Fundargerð atvinnumálanefndar 38

38. fundur

Fundur í atvinnumálanefnd Hornafjarðar haldinn í ráðhúsi,mánudaginn 14. apríl 2008 og hófst hann kl. 16:00

Fundinn sátu:

Ásgrímur Ingólfsson, Eiríkur Sigurðsson, Gauti Árnason, Gunnar Ingi Valgeirsson, Hjalti Þór Vignisson,

Fundargerð ritaði:  Hjalti Þór Vignisson, bæjarstjóri

1.      200804061 - Staða á fasteignamarkaði apríl 2008

Snorri Snorrason hjá fasteignasölunni Inni kom á fundinn undir þessum lið og sagði frá stöðunni á fasteignamarkaði á Hornafirði. Sagði hann að leigumarkaður væri sterkur og að vöntun væri á leiguíbúðum. Sagði hann að þetta væri breytt staða frá því fyrir um einu ári síðan. Þá gerði hann grein fyrir eignum íbúðalánasjóðs á svæðinu sem eru átta talsins og eru tómar vegna reglna sjóðsins um að leigja ekki út eignir. Á sölumarkaði var lítil hreyfing frá byrjun árs og fram til páska. Sölumarkaður var líflegur fyrstu 9 mánuði ársins í fyrra og þá voru fáar eignir á sölu í lok þess tíma. Snorri gerði grein fyrir þeim eignum sem eru á söluskrá. Þá gerði hann grein fyrir eftirspurn eftir atvinnuhúsnæði.

 Atvinnumálanefnd telur mikilvægt að sveitarfélagið örvi fasteigna- og leiguíbúðamarkaðinn m.a. með því að kanna kosti þess að ganga til samninga við verktaka um að hefja byggingu á leiguíbúðum.

2.      200804056 - Staða á atvinnuleysisskrá

Kom fram að skv. upplýsingum í byrjun apríl eru 9 á atvinnuleysisskrá, 6 karlar og 3 konur.

3.      200804055 - Ráðstefna um byggðamál

Hjalti gerði grein fyrir yfirlýsingu formanns Sambands sveitarfélaga um hugmynd Sambandsins um að halda byggðamálaráðstefnu á Hornafirði í haust. Gerði Hjalti grein fyrir samskiptum sínum við framkvæmdastjóra Sambandsins og aðstoðarmenn ráðherra sem koma einnig að þessum undirbúningi. Sagði Hjalti að enn hafi ekki endanlega ákvörðun verið tekinn um hvort og hvar þessi ráðstefna verði haldin.
Atvinnumálanefnd fagnar áformum stjórnar Sambands sveitarfélaga um að halda ráðstefnu um byggðamál og þeim áhuga sem hefur komið fram um að halda hana á Hornafirði.

4.      200804058 - Ráðstefna um Þjóðgarða, atvinnulíf og nýsköpun

Hjalti gerði grein fyrir hugmyndum um alþjóðlega ráðstefna um þjóðgarða, atvinnulíf og nýsköpun í samstarfi Sveitarfélagsins Hornafjarðar, stofnana í Nýheimum og svæðisráðs Vatnajökulsþjóðgarðs. Kom fram að markmið ráðstefnunnar er að kortleggja tækifæri í nýsköpun í atvinnulífi í tengslum við stofnun Vatnajökulsþjóðgarðs. Fengnir verða erlendir fyrirlesarar á ráðstefnuna sem fjalla m.a. um markhópa og markaðssetningu.

5.      200804059 Hagtölur apríl 2008

Lagðar fram tölur um íbúaþróun, aldursamsetningu og stöðu á vinnumarkaði.

6.                  200804057 - Atvinnu- og rannsóknarsjóður (Stefán Ólafsson mætti á fundinn undir þessum lið). Bæjarráð ákvað á 414. fundi sínum að vísa tillögu bæjarstjóra um ráðstöfun þeirra fjármuna sem fást af sölunni af Nesjaskóla til atvinnumálanefndar. Hjalti gerði grein fyrir hugmynd að atvinnu- og rannsóknarsjóði. Stefán fór yfir drög að samþykktum fyrir slíkan sjóð. Nefndin ræddi um hlutverk, markmið, stjórn og vörslu sjóðsins. Atvinnumálanefnd fagnar hugmynd að stofnun sjóðsins og felur starfsmönnum að ljúka við tillögu að samþykktum sjóðsins og leggja fyrir nefndina á næsta fundi. Atvinnumálanefnd skorar á ríkisstjórn að leggja sjóðnum til jafn háa upphæð og söluandvirði þess af Nesjaskóla. Höfuðstóll sjóðsins verði því alls um 36 m.kr.

7.      200804062 - Erindi um málefni dreifbýlisins

Lagt fram erindi frá Sigurlaugu Gissurardóttur um málefni dreifbýlisins, dags. 18. mars 2008. Í erindinu er hvatt til fundarhalda í dreifbýli sveitarfélagsins. Atvinnumálanefnd fagnar hugmyndinni og hyggst efna til funda í sveitum veturinn 2008-2009.

8.       200705114 - Önnur mál

Engin.

Fleira ekki gert.  Fundi slitið kl.   17:40