Fundargerð Æskulýðs- og tómstundaráðs

39. fundur

Fundur haldinn í æskulýðs- og tómstundaráði Hornafjarðar mánudaginn

25. mars 2002 kl. 17:00 í Ráðhúsinu.



Mætt voru: Hulda Laxdal formaður, Ólöf Guðmundsdóttir, Gunnar Ingi Valgeirsson, Ástríður Sveinbjörnsdóttir, Valdemar Einarsson, Valur Sveinsson, Ingibjörg Guðmundsdóttir og Haukur H. Þorvaldsson æskulýðs - og tómstundafulltrúi.





Gengið var til dagskrár og gerðist þetta helst:



Formaður Hulda Laxdal setti fund og bauð fundarfólk velkomið.



1. Samningar við félög Umf. Sindra og Umf. Mána skoðaðir.



Nú liggur fyrir að endunýja samning við Umf. Sindra. Í samningi hefur aðallega verið tekið á þremur þáttum , rekstri félagsins almennt , leikjanámskeiði og umhirðu Sindravalla.

Ekki hefur legið fyrir samningur við Umf. Mána undanfarin ár og vill ráðsfólk sjá þar breytingu á.

Ráðið vill ítreka að fyrri samþykktir að sami aðili sjái um hirðingu og umsjón bæði

Sindra- og Mánavalla og það sé gert eftir þeim reglum sem lúta að hirðingu grasvalla.

Ljóst er að stjórn Mána vill ekki una því að sama stjórn sé yfir báðum völlunum, þessvegna hefur þessi skoðun ÆTH. ekki náð fram að ganga og er málið í hnút.

Í fyrra sá einkaaðili um slátt og áburðargjöf á Sindravöllum og slátt að hluta til á Mánavöllum sem Sindri greiddi fyrir, kom það vel út. Ráðið beinir því til bæjaryfirvalda að það beiti sér fyrir lausn á þessum málum sem allra fyrst svo allir megi vel við una.

Knattspyrnudeild Sindra hefur áhuga á að vera með leikjanámskeiðin í sumar eins og undangengin ár og er verið að vinna að ráðningu starfsmanna.

Valdemar formaður knd. Sindra sagði frá því að deildin stæði að Humarhátíð í ár ásamt öðrum ef samningar við sveitarfélagið og aðra nást.

Hátíðin verður fyrstu helgina í júlí.

Ekki komu fram neinar óskir um breytingar á samningi Sindra frá ráðinu.





2. Stefnumótunarvinna.



Hulda sagði frá fundi um stefnumótunina í síðustu viku þar var Hauki falið að hafa forgöngu um þá vinnu sem eftir er og nýtur hann liðsinni Stefáns Ólafssonar framkv.stj. fræðslu og félagssviðs. Ljóst er að þeirri vinnu verður ekki lokið fyrir páska eins og stefnt var að.



















3. Önnur mál.



Valdemar spurðist fyrir um hvort hann mætti hefja framkvæmdir eftir þeirri samþykkt sem ráðið gerði um að Sindravellir verði eitt grassvæði en fram hefði komið í stefnumótunarvinnunni að fólk vill frekar sjá þar alhliða keppnisvöll. Ráðið telur að samþykktin standi þar til stefnumótunin verði samþykkt með eða án alhliða keppnisvelli.

Valur greindi frá því að verið væri að vinna í sundlaugarmálum og niðurstaða fengist fljótlega eftir páska.

Haukur sagði frá þemavika í Heppuskóla sem fram fór í síðustu viku. Það var fjallað um áfengi, tóbak, eiturlyf, kynlíf. sjálfsmynd og fjölmiðlun var tengd inn í alla þessa þættina. Tókst þetta verkefni vel að sögn unglinga og kennara.









Fundi slitið kl. 18:55.



Hulda Laxdal Hauksdóttir. Haukur H. Þorvaldsson.

Ólöf Guðmundsdóttir.

Ingibörg Guðmundsdóttir.

Ástríður Sveinbjörnsdóttir.

Gunnar Ingi Valgeirsson

Valur Sveinsson.

Valdemar Einarsson.