Fundargerð Byggingar- og skipulagsnefndar 39

39. fundur

Fundur haldinn í byggingar- og skipulagsnefnd Hornafjarðar, fimmtudaginn 10. október 2002, kl. 18:00 í ráðhúsi Hornafjarðar.

Mætt voru: Ólafur Sigurðsson formaður, Magnús Jónasson, Aðalsteinn Aðalsteinsson, Haukur Sveinbjörnsson, Steinþór Hafsteinsson slökkviliðsstjóri, Helgi Már Pálsson bæjarverkfræðingur, Hákon Valdimarsson byggingarfulltrúi, .

Gengið var til dagskrár og eftirfarandi tekið fyrir:

1. Erindisbréf byggingar- og skipulagsnefndar.

Tekin voru til umfjöllunar, drög að erindisbréfi byggingar- og skipulagsnefndar Hornafjarðar, sbr. bréf Ingu J. Halldórsdóttur, dags. 29.07.2002.
Leiðréttingar eru gerðar í kaflanum um Réttindi og skildur byggingar- og skipulagsnefndar í 2. og 3 málsgrein þannig að í stað "formann eða forstöðumanns" og "bygginga- og skipulagsfullrúa" standi "tækni- og umhverfissviðs"
Aðrar athugasemdir eru ekki gerðar.

2. Aðalskipulag Sveitarfélagsins Hornafjarðar 1998-2018.

Rætt var um hugsanlega endurskoðun aðalskipulags Hornafjarðar, en skv. lögum skal það endurskoðað á 4ra ára fresti.
Nefnd voru atriði eins og hugsanleg áform landeiganda í dreifbýli um ný svæði fyrir frístundabyggð / sumarbústaðalönd, ákvæði um hverfisvernd og lönd er falla undir hverfisvernd.
Samþykkt er að senda landeigendum í dreifbýli bréf þar sem óskað er eftir þeirra sjónarmiðum. Gera þarf ráð fyrir þessum kostnaði við gerð fjárhagsáætlunar næsta árs.

3. Skálafell 1, Suðursveit Frístundabyggð. Deiliskipulag

Umsókn um byggingu þriggja frístundahúsa fyrir ferðaþjónustu, í landi Skálafells 1, Suðursveit. Um er að ræða breytingu frá fyrri uppdráttum, er samþ. voru 9. apr. 2002. Fullnaðarskipulagsgögn liggja ekki fyrir enn, en eru væntanleg.
Umsækjandi er Reynir Sæmundsson, arkitekt. f.h. Þorsteins Sigfússonar, Skálafelli.
Ekki eru gerðar athugasemdir við erindið, en ýtrekað að fullnægjandi gögn þurfa að liggja fyrir áður en erindið er endanlega samþykkt.

4. Bogaslóð 15. Breyting úr tvíbýlishúsi í einbýlishús
Sótt er um leyfi til að breyta skráningu Bogaslóðar 15, Höfn, úr tvíbýlishúsi í einbýlishús.
Umsækjendur eru Ingólfur Eyjólfsson og Fjóla Rafnkelsdóttir.
Erindið samþykkt með fyrirvara um þinglýsingu á gjörningnum.

5. Smárabraut 24 ( Garðeyjarhús ) Kross við Kirkju Hvítasunnusafnaðarins
Sótt er um leyfi til að reisa allt að 12 metra háan kross á lóð Hvítasunnusafnaðarins að Smárabraut 24, Höfn (Garðeyjarhús) Endanleg gögn liggja ekki fyrir.
Umsækjandi er Gestur Kr. Gestsson, f.h Hvítasunnusafnaðarins.
Nefndin getur ekki miðað framlögð gögn, samþykkt að reistur verði 12 metra hár kross á lóðinni og telur rétt að hæð hans verði ekki meiri en 8 metrar.
Óskað er eftir ýtarlegri gögnum, t.d. efnisgerð, útlit, staðsetning, lýsing o.fl. og verður erindið þá tekið fyrir aftur í nefndinni.

Undir þessum lið yfirgaf Aðalsteinn Aðalsteinsson fundinn

6. Umgengni á nokkrum fyrirtækjalóðum

Kynnt bréf frá Elínu S. Harðardóttur, f.h. áhugahóps um Staðardagskrá 21, þar sem bent er slæma umgengni á lóðum nokkurra fyrirtækja í sveitarfélaginu. Erindið er einnig sent umhverfisnefnd.
Samþykkt að formaður nefndarinnar ásamt starfsmönnum tækni- og umhverfissviðs og heilbrigðisfulltrúa fari í vettvangskönnun. Einnig er því beint til formanns umhverfisnefndar að hann taki þátt í skoðunarferðinni. Stefnt er að því að niðurstöðum ferðarinnar verði skilað á næsta fundi nefndarinnar

7. Kynning nokkurra ,,smærri mála,,

Eftirtalin mál hafa verið afgreidd, sem ,,smærri mál,, frá síðasta fundi nefndarinnar.

1. Víkurbraut 2. 19. sept. 2002. Áfengis- og tóbaksverslun ríkisins gefið leyfi til að setja upp nýtt, staðlað skilti við verslun sína að Víkurbraut 2, í stað eldra, sem fyrir var.
Engar athugasemdir

2. Kálfafellsstaður. 30. sept. 2002. Samþykkt breyting á afstöðu fyrirhugaðs þjónustuhúss fyrir kirkju og garð, sem samþykkt var 12. ágúst, s.l.
Engar athugasemdir

3. Vesturbraut 1. ESSO. 20. sept. 2002. Veitt leyfi til bráðabirgða, að setja upp auglýsingaskilti við þvottaplan ESSO, þar sem auglýstur er ,,sjálfsafgreiðsluafsláttur,,
Engar athugasemdir

4. Landssíminn. 3. október, 2002. Landssímanum veitt leyfi til að setja upp lítið tækjahús (1,5x1,5 m) í landi Hala, í Suðursveit, vegna ISDN-væðingar fyrir dreifbýli
Engar athugasemdir

5. Grámosahólar úr landi Hóla. 3. október, 2002. Önnu L. Jónsdóttur, o.fl. gefið leyfi til bráðabirgða, til að setja niður aðstöðuhús ( 18 ferm) við skógræktarsvæði þeirra við Grámosahóla, úr landi Hóla.
Engar athugasemdir


8. Önnur mál.
Hákon vakti sthygli á að umsögn Brunamálastofnunar vegna olíuafgreiðslu Olís við smábátahöfnina liggi ekki fyrir.

Ólafur spurðist fyrir um deiliskipulag við Ekru / Lönguhól

Fleira ekki gert og fundi slitið kl. 20:05

Ólafur Sigurðsson Hákon Valdimarsson

Magnús Jónasson Steinþór Hafsteinsson

Haukur Sveinbjörnsson Helgi Már Pálsson

Aðalsteinn Aðalsteinsson