Fundargerð byggingar- og skipulagsnefndar 94

94. fundur

Fundur í byggingar- og skipulagsnefndar Hornafjarðar haldinn í ráðhúsi,miðvikudaginn 13. ágúst 2008 og hófst hann kl. 17:00

Fundinn sátu:

Árni Rúnar Þorvaldsson, Torfi Friðfinnsson, Kristinn Óskarsson, Gunnar Páll Halldórsson, Hákon Valdimarsson, Steinþór Hafsteinsson, Haukur Ingi Einarsson (HIE), Páll Ólafsson,  

 Fundargerð ritaði:  Haukur Ingi Einarsson, Framkvæmdarstjóri umhverfis- og tæknisviðs

 Dagskrá:

 1.      200808011 - Breyting á aðalskipulagi Skaftárhrepps 2002-2014 - Lakagígar
Skaftárhreppur gefur Sveitarfélaginu Hornafirði kost á að gera athugasemdir við breytingu á Aðalskipulagi Skaftárhrepps 2002-2014, sbr. 7. gr. laga um umhverfismat áætlana. Athugasemdum skal skila fyrir 10. september, 2008
Byggingar- og skipulagsnefnd gerir ekki athugasemd við breytingu á aðalskipulagi Skaftárhrepps.

2.      200808010 - Umsókn um lóðarstækkun
Bæjarráð vísar, á fundi sínum 7. ágúst, 2008, erindi Óðins Eymundssonar þar sem hann óskar eftir stækkun á lóð sinni, Júllatúni 1 til byggingar- og skipulagsnefndar
Byggingar- og skipulagsnefnd felur starfsmönnum að grenndarkynna erindið fyrir nærliggjandi íbúum. Nefndin gerir að öðru leiti ekki athugasemd við umsóknina.

3.      200808018 - Byggingarleyfisumsókn v. Brunnhóls
Ingólfur Guðmundsson óskar f.h. Kollgátu-arkitekta-hönnunar, eftir umfjöllun um fyrirspurnarteikningar, dags.06.08.2008, af viðbyggingu við Brunnhól á Mýrum.
Byggingar- og skipulagsnefnd samþykkir teikningar með fyrirvara um að endanlegar teikningar berist í samræmi við kröfur heilbrigðis-, vinnu- og eldvarnareftirlits.

4.      200711012 - Tillaga svæðisráðs suðursvæðis Vatnajökulsþjóðgarðs um staðsetning gestastofu
Tekin til umfjöllunar tillaga að breytingu á Aðalskipulagi Sv.fél. Hornafj. 1998-2018, vegna fyrirhugaðrar gestastofu o.fl. í Stekkanesi,sem auglýst hefur verið meðlögformlegum hætti. Athugasemdafrestur var til 1. ágúst 2008, og bárust engar athugasemdir.
Byggingar- og skipulagsnefnd samþykkir breytinguna fyrir sitt leiti og vísar tillögu að aðalskipulagsbreytingu til bæjarstjórnar.

Samþykkt samhljóða

5.      200808014 - Ósk um leyfi til að stja einhalla þak á bílskúr að Fiskhól 1

Arnór Kristjánsson óskar eftir leyfi nefndarinnar til að byggja einhalla þak á bílskúr sinn að Fiskhóli 1,í stað sólskála sem samþykktur var 22.05.1991.
Samþykkt samhljóða.

6.      200807009 - Reglur Sveitarfélagsins Hornafjarðar um úthlutun á byggingarrétti fyrir íbúðarhúsnæði
Drög að reglum um úthlutun á byggingarrétti fyrir íbúðarhús.
Byggingar- og skipulagsnefnd samþykkir drögin með áorðnum breytingum og vísar drögunum til bæjarráðs.

7.      200808025 - Byggingarleyfisumsókn v. Raftahlíðar í Lóni
Sótt er um leyfi til að byggja við sumarbústaðinn á lóð 10, í Stafafellsfjöllum (Raftahlíð)auk innanhússbreytinga í eldra húsinu og endurnýjaðrar utanhússklæðningar. Umsækjandi er Árni Kjartansson, f.h. eigenda.
Byggingar- og skipulagsnefnd samþykkir teikningar fyrir sitt leiti en óskar eftir endanlegum teikningum.

Önnur mál

Umferðaröryggi á Höfn.
Árni spurðist fyrir um þá vinnu sem farið hafi fram frá síðasta fundi um umferðaröryggi. Haukur gerði ráð fyrir því að kynna málið með höfundum skýrslunnar fyrir nefndinni á næsta fundi í september.
Námur í Sveitarfélaginu Hornafirði
Umræður sköpuðust um námur í Sveitarfélaginu og mikilvægi þess að efnistaka færi fram í samþykktum námum almennt. Byggingar- og skipulagsnefnd leggur til að hafin verði vinna við að koma námum inn á aðalskipulag í sveitarfélaginu meðal annars í tengslum við nýjan veg yfir Hornafjarðarfljót.
Hugmyndir Fuglaathugunarstöðvar Suðausturlands um framkvæmdir við Einarslund.
Byggingar- og skipulagsnefnd gerir ekki athugasemdir við fyrirhugaðar framkvæmdir.
Skautasvell
Haukur gerði grein fyrir fyrirhuguðum framkvæmdum við gerð á skautasvelli aftan við Miðbæ.

Til kynningar

Fleira ekki gert.  Fundi slitið kl.   18:30