Fundargerð æskulýðs- og tómstundaráðs 99

99. fundur

Fundur haldinn      í  æskulýðs- og tómstundaráði Hornafjarðar þriðjudaginn 22. apríl 2008  kl. 17:10.

Mætt voru: Matthildur Ásmundardóttir formaður, Björn Sigfinnsson, Gestur Halldórsson, Helga Lucia Bergsdóttir, Maríanna Jónsdóttir og Haukur H. Þorvaldsson æskulýðs - og tómstundafulltrúi.

                              Úr Ungmennaráði Hornafjarðar mættu: Emil Morávek formaður, Sædís Valdemarsdóttir, Jóhann Bergur Kiesel, Iðunn Tara Ásgrímsdóttir og Stefán Lárus Reynisson.

Matthildur formaður setti fund og bauð ráðsfólk og ungmennaráð velkomið.

Gengið var til dagskrár:

1.    Ungmennaráðs kemur á fund v/unglingaþings

Ungmennaráð Hornafjarðar lagði fram tillögu að Ungmennaþingi. Áformað er að halda unglingaþing sunnudaginn 18. maí í Nýheimum. Ungmennaráð vill koma að undirbúningi þess með æskulýðs- og tómstundaráði.

2.    Endurskoðun á stefnumótun ÆTH 2002-2010

Endurskoðuð var stefnumótun ÆTH, Horft til framtíðar, 2002 til 2010.

3.  Opnunartími sundlaugar í sumar

Rætt var um opnunartíma sundlaugarinnar í sumar. Samþykkt að hann verði óbreyttur frá síðasta sumri.

4.   Sumarbæklingur ÆTH 2008

Haukur greindi frá því að komin væru tilboð í að prenta sumarbæklinginn og yrði stefnt að því að hann kæmi út fyrir maílok.

5.  Iðkendafjöldi í íþróttum – samantekt

Lögð var fram samantekt um iðkendafjölda í íþróttum á vegum aðildarfélaga Ungmennasambandsins Úlfljóts fyrir árið 2007. Kom fram að flestir stunda knattspyrnu og í öðru sæti er blak og hestaíþróttir í þriðja. Flestir iðkendur eru innan vébanda Umf. Sindra. Alls eru iðkendur 1079. Ekki var greint hvað margir stunda fleiri en eina grein íþrótta.

6.      Önnur mál

Farið var yfir ESPAD könnun sem er Evrópsk vímuefnarannsókn samvinnuverkefni fræðimanna í rúmlega 40 Evrópulöndu. Könnunin var gerð í 10. bekk í grunnskólum landsins og er gerð á fjögurra ára tímabili. Til að tryggja persónuvernd var Heppuskóli tekin með Grunnskóla Breiðdalshrepps og Grunnskóla Djúpavogs. Ráðið lýsir yfir ánægju með niðurstöður rannsóknarinnar. Haldið verður upp á Sumardaginn fyrsta með aðkomu ÆTH í samstarfi við Umf. Sindra. Landsbankann, Tryggingamiðstöðina og Coke.    

Fundi slitið kl. 19:05.

Matthildur Ásmundardóttir                               Haukur H. Þorvaldsson.

Björn Sigfinnsson                                                              

Gestur Halldórsson

Helga Lucía Bergsdóttir

Marianna Jónsdóttir