Fundargerð æskulýðs- og tómstundaráðs 100

100. fundur

Fundur haldinn      í  æskulýðs- og tómstundaráði Hornafjarðar í fundarsal Ráðhúss fimmtudaginn 15. maí 2008  kl. 17:05.

 Mætt voru:               Matthildur Ásmundardóttir formaður, Björn Sigfinnsson, Gestur Halldórsson, Helga Lucia Bergsdóttir, Helga Vilborg Sigjónsdóttir og Haukur H. Þorvaldsson æskulýðs - og tómstundafulltrúi.

                              Úr Ungmennaráði Hornafjarðar mætti: Emil Morávek formaður.

 Matthildur formaður setti fund og bauð ráðsfólk og formann ungmennaráðs velkomin.

  1.    Ungmennþing sunnudaginn 18. maí.

Formaður Ungmennaráðs Hornafjarðar greinir frá Ungmennaþingi. Ungmennaþingið veður haldið sunnudaginn 18. maí í Nýheimum og endar í Pakkhúsinu þar sem verður boðið upp á pizzu og tónlist. Farið var yfir dagskrá þingsins og framkvæmd. Ungmennaráð og æskulýðs- og tómstundaráð sjá um að halda utan um þingið. Tilfallandi kostnaður vegna þingsins verður greiddur úr Sérsjóði ÆTH.

 2.    Vinnuskólinn í sumar.

Haukur Ingi Einarsson framkvæmdastjóri tækni- og umhverfissviðs gat ekki komið á fund en veitti starfsmanni ráðsins upplýsingar um stöðu mála hvað varðar vinnuskólann í sumar. Halldór Steinar Kristjánsson verður yfirflokkstjóri. Flokkstjórar og fólk í slátturhóp hefur verið ráðið. Umsóknareyðublöð um störf liggja frammi í grunnskólanum og geta 8. til 10. bekkingar sótt um vinnu. Flokkstjórar hefja vinnu nú eftir helgi og skólinn hefur starfsemi sína í byrjun júní. Skólagarðar verða starfræktir að venju og umsjón með þeim hefur Sólveig Runólfsdóttir.

 3.  Framkvæmdir við sundlaug og knattspyrnuhús.

Gestur Halldórsson ráðsmaður og nefndarmaður í nefnd um íþróttamannvirki sagði frá framkvæmdum við sundlaug. Haukur Helgi gaf þær upplýsingar að verið væri að senda Skipulagsstofnun ríkisins deiliskipulagið varðandi staðsetningu knattspyrnuhúss sem fyrirhuguð er við austurenda Sindravalla, að því loknu fer það í íbúakynningu. Ekki er búið að ákveða gerð knattspyrnuhússins. 

 4.   Fjölskyldustefna sveitarfélagsins.

Matthildur formaður greindi frá vinnu við fjölskyldustefnu sveitarfélagsins.

 5.  Sameining nefnda. Hjalti Þór.

Hjalti Þór Vignisson bæjarstjóri upplýsti ráðsmenn um breytingu á nefndarskipan sem samþykkt var á síðasta fundi bæjarstjórnar og fer aftur til seinni umræðu í bæjarstjórn. Breytingin felur í sér að æskulýðs- og tómstundaráðs rennur saman við menningarmálanefnd og mun heita Menningar- og tómstundanefnd. Íþróttamálin og umsýsla íþróttamannvirkja munu heyra undir skólanefnd. Umf. Sindri mun sjá um lýðheilsumál samkvæmt samningi. Forvarnamál munu heyra undir félagsmálaráð.

 6. Önnur mál.

Æskulýðs- og tómstundaráð lýsir áhyggjum sínum yfir lokun Sporthallarinnar þar sem  boðið  hefur verið upp á líkamsrækt fyrir almenning. Ráðið leggur áherslu á að aðstaða til líkamsræktar verði ávallt til staðar í sveitarfélaginu.

Fundi slitið kl. 18:30.