Fundargerð Atvinnumálanefndar 9

9. fundur

Fundur haldinn í atvinnumálanefnd Hornafjarðar mánudaginn 1. desember 2003 kl. 17:00 í Ráðhúsi Hornafjarðar.
Mættir voru: Reynir Arnarsson, Pálmi Guðmundsson, Inga Jónsdóttir og Björn E. Traustason. Einnig Inga Jóna Halldórsdóttir.

Gengið var til dagskrár og eftirfarandi tekið fyrir :

1. Staða atvinnumála í sveitarfélaginu
Reynir Arnarson fór yfir stöðu atvinnumála í sveitarfélaginu. Samkvæmt upplýsingum frá Vökli Stéttarfélagi eru 29 einstaklingar á atvinnuleysisskrá nú en voru 57 í lok febrúar. Huga þarf að fleiri mælikvörðum til að mæla og greina atvinnuástand í sveitarfélaginu.

2. Klasaverkefnið – næstu skref
Ari Þorsteinssonar framkvæmdastjóri Frumkvöðlaseturs Austurlands mætti á fundinn. Frumkvöðlasetrið og samstarfsaðilar hafa fengið styrk til áframhaldandi vinnu við Klasaverkefnið og fór Ari yfir næstu skref. Impra og Iðntæknistofnun hafa lýst áhuga á að vinna með Frumkvöðlasetri að verkefninu.

3. Stefna sveitarfélagsins í atvinnumálum
Farið var yfir stefnu sveitarfélagsins í atvinnumálum en í henni er framtíðarsýn til ársins 2007. Inga Jóna sagði frá vinnu starfshóps sem stofnaður var til að fylgja eftir stefnu sveitarfélagsins. Starfshópurinn fundaði með fjölda aðila sem verkefnum er beint til í skýrslunni m.a. fulltrúum frá Búnaðarsambandi Austur – Skaftfellinga, Þróunarstofu Austurlands, forstöðumanni menningarmiðstöðvar, skólameistara FAS og Ferðamálafélaginu.
Ljóst er að nokkuð hefur þokast á ákveðnum sviðum frá því að skýrslan var gerð m.a. :
• Háskólasetur er nú starfrækt á Hornafirði
• Frumkvöðlasetur í Nýheimum hefur hafið starfsemi sína
• Fyrirtækið Frumkvöðlafræðslan hefur aðsetur í Frumkvöðlasetri og vinnur að þróun námsefnis fyrir frumkvöðlamenntun.
• Fyrir liggur skýrsla undirbúningshóps að stofnun Fuglaathugunarstöðvar á Höfn
• Verslun hefur verið að eflast á miðbæjarsvæði
• Skapaður var umræðuvettvangur, Fag – hópurinn, til að ræða fyrirhugaðar stóriðjuframkvæmdir á Austurlandi og þau áhrif sem þær framkvæmdir hafa hér. Hornfirskir aðilar hafa hafið starfsemi uppi á Héraði í tengslum við stóriðjuframkvæmdirnar

3. Önnur mál
Ýmis verkefni sem hrinda þarf í framkvæmd :
Að útbúa upplýsingaefni á rafrænu formi til að kynna aðstöðu til funda- og ráðstefnuhalds í sveitarfélaginu. Nefndin felur Ingu Jónu og Ingu Jónsdóttur verkefnið.

Nefndin felur Ingu Jónu að gera minnisblað um kosti og galla þess að hafa upplýsingamiðstöð annars vegar á tjaldsvæði og hins vegar í tengslum við Jöklasýningu vegna ábendinga sem nefndinni hafa borist.

Að athuga hvernig fylgja má eftir kynningu ferðaaðila á Vest Norden.



Fundi slitið kl: 19:35