Fundargerð æskulýðs- og tómstundaráðs 89

89. fundur

Fundur haldinn      í  æskulýðs- og tómstundaráði Hornafjarðar mánudaginn

4. júní  2007  kl. 17:05.

Mætt voru:               Matthildur Ásmundardóttir, Helga Lucia Bergsdóttir, Helga Vilborg Sigjónsdóttir, Gestur Halldórsson, Marianna Jónsdóttir og Haukur H. Þorvaldsson, æskulýðs - og tómstundafulltrúi.

  Formaður setti fund og bauð ráðsfólk velkomið.

 Gengið var til dagskrár:

 1.     Uppbyggingu íþróttamannvirkja.

 Haukur Ingi Einarsson  framkvæmdastj. Umhverfis – og tæknisviðs kynnti fyrir ráðsfólki stöðuna á uppbyggingu íþróttavalla og sundlaugar. Vinna við íþróttavöllinn er orðin aðeins á eftir áætlun. Verið er að ræða við tilboðsgjafa í sundlaug.

 2.      Vinnuskólinn.   

 Bjarni Ólafur Stefánsson yfirmaður Vinnuskólans fór yfir skipulag skólans í sumar, starfsmannamál aðsókn ofl. og Haukur Helgi farið yfir ýmis atriði varðandi starf skólans t.d. námskeið með fagfólki í upphafi starfstíma skólans ætluð flokkstjórum og nemendum, ráðningarmál ofl. Vinna hefst hefst mánudaginn 11.júní. Ekki hefur enn verið gengið frá félagsþætti skólans og eru menn að ræða ýmsar hugmyndir þar um.  

 3.      Árskort í sundlaugina.

 Til umræðu var hvort taka ætti upp árskort fyrir börn 6 til 15 ára í sundlauginni. Ráðið mælir með því að sala á árskortum verði tekin til skoðunar við gerð næstu fjárhagsáætlunar sveitarfélagsins.

 4.      Sunddagur 9. júní.

 Laugardaginn 9.júní verður sundhvatningardagur í öllum sundlaugum landsins. Sunddeild Sindra sér um framkvæmd þessa dags hér í samvinnu við Sundsamband Íslands. Sameiginleg dagskrá veður í laugunum á milli kl. 13 – 16. Frítt verður í sund þennan dag. Markmiðið með deginum er að auka aðsókn og áhuga almennings á sundíþróttinni.   

  5.      Starfslýsing sundlaugarvarðar - Drög

 Farið var yfir drög að starfslýsingu sundlaugarvarðar. Ekki voru gerðar  athugasemdir.

  6.      Vallarumsjón á Sindravöllum

 Farið var yfir samning við umf. Sindra þar sem fjallað er um vallarstjórn. Ráðið sátt við það sem þar stendur.

 7.      Þrykkjan í haust.

 Málefni félagsmiðstöðvarinnar voru tekin til umfjöllunar og ákveðið að fela starfsmanni að koma með tillögur að starfseminni fyrir haustið. Hvort ástæða sé að horfa til þess að starfsemin fari í annan farveg en verið hefur. Líka að skoða þetta í tengslum við breytingar á starfsemi grunnskólanna í haust.   

  8.      Ungmennahús

 Stöðugt er verið að horfa eftir hentugu húsnæði fyrir ungmennahús. Undanfarið hefur verið horft til ákveðins húsnæðis en vegna afgreiðslu um framtíð þess hefur málið dregist.

 9.      Sumarbæklingur 2007

 Ráðið skoðaði nýútkominn sumarbækling sem búið er að dreifa í sveitarfélaginu.

 Fundi slitið kl. 19:15.