Fundargerð byggingar- og skipulagsnefndar 78

78. fundur

Fundur í byggingar- og skipulagsnefnd  Hornafjarðar haldinn í ráðhúsi, fimmtudaginn 21. júní 2007 og hófst hann kl. 17:00.

Fundinn sátu:

Árni Rúnar Þorvaldsson, Torfi Friðfinnsson, Kristinn Óskarsson, Gunnar Páll Halldórsson, Björn Ingi Jónsson, Haukur Ingi Einarsson (HIE), Hákon Valdimarsson,

Fundargerð ritaði:  Haukur Ingi Einarsson, Framkvæmdastjóri tækni- og umhverfissviðs.

1.      200706052 - Deiliskipulag á leirusvæði

Árni Rúnar Þorvaldsson, óskaði eftir því að umferðarmál væru tekin fyrir sem sérliður undir 9. lið. Samþykkt samhljóða.
Byggingar- og skipulagsnefnd fagnar framkomnum gögnum frá Ullu R. Pedersen landslagsarkitekt og felur arkitekt að fullklára deiliskipulag á Leirusvæði en skal taka tillit til eftirtalinna breytinga. Lóðir sem skilgreindar eru E-1 hafi ekkert lágmarks nýtingarhlutfall en hámarks nýtingarhlutfall 0,5. Lóðir sem skilgreindar eru E-2, E-3, E-4, E-5, E-6, E-7, E-8, E-9 hafi lágmark nýtingarhlutfall 0,15 en hámarks nýtingarhlutfall 0,5. Lóðir sem skilgreindar eru E-5 verði byggðar á tveimur hæðum, allar aðrar lóðir á einni hæð.

Með þessum breytingum samþykkir Byggingar- og skipulagsnefnd framkomnum tillögum og vísar þessu til Bæjarráðs.

2.      200706026 - Umsókn um uppsetningu skiltis v. motorcross

Byggingar- og skipulagsnefnd samþykkir niðursetningu skiltis v/motocross brautar á vegslóða sem liggur frá Hafnarbraut að Drápsklettum. Staðsetning skiltisins skal vera í samráði við starfmenn tæknideildar sveitafélagsins.

3.      200706006 - Ný lög um gatnagerðargjald

Byggingar- og skipulagsnefnd er sammála um að taka skuli til endurskoðunar samþykkt sveitafélagsins um gatnagerðargjald og felur starfmönnum að koma með tillögu að nýrri samþykkt fyrir næsta fund.

4.      200706025 - Júllatún 7 Umsókn um byggingarleyfi

Samþykkt samhljóða.

5.      200705088 - Umsókn um leyfi til að rífa viðbyggingu við Sindrabæ

Samþykkt samhljóða.

6.      200706033 - Umsókn um byggingarleyfi v. Vesturbrautar 1

Byggingar- og skipulagsnefnd samþykkir hugmyndir að fyrirhugaðri stækkun og felur starfsmönnum að finna lausn á lóðarmálum í samræmi við umræður á fundinum. Gerð er athugasemd við gasgeymsluhús á lóðinni.

7.      200706042 - Jökulsárlón Olíuskilja

Samþykkt samhljóða.

8.      200706046 - Breyting á skipulagi v. Bugðuleiru 6

Byggingar- og skipulagsnefnd sér ekki ástæðu til að breyta núgildandi aðalskipulagi fyrir þetta svæði og því hafnar nefndin ósk um breytingu á deiliskipulagi vegna Bugðuleiru 6.

9.      200706082 – Umferðaröryggi

Byggingar- og skipulagsnefnd leggur til að innkoman inn í bæinn verði 50 km/klst. að gatnamótum við Hlíðartún. Allar aðrar götur verði með 30 km/klst. Björn Ingi leggur áherslu á að umferðarljós verði sett upp við gatnamót Víkurbrautar og Hafnarbrautar. Árni Rúnar Þorvaldsson dreifði umhverfisskýrslu " breyting á Aðalskipulagi Hornafjarðar 1998 - 2018 vegna nýlagningar vegar yfir Hornafjarðarfljóta“

Fundi slitið kl. 20:30