Fundargerð byggingar- og skipulagsnefndar 56

56. fundur

Fundur haldinn í byggingar- og skipulagsnefnd Hornafjarðar, fimmtudaginn 11. nóvember, 2004, kl. 17:00 í ráðhúsi Hornafjarðar.

Mættir voru: Ólafur Sigurðsson, Magnús Jónasson, Haukur Sveinbjörnsson, Torfi Friðfinnson, Aðalsteinn Aðalsteinsson, Steinþór Hafsteinsson, slökkviliðsstjóri, Helgi Már Pálsson tækni- og umhverfissviði og Hákon Valdimarsson byggingarfulltrúi, .


1. Álaugarvegur 4. breytt notkun húss
Sótt er, í bréfi dags. 2110.2004, um leyfi fyrir breyttri notkun hússins að Álaugarvegi 4, Höfn, og skiptingu þess í 3 eignir, skv. teikn. frá Teikni Horni ehf, gerðum af Vali Sveinssyni, byggingarfr. dags 13.10.04. Verknr. HFN VEI 0402
Fyrirhuguð notkun er veiðafærag. og fiskvinnsla, véla- og áhaldageymsla og brettasmíði
Umsækjandi er Valur Sveinsson, f.h. húseigenda, sem eru Sólhóll ehf, Bjarni Hákonarson og Brettasmiðja OG ehf.
Erindið samþykkt með þeim fyrirvara að ekki er verið að gefa leyfi fyrir fiskvinnslu.
Verði þess óskað þurfa að berast ýtarlegri gögn.


2. Hólmur, Mýrum. Breytt í gistirými
Sótt er, í bréfi dags. 04.11.2004, um leyfi til að breyta gamla íbúðarhúsinu að Hólmi, Mýrum, í gistihús í tengslum við ferðaþjónustu eigenda, samkv. teikn. frá Teikni Horni ehf, gerðum af Vali Sveinssyni, byggingarfr. dags 01.11.2004. Verknr. MÝR- MAG 0401.
Umsækjandi er Valur Sveinsson, f.h. Magnúsar Guðjónssonar, Hólmi.
Erindið samþykkt með fyrirvara um samþykki heilbrigðisfulltrúa og eldvarnareftirlits.

3. Lögreglusamþykkt fyrir Sveitarfél. Hornafj. Endurskoðun
Bæjarráð Hornafjarðar óskar, eftir umfjöllun nefndarinnar um drög að endurskoðaðri lögreglusamþykkt fyrir Sveitarfélagið Hornafjörð, skv. bréfi Ólafíu Ingibjargar Gísladóttur, ritara, dags. 18.október. 2004.
Nefndarmenn sammála um að vísað sé í gildandi byggingarreglugerð í 19 gr. lögreglusamþykktar. Einnig er bent á hvort ekki sé rétt að segja ?hjólreiðamenn skulu nota hlífðarhjálm við hjólreiðar? í 1. mgr. , 27. gr.

4. Hafnarbraut 48 b og 48 c. Svefnhýsi (smáhýsi)
Sótt er, í bréfi dags. 04.11.2004, um leyfi fyrir byggingu 10 smáhýsa/svefnskála við tjaldsvæðið að Hafnarbraut 52, þ.e. á lóðum nr 48b og 48c samkv. teikn. frá TeikniHorni ehf, gerðum af Vali Sveinssyni, byggingarfr. Verknr. HFN-NÁT-0402 og 0403, dags. 04.11.2004.
Teikningar liggja ekki fyrir enn, en verða tilbúnar fyrir fund. ( 6 hús voru samþykkt 15.05.2003, á 48a, verknr. HFN-NÁT-0401, dags. 23.03.2003. )
Umsækjandi er Valur Sveinsson, f.h. Náttbóls ehf.
Teikningar samþykktar

5. Brunnhóll, Mýrum. Fullnaðarteikningar
Kynntar fullnaðarteikningar af viðbyggingu við Brunnhól, sbr. afgreiðslu nefndarinnar 9. júní, 2004. Teikningar nr. 10.01 -.02, dags. 8. nóv. s.l.
Teikningar samþykktar

6. Önnur mál.

Sverrir Sveinbjörnsson, Vesturbraut 7 óskar eftir breytingum innanhúss vegna úrbóta á aðgengi fyrir fatlaða.
Erindið samþykkt.

Gunnar Davíðsson, Hafnarbraut 24 óskar eftir því að fyrrnefnd húseign verði skráð sem ein eign.
Erindið samþykkt með fyrirvara um teikningar af breyttu innra skipulagi.

Ingibjörg Zophaníusardóttir óskar eftir að breyta Hafnarbraut 22 úr verslun í íbúðarhús skv. teikningu nr. 5136, dags. 26. 10 s.l., gerðri af Þórði Leifssyni, Verkfræðistofunni Fjarhitun.
Erindið samþykkt.

Aðalsteinn gerir að tillögu að hámarkshraða verði breytt þannig að á þjóðvegi frá pípuhliði að Vesturbraut verði 60 km/klst í stað 45 km/klst frá gatnamótum Dalbrautar.
Helgi Már velti upp hugmynd um að á hluta Hafnarbrautar, þar sem nú er unnið við að helluleggja götuna verði 30 km/ klst til prufu tímabundið.
Erindinu vísað til bæjarráðs.

Rætt var um umgengni á lóð við Bugðuleiru 2, en ekki hefur verið farið eftir ákvæðum í áður samþykktu starfsleyfi. Viðkomandi hefur ítrekað verið sendar óskir um úrbætur en ekki orðið við þeim. Síðast var honum gert að fara í að framfylgja ákvæðum starfsleyfisins fyrir 11. nóv. 2004.
Nefndarmenn ítreka fyrri afgreiðslu og hvetur til þess að henni verði framfylgt.

Torfi spurðist fyrir um framgang máls vegna olíutanks á Austurfjöru.


Fundi slitið 18:35



Ólafur Sigurðsson Hákon Valdimarsson
Magnús Jónasson Steinþór Hafsteinsson
Haukur Sveinbjörnsson Helgi Már Pálsson
Torfi Friðfinnson
Aðalsteinn Aðalsteinsson