Fundargerð Byggingar- og skipulagsnefndar 38

38. fundur

Fundur haldinn í byggingar- og skipulagsnefnd Hornafjarðar, mánudaginn 12. ágúst 2002, kl. 17:00 í ráðhúsi Hornafjarðar.

Mætt voru: Ólafur Sigurðsson formaður, Magnús Jónasson, Torfi Þór Friðfinnsson, Haukur Sveinbjörnsson, Steinþór Hafsteinsson slökkviliðsstjóri, , Helgi Már Pálsson bæjarverkfræðingur, Hákon Valdimarsson byggingarfulltrúi, .

Ólafur Sigurðsson bauð fundarmenn velkomna til fyrsta fundar og greindi frá ákvörðun bæjarráðs um kosningu hans sem formanns og Aðalsteins Aðalsteinssonar sem varaformanns.

Gengið var til dagskrár og eftirfarandi tekið fyrir:

1. Miðós 17. Ketilhús.

Sótt er um leyfi til að byggja ketilhús ásamt tengibygingu við loðnubræðsluna, Miðósi 17, í Óslandi, samkv. teikn. frá Glámu-Kím, arkit. Laugavegi 164, Rvík. dags. 08.07.2002. Verknr. GK 020752.
Umsækjandi er Árni Kjartansson, arkit. f.h. SR-Mjöls, skv. bréfi dags. 17 júlí s.l.
Erindið er samþykkt með fyrirvara um endanlegt samþykki Brunamálastofnunar.

2. Stafafellsfjöll. Breyting deiliskipulagsskilmála v. lóðar nr. 11

Til umræðu og afgreiðslu eru hugmyndir að breytingu á skipulagsskilmálum deiliskipulags í Stafafellsfjöllum, vegna lóðar nr. 11. Hugmyndirnar eru samþykktar af Gísla Gíslasyni, skipulagsarkitekt svæðisins. Grenndarkynning hefur farið fram, og bárust athugasemdir frá lóðarhöfum lóðar nr. 10, þeim Árna og Sigbirni Kjartanssonum.

Nefndin telur að með framkvæmdri grenndarkynningu og samráði við arkitekt deiliskipulagsins og landeigendur hafi breytingin farið í formlegan farveg samanber ábendingu í bréfi Skipulagsstofnunar frá 21. júní s.l. og hafnar þeim rökum sem bent er á í bréfi lóðarhafa á lóð nr. 10.
Samþykkt er að óska eftir leyfi Skipulagsstofnunar til að auglýsa breytinguna á deiliskipulaginu.

3. Stafafellsfjöll. Viðbótarlóð á staðfestu skipulagssvæði

Til umræðu og afgreiðslu er viðauki við staðfest skipulag í Stafafellsfjöllum. Um er að ræða eina við- bótarlóð austast á svæðinu. Viðaukinn er samþykktur af Gísla Gíslasyni, landslagsarkitekt svæðisins.
Grenndarkynning hefur farið fram og engar athugasemdir borist.
Samþykkt er að óska eftir leyfi Skipulagsstofnunar til að auglýsa breytinguna á deiliskipulaginu.

4. Kálfafellsstaður. Þjónustuhús við Kálfafellsstaðarkirkju

Sótt er um leyfi til að byggja þjónustuhús við Kálfafellsstaðarkirkju í Suðursveit, samkv. teikn. Reynis Sæmundssonar, arkit. Hönnunarhúsinu, Bæjarhrauni 2, HF. Dags. 07.07.2002.
Umsækjandi er sr. Einar Jónsson, sóknarprestur, f.h. sóknarnefndar.
Þjónustuhúsið er 2,0 metra ofan við kirkjuna, en þarf að vera í 6,0 metrar fjarlægð skv. ákvæðum byggingarlaga og mun arkitekt verða við þessari breytingu. Að öðru leyti er erindið samþykkt.

5. Hlíðartún 41. Prentsmiðja í bílskúr

Umsókn/erindi frásíðasta fundi nefndarinnar (14.05.02 ) til afgreiðslu. Grenndarkynning hefur farið og engar athugasemdir borist.
Samþykkt að veita tímabundið bráðabyrgðarleyfið til 2ja ára.

6. Miðfell, Nesjum, Dýragarður

Sótt er um leyfi til að setja á fót dýragarð við fyrrum minkahús á aurunum neðan Miðfells í NesjumUmsækjandi er Þrúðmar Þrúðmarsson, Hoffelli 2.
Erindið er samþykkt

7. Ósland. Eldsneytisdælur við smábátahöfnina.

