Fundargerð Atvinnumálanefndar 8

8. fundur

Fundur haldinn í atvinnumálanefnd Hornafjarðar mánudaginn 29. september 2003 kl. 17:00 í Ráðhúsi Hornafjarðar.
Mættir voru: Reynir Arnarsson, Pálmi Guðmundsson og Björn E. Traustason. Einnig Inga Jóna Halldórsdóttir.


Gengið var til dagskrár og eftirfarandi tekið fyrir :

1. Fundargerð síðasta fundar
Engar athugasemdir.

2. Heimsókn Ara Þorsteinssonar framkvæmdastjóra Frumkvöðlaseturs Austurlands
Ari sagði frá uppbyggingu svokallaðra klasa. Hugmyndin byggir á því að samfélagið sérhæfir sig í ákveðinni framleiðslu/verkefni og skoðað er hvað hægt er að gera til að auka samkeppnishæfni fyrirtækja og einstaklinga á ákveðnu svæði með markvissum aðgerðum á þessu sviði. Leitast er við að byggja á verkefnum sem fyrir eru í samfélaginu og þróa þau frekar.
Ari sagði Norður Ítalíu þekkta fyrir svona svæði þar sem ákveðin sérhæfing er t.d. í húsgagnaframleiðslu, gólfflísagerð og fataiðnaði.
Í umræðum komu fram dæmi um tvö verkefni sem hugsanlega er hægt að þróa áfram með tilliti til uppbyggingar klasa :
• Stofnun Vatnajökulsjóðgarðs og uppbygging Jöklaseturs í tengslum við hann
• Humarinn - efling veitingarrekstrar og rannsóknarstarfsemi sem tengist veiðum og vinnslu.
Ara og Ingu Jónu falið að vinna áfram að þessu máli og m.a. sækja um styrk til Þróunarsjóðs Austurlands til að vinna að fyrstu tveimur þrepum í klasaþróunarferlinu.

3. Minnispunktar frá samráðsfundi atvinnurekenda í Austur-Skaftafellssýslu
Minnispunktar Fag hópsins voru kynntir nefndarmönnum.

4. Rekstur upplýsingamiðstöðvar á Hornafirði - framtíðarfyrirkomulag
Vilji nefndarmanna er að haldið verði áfram samstarfi við Sigrúnu Kapitólu og Huga um rekstur upplýsingamiðstöðvar í tengslum við rekstur tjaldsvæðis.

5. Önnur mál
Reynir ræddi um upplýsingaskilti við Lónsafleggjara. Nefndin sammála um að rætt verði við Vegagerðina um aðstoð við að setja skiltið upp á staðlaðan hátt og að laga svæðið umhverfis það.

Reynir felur starfsmanni að hafa samband við Rarik, Orkustofnun og Landsvirkjun og leita upplýsinga um rannsóknir á nýtanlegu vatnsafli í sveitarfélaginu.

Fram kom að Guðfinna Benediktsdóttir í Volaseli hefur tekið að sér markavörslu í sveitarfélaginu og nýráðinn starfsmaður Búnaðarsambands Austur-Skaftafellssýslu er Grétar Már Þorkelsson.


Fundi slitið kl: 18:55
Reynir Arnarson Inga Jóna Halldórsdóttir
Pálmi Guðmundsson
Björn E. Traustason