Fundargerð atvinnumálanefndar 16

16. fundur

Fundur haldinn í atvinnumálanefnd Hornafjarðar þriðjudaginn 15. febrúar 2005 kl. 17:00 í fundarsal frumkvöðlaseturs í Nýheimum.

Mætt voru: Reynir Arnarson formaður, Björn E. Traustason, Herdís W. Ingólfsdóttir og Inga Jónsdóttir. Einnig: Hjalti Þór Vignisson.

Gengið var til dagskrár og eftirfarandi tekið fyrir:

1. Fundargerð síðasta fundar.
Lögð fram fundargerð frá 20. desember til kynningar.

2. Málefni Ratsjárstofnunar
Gerð var grein fyrir fundi fulltrúa sveitarfélagsins með forsvarsmönnum Ratsjárstofnunnar. Kom fram að sá fundur hafi verið upplýsandi og fróðlegur. Það sem út af stendur er að fá skýr svör frá stjórnvöldum um aðkomu þeirra að þessum breytingum. Nokkrar umræður sköpuðust í kjölfarið. Atvinnumálanefnd hyggst taka málið upp á næsta fundi og m.a. ræða um hvernig bregðast megi við þeirri niðurstöðu sem fyrirsjáanleg er í málinu. Var t.d. rætt um að kanna þyrfti alla möguleika á að flytja opinber störf frá SV-horninu til Hornafjarðar.

3. Málefni ferðaþjónustunnar
Lögð fram minnisblöð frá undirbúningsfundum vegna klasa þann 20. janúar s.l.
(Ari Þ. Þorsteinsson mætti á fundinn undir þessum lið). Ari lýsti verkefninu og sagði að samhugur væri meðal ferðaþjónustuaðila að vinna saman að klasaverkefni. Hann sagði frá að áhugi aðila utan héraðs væri einnig mikil, t.d. meðal aðila í flugrekstri og ferðaskrifstofa. Töluverðar umræður sköpuðust um flugmál og mikilvægi þess að efla þann þátt í ferðaþjónustunni. Fundarmenn lýstu yfir ánægju sinni með framgang verkefnisins.

Gerð var grein fyrir stöðu Norðurljósaverkefnisins. Kom fram að fundur í verkefninu verði haldin á Hornafirði þann 28. febrúar og þá er fyrirhuguð kynning á verkefninu fyrir ferðaþjónustuaðila, sveitarstjórnarmenn og aðra sem áhuga kunna að hafa.

Rætt var um þátttöku í útgáfu sögukorts fyrir Austurland. Fyrir lá að almenn samstaða virðist ekki vera fyrir hendi á Austurlandi um gerð slíks korts. Ennfremur gerði starfsmaður grein fyrir viðræðum sínum við ferðaþjónustuaðila í héraðinu. Í þeim viðræðum kom fram að ferðaþjónustuaðilar eru ekki áhugasamir fyrir verkefninu. Í ljósi þessara upplýsinga styður Atvinnumálanefnd ekki útgáfu sögukorts.

4. Tillaga/greinargerð um nýsköpun í atvinnulífi á Hornafirði
Lögð fram greinargerð frá Jóni Garðari Bjarnasyni um að koma upp fangelsisaðstöðu á Hornafirði. Kom fram mikil ánægja meðal fundarmanna um framkomna greinargerð. Atvinnumálanefnd fagnar því frumkvæði sem þar er sýnt. Nefndin felur starfsmanni að afla frekari upplýsinga.

5. Önnur mál



Fundi slitið 18:40