Fundargerð byggingar- og skipulagsnefndar 105

105. fundur

105 . fundur byggingar- og skipulagsnefndar Hornafjarðar haldinn í ráðhúsi, miðvikudaginn 11. febrúar 2009 og hófst hann kl. 17:00

Fundinn sátu:

Árni Rúnar Þorvaldsson, Kristinn Óskarsson, Björn Ingi Jónsson, Hákon Valdimarsson, Haukur Ingi Einarsson (HIE), Steinþór Hafsteinsson,  

Fundargerð ritaði:  Haukur Ingi Einarsson, Framkvæmdarstjóri umhverfis- og tæknisviðs

Dagskrá:

1.      200902007 - Deiliskipulag í landi Hoffells II og Miðfells

Óskað er eftir því, að hluti af landi Hoffells II og Miðfells verði deiliskipulagður með hliðsjón af uppbyggingu ferðaþjónustu í Hoffelli. Fyrirhugað deiliskipulagssvæði er sýnt á framlögðu korti með umsókn. Umsækjandi er Þrúðmar Þrúðmarsson.

Byggingar- og skipulagsnefnd tekur jákvætt í erindið en bendir á að breyta þurfi aðalskipulagi áður en deiliskipulag fer fram. Byggingar- og skipulagsnefnd óskar eftir umsögn svæðisráðs Vatnajökulsþjóðgarðs áður en breytingartillagan fær endanlega afgreiðslu.

2.      200901099 - Bókun sóknarnefndar v. nýs kirkjugarðs

Bókun sóknarnefndar Hafnarsóknar vegna staðsetningar á nýjum kirkjugarði. Bókun þessari var, á fundi bæjarráðs 26. jan. 2009, vísað til byggingar- og skipulagsnefndra. Lögð fram til kynningar.

Byggingar- og skipulagsnefnd leggur áherslu á að svæði undir nýjan kirkjugarð verði skipulagt þannig að sem best nýting á svæðinu náist.

3.      200812034 - Umsókn um byggingarleyfi fyrir rampi f. vöruflutningabíla

Sótt er um leyfi til að byggja ,,rampa,, við vöruskemmur (KASK í Álaugarey) Endurnýjuð umsókn frá 4. des. 2008 en nú með nýrri útfærslu þar sem rampur er styttur úr 21,7 m í 17,0 m. Umsækjandi er Ágúst Gíslason f.h.Urtusteins ehf.

Byggingar- og skipulagsnefnd samþykkir erindið fyrir sitt leyti með fyrirvara um samþykki Hafnarstjórnar.

4.      200902025 - Ósk um að breyta notkun húsnæðis að Bugðuleiru 6

Óskað er leyfis til að innrétta íbúð á efri hæð í norðurenda Bugðuleiru 6, Höfn, til útleigu fyrir ferðamenn eða einstaklinga. Umækjandi er Kim Gram Laursen, Kirkjubraut 64, Hofn

Byggingar- og skipulagsnefnd sér ekki ástæðu til að breyta núgildandi aðalskipulagi fyrir þetta svæði og því hafnar nefndin ósk um breytingu á deiliskipulagi vegna Bugðuleiru 6.

5.      200902026 - Ósk um uppsetningu á loftneti á Gamla vatnstanknum

Óskað er leyfis til að skipta út loftnetum á gamla vatnstankinum við Fiskhól, þ.e. að setja upp eina loftnetsstöng með 3 stefnuvirkum loftnetum í stað tveggja stanga áður. Umsækjandi er Gautur Þorsteinsson, f.h. Og fjarskipts ehf (vodafone)

Byggingar- og skipulagsnefnd gerir ekki athugasemd við uppsetningu mastursins. Björn Ingi telur gamla vatnstankinn ekki hentuga staðsetningu fyrir fjarskiptabúnað og bendir á mögulegt ónæði af slíkum búnaði svo nálægt íbúðarbyggð. Byggingar- og skipulagsnefnd er sammála um að nauðsynlegt sé að heildarskoðun fari fram um málefni af þessum toga og framtíðarstefna mótuð.

Starfsmönnum falið að svara erindinu.

6.      200902021 - Vegur á Ægissíðu

Erindi Jóhönnu Guðmundsdóttur til bæjarstjóra, vegna vegamála á Ægissíðu. Bæjarráð vísar erindinu hinn 9. febr. til nefndarinnar.

Byggingar- og skipulagsnefnd þakkar ábendinguna og leggur áherslu á að veginum verði vel við haldið. Starfmönnum falið að vinna að málinu.

7.      200706082 - Umferðaröryggi. Hraðatakmarkandi aðgerðir á Höfn.

Áframhaldandi umræður um umferðaröryggi hraðatakmarkandi aðgerðir. Lögð fram tillaga að uppbyggingu hraðahindrana við Kirkjubraut, Sandbakka og Sandbakkaveg.

Byggingar- og skipulagsnefnd leggur til að lagðar verði tvær hraðahindranir á þessum vegkafla í samræmi við tillögur á fundinum. Vísað til bæjarráðs.

8.      200709059 - Endurskoðun á aðalskipulagi

Farið yfir fundargerð vinnufundar byggingar- og skipulagsnefndar frá 4. febr. s.l.þar sem unnið var að endurskoðun aðalskipulags í smaræmi við tilmæli starfshóps um endurskoðun aðalskipulags ásamt drögum að nýrri greinargerð.

Ákveðið að boða til vinnufundar 25. febrúar með aðal- og varamönnum til áframhaldandi vinnu.

Fleira ekki gert.  Fundi slitið kl.   19:10