumsóknina að því gefnu að skilað verði inn byggingarnefndarteikningum ásamt skráningatöflu innan tveggja mánaða. Nefndin leggur áherslu á að sumarbústaðurinn verði staðsettur innan byggingarreits og í samræmi við skipulag svæðisins. (Björn Ingi Jónsson vék af fundi undir þessum lið).

6.      200909021 - Umsókn um byggingarleyfi

Sótt er um leyfi til að byggja frístundahús á lóð nr. 4 í Stafafellssfjöllum, samkv. framlagðri teikningu eftir Sigurð Einarsson, tæknifr. Endanlegar teikningar hafa ekki borist, en er væntanlegar. Umsækjandi er Olgeir A. Jóhannesson, miðtúni 23.
Byggingar- og skipulagsnefnd samþykkir að veita leyfi fyrir byggingu frístundahússins að því gefnu að skilað verði inn endanlegum byggingarnefndarteikningum ásamt skráningartöflu.

7.      200909011 - Ósk um staðfestingu á staðsetningu gestahúss á lóð nr. 11 í Stafafellsfjöllum

Óskað er eftir staðfestingu nefndarinnar á staðsetningu ,,gestahúss,, á lóð nr. 11 í Stafafellsfjöllum, samkv. framlögðum gögnum. Ætlun umsækjanda er að nota húsið sem sumarbústað og íverustað meðan á byggingu aðalhúss stendur, næstu 2-3 árin. Umsækjandi er Sveinbjörn Imsland.
Málið lagt fram og kynnt. Starfsmönnum falið að afla frekari gagna áður en málið fær endanlega afgreiðslu.

8.      200909006 - ÓSK UM LEYFI TIL NIÐURRIFS TRÉSMÍÐAVERKSTÆÐI VIÐ VÍKURBRAUT

Óskað er eftir leyfi til að rífa trésmíðaverkstæði við Víkurbraut. Umsækjandi er Haukur Ingi Einarsson, f.h. Tækni- og umhverfissviðs.
Undir þessum lið fór Haukur yfir stöðu mála um uppbyggingu knattspyrnuhúss og væntanlega framkvæmdaröð.
Byggingar- og skipulagsnefnd gerir ekki athugasemdir við niðurrif hússins.

9.      200909005 - Ósk um stækkun lóðar að Dalbraut 10

Óskað er eftir stækkun lóðarinnasr nr. 10 við Dalbraut ásamt fellingu nokkurra trjáa. Stækkunin felst í því, að vesturmörk lóðarinnar verða færð vestur um 5,0 metra.Erindið er sent byggingar- og skipulagsnefnd (í stað bæjarráðs) og því ágætt að fá álit nefndrainnar fyrir fund bæjarráðs. Umsækjendur eru Margrét Ingólfsdóttir og Jón Finnsson.

Byggingar- og skipulagsnefnd mælir með því að lóðin verði stækkuð sbr. framlögð gögn.
Björn Ingi telur eðlilegt að sveitarfélagið setji sér verklagsreglur þegar erindi af þessum toga berast. (Aðalsteinn Aðalsteinsson vék af fundi undir þessum lið).

10.  200908013 - Beiðni um stækkun lóðar

Bæjarráð vísar á fundi sínum 17. ágúst, 2009, erindi eigenda Hafnarbrautar 47a, þar sem óskað er stækkunar á lóðinni í samræmi við framlagögð gögn/afstöðumynd. Umsækjendur eru Ásgrímur Ingólfsson og Þórgunnur Torfadóttir, Hafnarbraut 47a.
Byggingar- og skipulagssnefnd mælir með að umsækjendum verði veitt leyfi til að stækka lóð sína í austur c.a 50 fermetra, en verði veittur afnotaréttur af lóð norðan við lóðina c.a 140 fermetra. (Aðalsteinn Aðalsteinsson vék af fundi undir þessum lið).

11.  200908036 - Flutningsleyfisumsókn f. sumarhús að Fagurhólsmýri

Sótt er um leyfi til að fjarlægja, til flutnings, sumarbústað á Fagurhólsmýri, eign Karls Haraldssonar. Umsækjandi er Karl Haraldsson, Gautlandi 15, Rvík.
Engar athugasemdir.

