Fundargerð Æskulýðs- og tómstundaráðs 52

52. Fundur

Fundur haldinn í æskulýðs- og tómstundaráði Hornafjarðar mánudaginn 25. ágúst 2003 kl. 17:10 í fundarsal Ráðhúss.

Mætt voru: Friðrik Ingvaldsson formaður, Gunnar Ingi Valgeirsson, Þórgunnur Torfadóttir, Elsa S. Elísdóttir, Valdemar Einarsson og Haukur H. Þorvaldsson æskulýðs - og tómstundafulltrúi.


Friðrik formaður setti funda og bauð ráðsfólk velkomið.

Gengið var til dagskrár:

1. Starfsemi Þrykkjunnar.
Haukur greindi frá opnunartímum og starfsemi félagsmiðstöðvarinnar Þrykkjunnar í haust. Unnið er að ráðningu starfsmanns í rúmlega hálfa stöðu við félagsmiðstöðina. Gert er ráð fyrir opnun hennar föstudaginn 5.september. Skátastarf er í nokkurri óvissu.

2. Forvarnarátak í haust.
Rætt var um forvarnarmál og var ráðið sammmála um að sem fyrst verði kallaður sama hópur lykilaðila sem hafa þekkingu á þessum málum og farið yfir stöðu mála og lagðar línur um framhaldið í haust. Reynt verður að vinna eftir forvarnaráætluninni “Að allt árið “ sem hvetur til þessa að sem mest tengsl náist milli þeirra aðila sem með einhverjum hætti geta lagt hönd á plóg í starfinu. Haukur greindi frá fundi sem hann sótti á Breiðdalsvík þar sem verkefnið “Vertu til“ var kynnt en það er samstarfsverkefni Áfengis- og vímuvarnarráðs og Sambands Íslenskra sveitarfélaga í forvörnum. Verkefnisstjórar þess eru tilbúnir að koma í heimsókn til þeirra sem að forvarnarverkefnum vinna í sveitarfélögum þeim að kostnaðarlausu. Var hvatt til að fá þá hingað. Ráðið leggur til að núverandi forvarnastefna verði endurskoðuð og felur ráðið Hauki að koma með tillögur þar um á næsta fund ráðsins.

3. Íþróttamaður ársins.
Á formanna fundi U.S.Ú.sem haldinn var í júní voru teknar fyrir reglur og fyrirkomulag á vali á Íþróttamanni U.S.Ú. sem æskulýðs- og tómstundaráð hafði samþykkt í febrúar með fyrirvara um samþykki U.S.Ú. Fóru skoðanir formanna að nokkru leyti saman við tillögur ráðsins en eru ráðsmenn sammála um að halda sig við sína útgáfu. Munurinn felst m.a. í 2. gr. þar sem ÆTH vill að íþróttamaðurinn keppi fyrir hönd USÚ og 3. gr þar sem ákv. dagsetning er lögð til grundvallar.

4. Framkvæmdir á Sindravöllum.
Valdemar Einarsson greindi frá stöðu framkvæmda á Sindravöllum á vegum knd. Sindra. Samningur er um framkvæmdirnar á milli sveitarfélagsins og Sindra sem tekur til þriggja ára. Valdemar vonaðist til að þökulagningu yrði lokið í vikunni og þá væri bara eftir að gera við sár. Eftir er að leggja drenlagnir í völlinn. Einhverjar hugmyndir eru í gangi um smávægilegar breytingar í viðbót en hvað verður er óljóst. Ánægja er með þetta nýja svæði en þó er mikil bleyta á nýja svæðinu undir hólnum. Valdemar áréttaði enn og aftur að vallarstjórn væri ábótavant og samþykkti ÆTH að beina því til bæjarstjórnar að fyrir næsta sumar yrði skipuð vallarstjórn fyrir báða vellina þ.e.a.s. Sindra- og Mánavöll. Valdemar f.h. knd. Sindra ætlar að sækja um styrk til Íþróttasjóðs um áhöld og tæki omfl.


5. Opnunartími sundlaugar í haust.
Lagt var til að opnunartímar sundlaugar í vetur verði sem hér segir: virka daga frá kl. 07:00 – 09:00 og 16:00 – 20.00. Helgar opnun frá kl. 09:00 – 15:00. Tilraun með lengingu opnunrtíma í vetur um helgar skiluðu sáralítilli aukningu á aðsókn. Sér ráðið ekki ástæðu til að hafa opnun um helgar lengri eftir að hafa séð sundurliðun á aðsóknartölum um helgar eftir áramót í vetur. Þórgunnur lagði þó til að opnunartími um helgar yrði lengri í september og maí, þar sem ferðamannatímabilið væri að lengjast og oft gott veður á þessum tíma þó síðasti maímánuður væri kaldur. Þennan opnunartíma ætti þó að skoða í samhengi við helgarnýtinguna síðasta sumar.

6. Ungmennahús.
Staðan í nefnd sem er að móta og ræða um væntanlegt ungmennahús er sú að um síðustu helgi fór Jón Garðar Bjarnason formaður og Bergþóra Ágústsdótttir á fund sem nefndist "Þjóðvegur 2" sem er verkefni þeirra sem standa að ungmennahúsum. Er mikill áhugi á að halda starfinu áfram og reyna allt sem hægt er til að lenda því.

7. Framtíð Sindrabíós.
Ekki hafa verið kvikmyndasýningar í Sindrabæ frá því í vor. Þeir sem ráku þar kvikmyndasýningar eru hættir með starfsemina. Æskulýðs- og tómstundaráði finnst sjálfsagt að reyna að hafa bíóið áfram. Réttast væri því að auglýsa eftir aðila sem hefði áhuga á að reka það.

8. Íþróttanótt í september. Ísland á iði.
Haukur varpaði fram hugmynd um að halda íþróttanótt á Hornafirði í september þar sem yrði lögð stund á fjölbreyttar íþróttir í íþróttamannvirkjum Hornafjarðar. Ísland á iðið er heilsuátaks verkefni sem Í.S.Í. stendur fyrir og er vert að gefa því gaum.

9. Heimsókn í íþróttamannvirki.
Ráðið er ákveðið í því að heimsækja íþróttamannvirki við fyrsta tækifæri.


Fundi slitið kl. 18:50.

Friðrik Ingvaldsson
Þórgunnur Torfadóttir
Valdemar Einarsson
Elsa S. Elísdóttir
Gunnar Ingi Valgeirsson

Haukur H. Þorvaldsson.