Sótt er um leyfi til að setja upp eldsneytisgeymi og afgreiðsludælu fyrir báta við smábátahöfnina í Óslandi, samkv. gögnum frá Verkfræðistofunni BURÐI ehf, Hlíðarsmára 8, Kópav. gerðum af Hirti Hansen.Verknr. 433, dags. 14.03.2002. Umsögn Brunamálast. rík. liggur fyrir.
Umsækjandi er Guðjón M. Gíslason, f.h. Olíufélagsins hf. ESSO
Erindið er samþykkt með fyrirvara um að athugasemdum Brunamálastofnunar verði framfylgt. Staðsetning eldsneytisgeymis er ekki samþykkt á því svæði sem sýnd er á teikningu, en skal vera við upptökubraut, þ.e. við austurkant.
Nefndin hvetur til þess að notaður verði einn olíugeymir og eitt áfyllingarplan og umgerð þeirra verði samræmd ( sjá teikningu Olís, þ.e. hálfniðurgrafinn geymir ). Sjá nánar lið 8 í fundargerð.
Undir þessum lið mætti Haukur en tók ekki þátt í afgreiðslu liðar 7 og 8.

8. Ósland. Eldsneytisdælur við smábátahöfnina.

Sótt er um leyfi tilað setja upp eldsneytisgeymi og afgreiðsludælu fyrir báta við smábátahöfnina í Óslandi, samkv. gögnum frá Friðriki Ólafssyni, verkfræðingi, Reykjafold 14, Rvík. Verknr. FO0602051, dags. 10.06.2002.
Umsækjandi er Hafsteinn Guðmundsson, f.h. Olíuverslunar Íslands hf. OLÍS
Erindið er samþykkt með fyrirvara um samþykki Brunamálastofnunar. Sjá nánar bókun í lið 7 hér að framan.

9. Stafafellsfjöll. Lóð nr 39a Sumarbústaður

Sótt er um leyfi til að byggja sumarbústað á lóð nr. 39a í Stafafellsfjöllum, samkv. teikn. frá Útrás, verkfræðistofu, Brekkugötu 4, Akureyri. gerðum af Þórhalli S. Bjarnasyni. Teikn. nr. 02010, dags. 25.07.2002.
Umsækjandi er Olga Þórarinsdóttir
Erindið er samþykkt

10. Hafnarbraut 30. Kennslustofur í Vöruhús KASK

Sótt er um leyfi til að innrétta kennslustofur á miðhæð fyrrum verslunar KASK, á Hafnarbraut 30, samk. teikn. Vals Sveinssonar, byggingarfræðings. Borist hafa athugasemdir frá Heilbrygðiseftirliti Austurlands, sjá bréf dags. 6. ágúst
Nýjum teikningum var dreift á fundinum þar sem minniháttar breytingar hafa verið gerðar.
Erindið er samþykkt með fyrirvara um afgreiðslu eldvarnareftirlits og niðurstöðu grenndarkynningar.

11. Kynning nokkurra ,,smærri mála,,

Eftirtalin mál hafa verið afgreidd, sem ,,smærri mál,, frá síðasta fundi nefndarinnar.

1. Hafnarbraut 30. Menningarmiðstöð Hornafj. gefið tímabundið leyfi ( fram að hausti 2002 ) fyrir breyttri notkun hússins til sýningahalds. Jökla sýning og máverkasýning.
Engar athugasemdir

2. Þjóðgarðurinn í Skaftafeli. Rafmagnsveitum ríkisins gefið leyfi til að setja upp spennistöð við Þjónustumiðstöðina í Skaftafelli.
Engar athugasemdir

3. Smárabraut 18. Gísla P. Björnssyni gefið leyfi til að klæða húsið að utan með STENI-klæðningu og einangra um leið.
Engar athugasemdir

4. Fosshótel Vatnajökull. Gefið tímabundið vínveitingaleyfi, frá 17. maí til 29. sept. 2002.
Engar athugasemdir

5. Gistiheimilið Frost og funi ehf, Hofi, Öræfum. Gefið leyfi til veitinga léttvíns og öls.
Engar athugasemdir

6. Jöklasel við Vatnajökul. Ís og ævintýri ehf.Gefið alm. vínveitingaleyfi.
Engar athugasemdir

7. Gistiheimilið Ásgarður, Ránarslóð 3. Verbúðir ehf. Gefið almennt vínveitingaleyfi
Engar athugasemdir

8. Ferðaþjónustan Smyrlabjörgum. Gefið vínveitingaleyfi í sumar.
Engar athugasemdir

9. Árnanes, Gistihús. Endurnýjað almennt vínveitingaleyfi til 6 mánaða, frá 31. mars, 2002.
Engar athugasemdir

10. Björn Björgvinsson, Sólbakka 4, Breiðdalsvík. Veitt staðbundin viðurkenning á Hornafirði sem húsasmíðameistari.
Engar athugasemdir

11. Bjarni Kristinsson, Arnarheiði 18, Hveragerði. Veitt staðbundin viðurkenning á Hornafirði sem pípulagningameirtari.
Engar athugasemdir

12. Önnur mál.
Samþykkt er að heimila byggingarfulltrúa og formanni byggingarnefndar að afgreiða smærri mál eins og verið hefur frsm til þessa.

Fundir byggingarnefndar verða framvegis annan fimmtudag í hverjum mánuði.

Fleira ekki gert og fundi slitið kl. 19:00

Ólafur Sigurðsson Hákon Valdimarsson

Magnús Jónasson Steinþór Hafsteinsson

Haukur Sveinbjörnsson Helgi Már Pálsson

Torfi Þór Friðfinnsson