Gamla - Atvinnumálanefnd
Fudnargerð atvinnumálanefndar 53
53. fundur
Fundur í atvinnumálanefnd Hornafjarðar, haldinn í ráðhúsi, þriðjudaginn 20. október 2009 og hófst hann kl. 16:00.
Fundinn sátu:
Eyjólfur Guðmundsson, Gunnar Ingi Valgeirsson, Hjalti Þór Vignisson,
Fundargerð ritaði: Hjalti Þór Vignisson, bæjarstjóri
Dagskrá:
1. 200910038 - Matvælaverkefni
Guðmundur H. Gunnarsson kom á fundinn undir þessum lið og gerði grein fyrir hvernig unnið hefur verið að þróun matvæla í samræmi við styrkveitingu atvinnumálanefndar fyrr á þessu ári. Í máli Guðmundar kom fram að framvindan hafi verið góð. Lagði hann fram yfirlit yfir öll verkefni sem komið hafa á hans borð undanfarna 12 mánuði, alls 29 verkefni en þ.a. studdi sveitarfélagið 14 verkefni. Sagði hann að ýmis verkefni hafi verið óvænt sem sýndi gildi þess að koma upp matvælasmiðjunni. Þá lagði hann fram drög að tveimur vöruþróunarskýrslum um afurðir sem studdar voru af sveitarfélaginu.
Um framhaldið sagði Guðmundur að myndast hafi ákveðinn kjarni smáframleiðenda sem hafa áhuga á samvinnu um markaðssetningu og sölu. Ræddi hann um ýmsar leiðir en taldi mikilvægast að styðja áfram við framleiðsluferlið eins og gert var síðasta haust. Taldi að greinin þyrfti enn að fá að efla sig á sviði framleiðslu og vöruþróunar áður en haldið verður lengra.
Guðmundur greindi frá verkefni sem hann veitir forstöðu og heitir "matur og sjálfbær ferðaþjónusta" sem gengur út á að reyna að selja sem mest af matvöru sem framleitt er í héraði í héraðinu sjálfu í tengslum við ferðaþjónustu.
2. 200910018 - Markaðsstofa Suðurlands
Hjalti greindi frá samtali við forsvarsmenn markaðsstofunnar og forsvarsmanna Ríki Vatnajökuls.. Kom fram að ef sveitarfélagið taki þátt sé heildarkostnaður um 700 þús. Atvinnumálanefnd telur að markaðssetning með stærra svæði sé mikilvægt í kynningarstarfi. Atvinnumálanefnd leggur því til að gengið verði til samstarfs við önnur svæði á Suðurlandi um rekstur Markaðsstofu en önnur framlög sveitarfélagsins í auglýsingar verði skertar sem því nemur.
3. 200804057 - Atvinnu- og rannsóknarsjóður
Atvinnumálanefnd samþykkir að auglýsa styrki úr sjóðnum og veita á árinu 2010 alls kr. 4.4 m.kr. sem er 20% af eftirstöðvum atvinnu- og rannsóknasjóðs.
4. 200705114 - Önnur mál
Hjalti gerði grein fyrir stöðu í orkuverkefni.
