Fundargerð byggingar- og skipulagsnefndar 93

Fundur 93

Fundur byggingar- og skipulagsnefndar Hornafjarðar haldinn í ráðhúsi, fimmtudaginn 17. júlí 2008 og hófst hann kl. 12:00

Fundinn sátu:

Árni Rúnar Þorvaldsson, Gunnar Páll Halldórsson, Björn Ingi Jónsson, Miralem Haseta, Haukur Ingi Einarsson (HIE),

Fundargerð ritaði:  Haukur Ingi Einarsson, Framkvæmdarstjóri tækni- og umhverfissviðs

Dagskrá:

1.      200802023 - Deiliskipulag vegna knattspyrnuhús

Að lokinni auglýsingu nýs deiliskipulags KNATTLEIKJAHÚS VIÐ VÍKURBRAUT Á HÖFN er lögð fram tillaga Glámu ? Kím Arkitekta dags. 15.05.2008, breytt 17. 07. 2008. Í nýju deiliskipulagi felst skilgreining á lóð og byggingarreit undir knattleikjahús og tilheyrandi þjónustubyggingu á Höfn. Athugasemdafrestur stóð frá 22. maí til 17. júlí 2008
Eftirtaldir aðilar sendu inn athugasemdir: Bréf dagsett 26. júní 2008 undirritað af 13 íbúum og eigendum við Garðsbrún 1, 3 og 6 og Bogaslóð 16, 20 og 22. Bréf dagsett 1. júlí 2008 frá íþróttakennara og knattspyrnuþjálfara á Höfn. Bréf dagsett 8. júlí 2008 frá Stjórn knattspyrnudeildar Sindra. Bréf dagsett 4. júlí 2008 frá Aðalstjórn ungmennafélagsins Sindra. Bréf dagsett 10. júní 2008 frá eigendum Víkurbrautar 5.
Lagðar voru fram á fundinum yfirlitsmyndir sem sýna skuggamyndun knattspyrnuhússins á nærliggjandi hús, gögn unnin af ASK arkitektum. Einnig voru lagðir fram minnispunktar bæjarstjóra eftir kynningar- og skoðunarferð bæjarráðs, bæjarstóra og framkvæmdarstjóra tækni- og umhverfissviðs 28. og 29. febrúar 2008 til tveggja arkitektastofa, Glámu ? Kím og ASK arkitekta. Í ferðinni voru einnig skoðuð knattspyrnuhús í Grindavík, Hafnarfirði og Kópavogi.

Athugasemdum hefur verið svarað og fallist á að stærð og lega lóðar við Víkurbraut 5 minnki eins og fram kemur á nýjum uppdrætti frá Glámu ? Kím unninn 17.07.2008.

Deiliskipulagstillaga kynnt og samþykkt. Vísað til bæjarráðs

Drög að svörum við athugasemdum lögð fram og samþykktar með áorðnum breytingum. Vísað til bæjarráðs.

2.      200807009 - Reglur Sveitarfélagsins Hornafjarðar um úthlutun á byggingarrétti fyrir íbúðarhúsnæði

Drög að reglum um úthlutun byggingarlóða lögð fram og kynnt. Byggingar- og skipulagsnefnd óskar eftir upplýsingum um hvernig úthlutunarreglur eru hjá sambærilegum sveitarfélögum áður en endanleg afgreiðsla málsins fer fram.

3.      200807012 - Byggingarleyfisums. fyrir salernisaðstöðu við Miðskjól í Öræfum

Umsókn Guðjóns Ingimundarsonar fyrir hönd landeigenda á Hnappavöllum dagsett 2. júlí 2008 þar sem óskað er eftir uppsetningu salernisaðstöðu við Miðskjól undir Hnappavallahömrum í Öræfum.

Umsókn samþykkt samhljóða með fyrirvara um að salernishúsið uppfylli kröfur bruna- og heilbrigðiseftirlits.

Fleira ekki gert.  Fundi slitið kl.   14:00