Fundargerð byggingar- og skipulagsnefndar 66

66. fundur

Mættir voru:   Ólafur Sigurðsson, Haukur Sveinbjörnsson, Aðalsteinn Aðalsteinsson,  og Magnús Jónasson

Einnig Hákon Valdimarsson, Steinþór Hafsteinsson, Össur Imsland og Helgi Már Pálsson tækni- og umhverfissviði.

 1.      Haukafell á Mýrum.  Breyting aðalskipulags

Tillaga að breyttu aðalskipulagi Sveitaf. Hornafjarðar tekin til umfjöllunar, sbr. 3. mgr. 18. gr Skipulags- og byggingarlaga nr. 73/1997 m.s.br. Um er að ræða 34 ha. hluta úr 200 ha landbúnaðarsvæði í eigu Skógræktarfélags Hornafjarðar í Haukafelli, sem tekið  verður undir frístundabyggðarsvæði fyrir allt að 7 hús á 5 lóðum. Tillagan hefur fengið lögformlega kynningu og ekki bárust neinar athugasemdir.

Nefndin leggur því til við sveitarstjórn að breytingin verði staðfest.

 2.     Söluskáli Skeljungs, Freysnesi.  Ný bygging í stað núverandi.

Anna María Ragnarsdóttir, Skaftafelli 2, óskar, í bréfi dags. 9.05.2006, f.h. Vegsauka ehf eftir leyfi fyrir byggingu nýs Söluskála í Freysnesi skv. Teikningu Vigfúsar Halldórssonar BFI, Rauðagerði 10, Reykjavík, dags. 6. maí 2006. Um er að ræða “gámaeiningar” . Erindið kynnt á síðasta fundi.

Erindið samþykkt með fyrirvara um samþykki eldvarnar- og heilbrigðiseftirlits.

 3.      Íslandspóstur - Tillaga að skipulagi lóðar

Fyrir liggur tillaga ASK Arkitekta á lóð nr. 6, dags. 10. mars 2006, verk 0525

sem Íslandspóstur hefur óskað eftir til úthlutunar. Á tillögunni er gert ráð fyrir út- og innakstri frá Hafnarbraut og að “framhlið” þess snúi einnig út að Hafnarbrautinni.

Nefndin getur ekki fallist á þessa tillögu og telur rétt að húsinu verði snúið um 90 gráður ( eða jafnvel 180 gráður ). Aðkoma verði frá Vesturbraut, en vöruflutningar væru frá Hafnarbraut um einbreiða “lokaða” aðrein.

Gera þarf breytingu á deiliskipulagi vegna byggingarinnar.

 4.       Hvammur í Lóni. Stækkun fjárhúsa

Sótt er, í bréfi dags. 25.04.2006, um leyfi til að stækka fjárhús í Hvammi í Lóni samkv. teikningum frá TeikniHorni ehf. gerðum af Vali Sveinssyni, byggingarfr.  dags. 21.03.2006. Verknr. LÓN-UNN-0601

Umsækjandi er Unnsteinn Steindórsson, Hvammi

Erindið samþykkt

5.       Dýhóll Nesjum. Loðdýrahús Nýbygging

Sótt er, í bréfi dags. 25.04.2006, um leyfi til að byggja loðdýrahús (minkahús) úr stáli á svæði lóðdýrabúsins í  landi Dýhóls, samkv. teikningum frá Byggingarþjónustu Bændasamtaka Íslands, gerðum af Magnúsi Sigsteinssyni, tæknifr. dags. 14.12.2005. Verknr. 0909-85.

Umsækjandi er Sigurður Bjarnason, Klettabrekku.

Erindið samþykkt

  6.      Grænahraun Nesjum Eggjapökkunaraðstaða. Nýbygging

Sótt er, í bréfi dags. 19.04.2006, um leyfi til að byggja eggjapökkunarhús við hænsnabúið í Grænahrauni, samkv. teikn. frá TeikniHorni ehf, gerðum af Vali Sveinssyni, byggingarfr. dags. 08.04.2006. verknr. NES-GRH-0601 

Umsækjandi er Valdimar Ingólfsson.

Erindið samþykkt

 7.      Hvannabraut 3-5. Gistiheimili

Óskað er, í bréfi dags. 11.04.2006, eftir leyfi fyrir breyttri starfsemi að Hvannabraut 3-5 þar sem áður var rekið dvalarheimili aldraðra. Umsækjandi hyggst reka gistiheimili með 32-34 rúmum í 16 herb. ásamt aðstöðu fyrir veitingu morgunverðar.

Umsækjandi er Halldór Birgisson, f.h. Ránarslóðar ehf. (sjá 7. lið fundargerðar síðasta fundar nefndarinnar)

Nefndin leggst ekki gegn þessari breytingu, en óskar eftir að endanlegar teikningar berist nefndinni. Einnig er fyrirvari um endanlega afgreiðslu sveitarstjórnar vegna aðalskipulagsbreytingar á þessum reit ( sjá fund nr. 65 ) . 

 8.    Afgreiðsla ,,smærri mála,, sem afgreidd hafa verið frá síðasta fundi nefndarinnar.

       Engar afgreiðslur ,,smærri mála,,

 9 .   Önnur mál.

Kynntar teikningar af 3 svefnskálum við Gerði Suðursveit, teikning gerð af Sveini Ívarssyni arkitekt, dags. 6 maí 2006. Ekkert bréf fylgdi erindinu.

Til kynningar.

 Kynnti bréf frá íbúum Hvannabrautar 2 og 4, dags. 20. apríl 2006, móttekið 8 maí s.l., þar sem að þeir gerðu athugasemdir við  aðalskipulagsbreytingu á reitnum við Hvannabraut 3 – 5 ( sjá fund nr. 65 ).

Erindinu vísað frá þar sem það barst nefndinni eftir auglýstan athugasemdarfrest sem var þ. 13. apríl s.l.

 Kynnt bréf frá Kristínu Guðmundsdóttir, dags. 8. maí 2006, þar sem óskað er eftir leyfi til reksturs gistingar í austurenda íbúðarhússins í Hafnarnesi

Erindið samþykkt með fyrirvara um samþykki heilbrigðiseftirlits.

 Helgi Már gerði grein fyrir að frestað hafi verið vinnu við endurskoðun á aðalskipulagi sveitarfélagsins, en breytingar yrðu gerðar á veglínu yfir Hornafjarðarfljót.

 Kynntar voru nýjar teikningar af fyrirhugaðri sundlaugarbyggingu við Heppuskóla, frá ASK Arkitektum, Geirsgötu 9, Rvík. Verknr.05147, dags. 9. maí, 2006.

Fundi slitið 18:25