12.  200909002 - Ósk um leyfi til uppsetningar loftnetsstanga og búnaðar innanhúss í gamla vatnstankinum

Óskað er eftir leyfi til að setja upp fjarskiptabúnað á gamla vatnstankinn á Fiskhóli. Lögð fram gögn, þar sem síma/fjarskiptafyrirtækið NOVA kynnir tillögur sínar að uppsetningu loftneta á gamla vatnstankinn á Fiskhóli.
Byggingar- og skipulagsnefnd gerir ekki athugasemd við upsetningu loftnetanna með fyrirvara um samþykki Menningarmálanefndar. Byggingar- og skipulagsnefnd er sammála um að nauðsynlegt sé að heildarskoðun fari fram um málefni af þessum toga og framtíðarstefna mótuð sbr. fyrri bókanir nefndarinnar um sambærileg mál.

13.  200709059 - Endurskoðun á aðalskipulagi

Bæjarráð vísar, á fundi sínum 31. ágúst, 2009, til nefndarinnar, svari Vegagerðarinnar 20. ágúst, 2009, við erindi Hauks Inga Einarssonar frá 30. júní, 2009 varðandi áformaðar breytingar á aðalskiðulag þéttbýlisins á Höfn.
Byggingar- og skipulagsnefnd óskar eftir frekari samstarfi við Vegagerðina um málið. Nefndin áréttar fyrri bókanir um að brýnt sé að fara í hraðakamarkandi aðgerðir við skóla- og íþróttasvæði. Starfsmönnum falið að fylgja málinu eftir.

14.  200811052 - Vegur upp úr botni Hoffellsdals

Sótt er um leyfi fyrir áframhaldandi vegalagningu í botni Hoffellsdals, uppi á Dalsstafni, undir Fossdalshnútu. Um er að framhald vegslóða sem samþykktur var 15. desember, 2008. Umsóknin hefur þegar verið samþykkt skv. heimild um flýtimeðferð. Umsækjendur eru landeigendur.

Til kynningar.

15.  200909014 - Umsókn um byggingarleyfi

Sótt er um leyfi fyrir viðbyggingu við Hvítasunnukirkjuna á Hafnarbraut 59, samkv. teikn. frá Jeannot Tsirenge, arkitekt. Verknr. 09.01 dags. 12.08.2009. Umsækjandi er Matthildur Þorsteinsdóttir, f.h. Hvítasunnukirkjunnar.
Byggingar- og skipulagsnefnd samþykkir viðbyggingu fyrir sitt leyti að því gefnu að teikningarnar uppfylli kröfur eldvarnareftirlits.

16.  200906092 - Ósk um breytta starfsemi og skráningu Hafnarbrautar 11

Til afgreiðslu er umsókn eigenda Hafnarbrautar 11 (gömlu sundlaugar)um breytta skráningu hússins lóinni, sem frestað var á síðasta fundi nefndarinnar og óskað frekari gagna. Fyrir liggja nánari upplýsingar eigenda um fyrirhugaða notkun hússins.
Byggingar- og skipulagsnefnd gerir ekki athugasemd við fyrirhugaða skráningu Hafnarbrautar 11 sem safnahúss.

17.  200909022 - Umsókn um byggingarleyfi

Sótt er um leyfi til að setja bárujárnsklætt risþak á bílskúr á lóð nr. 5 við Norðurbraut. Þakhalli verður í samræmi við þakhalla íbúðarhússins. Umsækjandi er Ragnar Arason, Norðurbraut 5.
Byggingar- og skipulagsnefnd samþykkir leyfi fyrir byggingu á þaki yfir bílskúr.(Árni Rúnar Þorvaldsson vék af fundi undir þessum lið).

18.  200909035 - Breyting á Aðalskipulagi Hornafjarðar, Vatsveita, hitaveita og þjóðvegur í þéttbýli

Haukur gerði grein fyrir þeirri undirbúningsvinnu sem fram hefur farið. Byggingar- og skipulagsnefnd felur starfmanni að halda vinnu við málið áfram. Nefndin leggur einnig til að nýr kirkjugarður verði tekinn með í þessari skipulagsvinnu í samræmi við fyrri bókanir nefndarinnar.