Fundargerð byggingar- og skipulagsnefndar 88

88. fundur

Fundur haldinn í byggingar- og skipulagsnefndar Hornafjarðar haldinn í ráðhúsi,

þriðjudaginn 19. febrúar 2008 og hófst hann kl. 17:00

Fundinn sátu:

Árni Rúnar Þorvaldsson, Torfi Friðfinnsson, Kristinn Óskarsson, Gunnar Páll Halldórsson, Björn Ingi Jónsson, Hákon Valdimarsson, Haukur Ingi Einarsson (HIE),

Fundargerð ritaði:  Haukur Ingi Einarsson, Framkvæmdarstjóri umhverfis- og tæknisviðs

 1.                  200802017 - Byggingarleyfisumsókn Gámahýsi fyrir ísframleiðslu

Sótt er um leyfi til að setja niður gámahús við Árbæ á Mýrum, vegna fyrirhugaðrar rjómaísframleiðslu tengdri kúabúinu á Árbæ. Um er að ræða staðsetningu til bráðabirgða. Umsækjandi er Sæmundur Jón Jónsson, Árbæ

Nefndin samþykkir umsóknina með fyrirvara að gámahýsið standist kröfur heilbrigðis- og eldvarnareftirlitsins.

2.                  200801061 - Ósk um að breyta Hrísbraut 6,í eina íbúð

Sótt er um leyfi til að breyta íbúðarhúsinu á Hrísbraut 6 í eina íbúð, í stað tveggja, eins og samþykkt var 19. febr.1991. Umsækjendur eru Einar Hjalti Steinþórsson og Sigríður Lucia Þórarinsdóttir.

Nefndin samþykkir umsóknina athugasemdalaust.

3.                  200706082 - Umferðaröryggi Áframhaldsumræða

Bæjarráð vísar, á fundi sínum 28. jan. 2008, umsögnum Jóns Garðar Bjarnasonar, varðstjóra á Höfn, og Lögreglustjórans á Eskifirði,um fyrirhugaðar breytingar á umferðarhraða innan þéttbýlis Hornafjarðar, sbr. bókun á 85. fundi byggingar- og skipulagsnefndar.

Miklar umræður sköpuðust um umferðarmál. Nefndin er sammála um að gæta þurfi sérstaklega að umferðaröryggi nálægt skólum, íþróttasvæðum og í íbúðahverfum. Starfsmönnum falið að vinna að þarfagreiningu vegna hugsanlegrar lækkunar hámarkshraða í þéttbýli. Starfsmönnum falið að kanna kostnað við ráðgjöf vegna þessara mála.

4.                  200706052 - Deiliskipulag á Leirusvæði

Óskað er eftir nýrri umfjöllun nefndarinnar um deiliskipulag leirusvæðis.

Starfsmenn fóru yfir skipulagsferli deiliskipulags. Frestur til að skila inn athugasemdum er liðinn, engar athugasemdir bárust. Nefndin vísar deiliskipulaginu óbreyttu til bæjarráðs. Jafnframt mælist nefndin til þess að bæjarráð geri tillögur að áfangskiptingu skipulagssvæðisins.

5.                  200711012 - Tillaga svæðisráðs suðursvæðis Vatnajökulsþjóðgarðs um staðsetning gestastofu

Aðalskipulag Sveitarfélagsins Hornafjarðar 1998-2018.-Breyting. Lögð er fram tillaga að aðalskipulagsbreytingu sem felur í sér nýtt þjónustusvæði á Stekkanesi vegna fyrirhugaðrar gestastofu í tengslum við Vatnajökulsþjóðgarð. Tillögu uppdráttur dags. 6. des. 2007 m.br. 17. jan. 2008. Höfundar eru Elín S. Harðardóttir, Rannveigu Einarsdóttir og Helgi M. Pálsson.

Nefndin gerir ekki athugasemdir við framlagða breytingartillögu, sem unnin er að frumkvæði tækni- og umhverfissviðs, í framhaldi af umfjöllun bæjarráðs hinn 12. nóv. 2007, um tillögu Svæðisráðs Vatnajökulsþjóðgarðs að gestastofu í Stekkanesi. Bæjarráð samþykkti tillöguna fyrir sitt leyti, og vísaði henni til byggingar- og skipulagsnefndar. Nefndin mælir með því, að bæjarstjórn taki breytingartillöguna til skoðunar og afgreiðslu.

6.                  200802036 - Bygginarleyfisumsókn v. löndunarhúss við fiskimjölsverksmiðju í Óslandi

Sótt er um leyfi til að byggja nýtt löndunarhús við fiskimjölsverksmiðju Skinneyjar-Þinganess hf. í Óslandi, í stað eldra húss, sem verður rifið í kjölfarið. Teikningar eru frá Verkfræðistofu Siglufjarðar, dags. janúar, 2008. Umsækjandi er Aðalsteinn Ingólfsson, f.h.Skinneyjar-Þinganess hf.

Nefndin samþykkir umsóknina, en óskar eftir fullnaðarteikningum af fyrirhugaðri byggingu. Þá er skilyrt, að farið verði að kröfum eldvarnar- og heilbrigðiseftirlits, sem fram kunna að verða settar, jafnframt háð leyfi Hafnarstjórnar.

7.                  200802037 - Neyðarútgangshurð - ósk um leyfi fyrir uppsetningu

Sótt er um leyfi til að setja upp neyðarútganga á suðurstafn Ráðhússins. Um er að ræða dyr á allar þrjár hæðir hússins og hringstiga úr stáli, utan þeirra, sambærilegan þeim, sem er á Nýheimum. Umsækjandi er Björn Þór Imsland, f.h. Sveitarfélagsins Hornafjarðar

Nefndin samþykkir umsóknina með fyrirvara um að endanlegar teikningar berist.

Önnur mál.

Vinnufundur með ráðgjöfum
Stefnt er að vinnufundi með ráðgjöfum í vikunni 1. - 8. mars.

Fundir í dreifbýli
Starfmanni falið að senda drög að dagsskrá til nefndarmanna í tölvupósti.

Bréf frá Hestamannafélagi Hornafjarðar dagsett 18. febrúar sl.
Óskað er eftir því að sett verði upp skilti við reiðvegina meðfram þjóðvegi, nánar tiltekið frá pípuhliði að Alammaskarði annars vegar og að afleggjara við Stekkhól hins vegar. Nefndin gerir ekki athugasemdir við uppsetningu skiltanna en leggur áherslu á að staðsetningar þeirra verði ákvarðaðar í samráði við byggingarfulltrúa. Nefndin hvetur til þess að málinu verði flýtt sem kostur er.

Kynnt var umsókn eigenda Kirkjubrautar 48 vegna bílskúrsbyggingar og stækkunar lóðar.
Afgreiðslu málsins frestað til næsta fundar.

Fleira ekki gert.  Fundi slitið kl.   18:30