Fundargerð æskulýðs- og tómstundaráðs 82

82. fundur

25. september 2006  kl. 17:00.

 Mætt voru: Matthildur Ásmundardóttir formaður, Helga Lucia Bergsdóttir, Helga Vilborg Sigjónsdóttir, Björn Sigfinnsson, Gestur Halldórsson, Miralem Haseta og Haukur H. Þorvaldsson sem ritaði fundargerð

 Matthildur formaður setti fund og bauð ráðsfólk velkomið og einnig varamenn sem voru boðaðir á þennan fund.

 Gengið var til dagskrár:

  Vettvangsferð í íþróttamannvirki

Þessi fundur var tekinn undir vettvangsheimsóknir í íþróttamannvirki þar sem þau voru skoðuð og rætt við starfsmenn þeirra. Með í för var Össur Imsland frá tækni – og umhverfissviði og Björn Imsland umsjónarmaður fasteigna. Svöruðu Össur og Bjössi fyrirspurnum ráðsfólks og starfsmanna sem varðar viðhald og framkvæmdir í mannvirkjunum. Teknir voru niður minnispunktar varðandi viðhald og óskir sem fram komu frá starfsfólki sem upplegg fyrir væntanlega fjárlagagerð.

  Mánagarður/íþróttahús:

..að byggja geymslu eða kaupa geymslugám við norðurhlið Mánagarðs

..að stækka eldhúsið á kostnað litla salarins

..mála neðri hluta íþróttasalar

..vantar ljós við inngang í sal Mánagarðs

..vatnsbrunn vantar þar  

 Íþróttahúsið Höfn:

..búningsklefa karla þarf að taka í gegn, búningsklefar kvenna eru þokkalegir. Þar sem gert var ráð fyrir að búningaklefar breyttust með viðtengingu við sundlaugarbygginu var viðhaldi þeirra slegið á frest. Þar sem gert er ráð fyrir að áfangaskipta sundlaugarbygginu og samtenging við íþróttahúsið því í seinni áfanga verður ekki hjá því komist að taka búningsklefana í gegn.

..setja þarf filmur í glugga í íþróttasal til að draga úr sólarljósi í salnum.

..innra gang og geymslur þarf  að taka í gegn mála og gera við skemmdir

..annan vatnsbrunn vantar sem er nær íþróttasalnum

..rætt var um að breyta þyrfti inngangi á sprakvöllinn og eins bera í hann og bæta kurli í hann

..vegna fyririhugaðra vallarframkvæmda kom ábending um að færa girðingu við Víkurbraut út að gangstétt og ná þannig hátt í tveim metrum til breikkunar á grassvæði

..breyta forstofu og færa starfsmannaaðstöðu í rými þar sem smíðastofa var en með því móti hafa starfsmenn gott útsýni út í alla forstofuna 

Sundlaug Hafnar: 

..sundlaugin var skoðuð hátt og lágt.

..þarf nauðsynlega að finna aðgengilegri stað fyrir bakbretti

Sundlaugin er barn síns tíma og tilbúin að ljúka vegferð sinni með reisn uns nýr arftaki tekur völdin. Er ljóst að viðhald markast að því hversu fljótt nýtt sundlaugarmannvirki tekur yfir.

 Félagsmiðstöðin Þrykkjan / Sindrabær:

..aðstaða félagsmiðstöðvarinnar í Sindrabæ var skoðuð og þar var helst nefnt að rými í kjallar þyrfti að taka í gegn. Þar eru hljómsveitir með æfingaaðstöðu. Ekki er lengur boðið upp á bíósýningar en Haukur sagði að Þrykkjan hefði áhuga á að sýna DVD barnamyndir í gegnum skjávarpa kannski hálfsmánaðarlega. Til þess þyrfti að athuga búnað til að það gengi upp með góðu móti.   

Fundi slitið kl. 19:10.