Fundargerð Æskulýðs- og tómstundaráðs

38. fundur

Fundur haldinn í æskulýðs- og tómstundaráði Hornafjarðar mánudaginn

25. febrúar 2002 kl. 17:00 í Ráðhúsinu.



Mætt voru: Hulda Laxdal formaður, Þórgunnur Torfadóttir, Valdemar Einarsson, Valur Sveinsson, Ingibjörg Guðmundsdóttir og Haukur H. Þorvaldsson æskulýðs - og tómstundafulltrúi.



Gengið var til dagskrár og gerðist þetta helst:



Formaður Hulda Laxdal setti fund og bauð fundarfólk velkomið og lagði til dagskrárbreytingu þá að liðurinn önnur mál verði tekin á dagskrá. Var tillagan samþykkt.



1. Stefnumótunarvinna kynnt.

Þórgunnur Torfadóttir greindi fundarfólki frá þeirri vinnu sem fram hefur farið við mótun stefnu í æskulýðs-íþrótta- og tómstundamálum á Hornafirði. Starfshópurinn sem ÆTH skipaði til að vinna að stefnumótuninni hefur haldið 4 fundi frá áramótun og fengið til liðs við sig ýmsa aðila úr sveitarfélaginu til skoðanaskipta.

Stefán Ólafsson framkvæmdastjóri fræðslu – og félagssviðs hefur stjórnað þessari vinnu og fundunum.

Ráðið óskar eftir því að Stefán Ólafsson verði fenginn til stýra áfram stefnumótunarvinnunni sem eftir er. Hópinn skipa frá ráðinu, Hulda L. Hauksdóttir, Þórgunnur Torfadóttir, Gunnar Ingi Valgeirsson og starfsmaður ráðsins Haukur H. Þorvaldsson.

Stefnt skal að því að vinnu verði lokið og stefnumörkun liggi fyrir um Páska.







2. Úthlutun úr Sérsjóði ÆTH. Árétta nafn.



Við ákvörðunar æskulýðs- og tómstundaráðs um styrki úr Sérsjóði ráðsins á síðasta fundi féll niður í fundargerð nafn eins styrkþegans Björns Pálssonar sem fær 20.000 kr. vegna góðrar frammistöðu og ástundun í knattspyrnu og öðrum íþróttum. Alls var því ráðstafað úr Sérsjóði fyrir árið 2001, 100.000 kr.



3. Útgáfa sumarbæklings.



Æskulýðs- og tómstundaráð vill að unnið sé að gerð bæklings svipuðum þeim sem var gefin út á síðasta sumri og innihélt upplýsingar um starfsemi fyrir börn og unglinga á Hornafirði yfir sumartímann. Starfsmanni var falið að senda út bréf til stofnana og félaga sem hugsanlega vilja koma inn upplýsingum í bæklinginn og auglýsa útkomu bæklingsins í Eystrahorni. Bæklingurinn verði kominn út í lok maí 2002. Var Hauki falið að sjá um framkvæmd verkefnisins.













4. Framkv. v/sundlaug. Gjaldskrár hækkun afturkölluð.



Valur Sveinsson greindi frá því að vinna við hagkvæmnis athugun í sundlauginni væru hafin.

Ljóst er að í sambandi við stefnumótunarvinnuna kemur sundlaug sterk inn í umræðuna.

Ráðið vill beina því til bæjarráðs að vegna afturköllunar á gjaldskrárhækkun sundlaugar verði séð til þess að laugin verði ekki fyrir tekjumissi þess vegna.



Önnur mál.



Rætt var um stöðu líkamsræktar á Hornafirði. Haukur sagði að eins og málin stæðu í dag væri ástæða til bjartsýni.

Haukur lagði fram niðurstöður úr könnun til umræðu og skoðunar sem gerð var í 8.-10. bekk Heppuskóla í byrjun febrúar. Var óskað eftir svörum nemenda um sókn í félagsmiðstöð og félagslíf í skólanum, neyslu áfengis og annarra vímuefna og útivist. Samskonar könnun var lögð fyrir í sama mánuði í fyrra. Eftir er að fullvinna samanburðartölur.





Fundi slitið kl. 18:15.



Hulda Laxdal Hauksdóttir. Haukur H. Þorvaldsson.

Þórgunnur Torfadóttir.

Ingibörg Guðmundsdóttir.

Valur Sveinsson.

Valdemar Einarsson.