Fundargerð byggingar- og skipulagsnefndar 76

76. fundur

Fundur haldinn      í byggingar- og skipulagsnefnd Hornafjarðar, miðvikudaginn 11. apríl, 2007, kl. 17:00 í ráðhúsi Hornafjarðar.

Mættir voru:   Árni Rúnar Þorvaldsson, formaður, Torfi Friðfinnsson, Kristinn Óskarsson, Gunnar Páll Halldórsson og Björn Ingi Jónsson í síma.

Einnig Hákon Valdimarsson, Haukur Ingi Einarsson og Steinþór Hafsteinsson.

Formaður setti fundinn og bauð fundarmenn velkomna.

1.            Deiliskipulag Leirusvæðis Tillaga

Kynnt var tillaga að breyttu Deiliskipulagi við leirusvæði.  Björn Ingi spurði hvort lóðir milli Víkurbrautar og Hagaleiru hindri uppbyggingu íþróttamannvirkja.  Byggingar og skipulagsnefnd líst vel á tillöguna og felur starfsmönnum að koma ábendingum á framfæri í samræmi við umræður á fundinum.  Nefndin er sammála því að vinnu við deiliskipulagið verði haldið áfram á þessum nótum. 

2.            Hafnarbraut 34. Breytt notkun eldri hluta húss

Kynnt var umsókn Halldóru Ingólfsdóttur dagsetta 30.03.2007 að breytingum á eldri hluta húss við Hafnarbraut 34.  Nefndin samþykkti breytingarnar að því tilskildu að viðunandi teikningum verði skilað inn.

3.            Silfurbraut 44 Lóðarumsókn

Kynnti var umsókn Ásgríms Ingólfssonar dagsetta 21.03.2007 um byggingarlóð (44) við Silfurbraut.  Töluverð umræða skapaðist og Byggingar- og skipulagsnefnd mælir með því að umrædd lóð verði ekki sett inn á skipulag sveitarfélagsins. 

4.            Afgreiðsla „smærri mála“ sem afgreidd hafa verið frá síðasta fundi nefndarinnar

Samþykkt breyting á áður samþykktum teikningum (14.02.2007) af Hagatúni 14. þar sem efri hæð viðbyggingar bakhliðar er felld út.

Engar athugasemdir voru gerðar.

5.            Önnur mál

Kynnt var tillaga um Aðalskipulagsbreytingu við Brekku í Lóni, nefndin mælir með því að Sveitastjórn fari í Aðalskipulagsbreytingu.

 Árni óskaði eftir upplýsingum um jarðir og lönd í eigu sveitafélagsins og um nýtingu á þeim.  Starfsmönnum var falið að afla upplýsinga um þessi mál og málið verði tekið fyrir á næsta fundi Byggingar- og skipulagsnefndar.

 Hákon kynnti umsókn Rarik um að setja upp tvær spennistöðvar á Reynivöllum í Suðursveit og Fagurhólsmýri í Öræfum .  Nefndin samþykkti umsóknina.

 Einar Björn Einarsson óskaði eftir að setja upp tvö smáhýsi norðan við íbúðarhúsnæði á Reynivöllum, nefndin tók vel í málið en óskaði eftir fullnægjandi teikningum til að geta afgreitt erindið.

 Þórbergur Torfason lagði inn teikningar frá Sveini Ívarssyni arkitekt dagsettar 12.03.2007 af  viðbyggingu við íbúðarhúsnæði að Lundi 3 á Hala.  Nefndin samþykkti teikningarnar en óskar eftir endanlegum teikningum frá Sveini Ívarssyni.

 Ólafía Bragadóttir sækir um að nota neðrihæð að Hafnarbraut 24 fyrir minjagripaverslun.  Nefndin óskar eftir því að málið fari í grenndarkynningu áður en til endanlegrar samþykktar kemur. 

 Ólafur Jónsson óskar eftir því að breyta sumarbústað í landi Hvamms í Laxárdal / lóð 13 samkvæmt framlögðum teikningum dagsettum 24.03.2007 frá ARK ÞING.  Nefndin samþykkti teikningarnar.    

 Hákon kynnti tölvubréf Hafþórs Reynissonar dagsett 11. apríl 2007,  þar sem spurt er um möguleika á breytingu á deiliskipulagi með íbúð á Bugðuleiru 6, eystri enda í huga.

 Umferðarmál verða tekin fyrir á næsta fundi Byggingar- og skipulagsnefnar, starfsmönnum falið að koma með tillögur.

 Umræða skapaðist um olíutank á austurfjörum. Nefndin felur starfsmönnum að afla gagna um málið fyrir næsta fund nefndarinnar.  

  Fundi slitið 19:05