Fundargerð æskulýðs og tómstundaráðs 88

88. fundur

Fundur haldinn      í  æskulýðs- og tómstundaráði Hornafjarðar mánudaginn

30. apríl 2007  kl. 17:05.

Mætt voru:               Helga Lucia Bergsdóttir, Helga Vilborg Sigjónsdóttir, Gestur Halldórsson, Miralem Haseta og Haukur H. Þorvaldsson æskulýðs - og tómstundafulltrúi.

 Helga Lucia varaformaður setti fund og bauð ráðsfólk velkomið.

 Gengið var til dagskrár:

 1.      Staða í uppbyggingu íþróttamannvirkja.

 Friðrik Ingvaldsson formaður framkvæmdanefndar um íþróttamannvirki kynnti fyrir ráðsfólki stöðuna á uppbyggingu íþróttavalla og tilboði í  sundlaugina.Aðeins eitt tilboð barst. Vinna við íþróttavöllinn gengur samkvæmt áætlun og er hönnuður vallarins er væntanlegur á næstu dögum. Aðeins eitt tilboð barst í sundlaug sem var mun hærra en kostnaðaráætlun sagði til um. Verið er að leggja mat á tilboðið. Ráðið leggur áherslu á að neti verði komið fyrir við gervigrasvöllinn til að hindra að bolti fari út af vellinum sem skapar slysahættu þeirra sem þurfa að ná í hann og truflar framkvæmdaaðila.

 2.      Vinnuskólinn.   Staða.

 Haukur Ingi framkvstj. umhverfis- og tæknisviðs og Haukur Helgi farið yfir ýmis atriði varðandi starf skólans t.d. námskeið með fagfólki í upphafi starfstíma skólans ætluð flokkstjórum og nemendum, ráðningarmál ofl. Gert er ráð fyrir því að skólinn hefjist í vikunni 11. til 16. júní og hefur umsóknaeyðublöðum verið komið upp í Heppskóla. Bjarni Ólafur Stefánsson verður yfirmaður skólans eins og í fyrra. Ljóst er að einhver ungmenni verði í humarvinnu og annari vinnu sem þeim býðst. Í fyrra voru 49 ungmenni skráð við störf í vinnuskólanum. Í upphafi voru þau 30. Nokkrar umsóknir hafa borist í störf flokkstjóra og í slátturhópa. Þá hefur einnig borist umsókn um að sjá um skólagarðana. Ekki hefur enn verið gengið frá félagsþætti skólans og eru menn að ræða ýmsar hugmyndir þar um.  

 3.      Lýðheilsumál - Hjólað í vinnuna – forvarnir í 8.bekk.

 Eins og fram hefur komið á fundi ÆTH um skýrslu stýrihóps um lýðheilsu þá vill ráðið hvetja til þess að ýmsu sem þar er bent á verði komið í framkvæmd og er ráðið reiðubúið að taka að sér umsjón með ákveðnum verkefnum sé þess óskað.

Haukur sagði frá því að hann hefði auglýst verkefni ÍSÍ “Hjólað í vinnuna” á skjávarpinu og eins vakið athygli á því á vefnum hornafjordur.is og horn.is.Eins hafa verið settar inn auglýsingar um aukna hreyfingu bæjarbúa á Skjávarpið. Forvarna vinnu með 8. bekk lýkur formlega með foreldrafundi miðvikudaginn 2.maí. Áður hafa 8. bekkingar kynnt verkefnið fyrir sínum samnemendum.

 4.      Mánavöllur

 Á dögunum var var samþykkt í bæjarstjórn að gera samkomulag við Umf. Mána um eignarhald á landi því sem íþróttavellir við Mánagarð standa á og um mannvirki á íþróttavöllum við Mánagarð. Í væntanlegu samkomulagi telst sveitarfélagið eigandi þess lands sem Mánagarður, íþróttahús og íþróttavellir standa á. Hinsvegar teljast mannvirki á íþróttavöllum sameign Umf. Mána og sveitarfélagsins. Samkomulagið nær ekki til þeirra húseigna sem eru á vallarsvæðinu.

 5.      Sumaropnun sundlaugar

 Rætt var um sumaropnun sundlaugar og verður hún opin frá 1.júni og til loka ágústs frá kl. 07:00  til 20:30 virka daga og frá kl. 09:00 – 18:00 um helgar.

Ráðið var samþykkt ofangreindum opnunartímum.

 6.      Sumarbæklingur 2007

 Búið er að óska eftir tilboðum í prentun og uppsetningu sumarbæklings ÆTH. Stefnt er að útkomu hans fimmtudaginn 24.maí.

 7.       17. júni 2007

 Ungmennafélagið Sindri óskar eftir því að fá að sjá um hátíðarhöldin á 17. júní eins og í fyrra gegn hæfilegri þóknun. Ráðið samþykkir að fela Sindra að halda utan um hátíðarhöld á 17.júni.

Fundi slitið kl. 18:45.