Fundargerð Æskulýðs- og tómstundaráðs 48

48. fundur

Fundur haldinn í æskulýðs- og tómstundaráði Hornafjarðar mánudaginn

24. febrúar 2003 kl. 20:00 í fundarsal Ráðhúss.

Mætt voru: Friðrik Ingvaldsson formaður, Gunnar Ingi Valgeirsson, Valdemar Einarsson, Þórgunnur Torfadóttir, Elsa S. Elísdóttir og Haukur H. Þorvaldsson æskulýðs - og tómstundafulltrúi.

Friðrik formaður setti funda og bauð ráðsfólk velkomið.


Gengið var til dagskrár:

1. Stefnmótunin, kostnaðaráætlun mannvirkja kynnt.

Að beiðni bæjarráðs hefur Tækni- og umhverfissvið unnið frumkostnaðaráætlun sem tekur til þeirra framkvæmda sem um er getið í drögum að stefnumótun í æskulýðs- íþrótta - , og tómstundamálum á Hornafirði. Valur Sveinsson frá tækni- og umhverfis sviði fór yfir áætlunina á fundinum. Kostnaðaráætlun náði yfir Sindravelli, malar- og keppnisvöll, gervigrasvöll, skemmu yfir gervigrasvöllinn, bílastæði og sundlaug, andyri og búningsaðstöðu sem þjónar sundlaug, íþróttahúsi og gervigrasvellinum. Valur sagði að það bæri að taka þessari áætlun með miklum fyrirvara þar sem engin hönnun mannvirkja lægi fyrir.



2. Íþróttamaður Hornafjarðar, drög að reglugerð.

Kynnt voru drög að reglugerð fyrir vali á Íþróttamanni Hornafjarðar. Haukur hélt fund með forystu U.S.Ú. á þann fund komu Guðrún Þorsteinsdóttir og Jón Gunnar Gunnarsson. Kynnti Haukur þau drög sem lögð eru fram hér og fannst þeim þau vel geta gengið og ætlaði Jón að kynna þau nánar fyrir forystu U.S.Ú. Æskulýðs- og tómstundaráð samþykkir fyrir sitt leit drögin sem eru til umfjöllunar með áorðnum orðalagsbreytingum. Ráðið leggur til að þessar reglur verði lagðar fyrir næsta ársþing U.S.Ú. til umræðu.


Reglugerð fyrir val á


ÍÞRÓTTAMANNI ÁRSINS Á HORNAFIRÐI


grein.

Æskulýðs- og tómstundaráð Hornafjarðar gengst ár hvert fyrir útnefningu á Íþróttamanni ársins á Hornafirði.

2. grein

Tilnefningar skulu koma frá öllum aðildafélögum U.S.Ú. á Hornafirði. Tilnefningar skulu berast til æskulýðs- og tómstundaráðs fyrir 15. desember ár hver. Skilyrði fyrir valinu er að viðkomandi íþróttamaður keppi fyrir hönd U.S.Ú

grein.

Í janúar ár hvert afhendir æskulýðs- og tómstundaráð íþróttamaður ársins farandgrip sem hann hefur í vörslu sinni út árið.Á farandgripinn skal ritað nafn íþróttamannins, ártal. Íþróttamanni ársins er jafnframt veitt viðurkenning til eignar

grein

Æskulýðs- og tómstundaráð veitir þeim viðurkenningar sem tilnefndir eru íþróttamenn ársins í hverri íþróttagrein fyrir sig.

grein

Viðurkenningar eru einnig veittar fyrir landsliðssæti ( unglinga-, karla- eða kvenna ) eða aðilum sem unnið hafa framúrskarandi vel að íþrótta- og æskulýðsmálum á Hornafirði.

grein

Afhending viðurkenninganna skal fara fram með þeirri viðhöfn sem æskulýðs- og tómstundaráð ákveður hverju sinni.



3. Úthlutunarreglur fyrir styrki ,drög að reglugerð.



Lögð voru fram drög að reglum fyrir úthlutun styrkja á vegum æskulýðs- og tómstundaráðs. Voru reglurnar samþykktar með smá orðalagsbreytingum.

Úthlutunarreglur vegna framlaga til íþrótta- tómstunda- og æskulýðsmála á Hornafirði


1.gr.



Úthlutað er styrkjum til íþrótta- tómstunda- og æskulýðsmála í samræmi við fjárhagsáætlun Hornafjarðar hverju sinni. Við úthlutun skal haft að leiðarljósi að stuðlað sé að fjölbreytileika í íþrótta- tómstunda- og æskulýðsstarfi í sveitarfélaginu.



2.gr.



Í nóvember ár hvert skal auglýst eftir umsóknum um styrki fyrir næsta fjárlagaár. Úthlutun styrkja skal að jafnaði miðast við lok janúar.



3.gr.



Um styrki geta sótt félög og aðilar sem sinna íþrótta- tómstunda- og æskulýðsstarfi í sveitarfélaginu eða hafa með höndum aðra sambærilega starfsemi.

4.gr.



Æskulýðs- og tómstundaráð Hornafjarðar gerir tillögur að úthlutun samkvæmt reglum þessum að loknum umsóknarfresti.



Umsókn skal fylgja:

a. Yfirlit yfir fjárhagsstöðu umsækjanda, og deilda hans ef við á, fyrir síðastliðið ár.

b. Yfirlit yfir fjölda virkra iðkenda og aldursskiptingu þeirra.

c. Fjárhagsáætlanir umsækjanda, og deilda hans ef við á, fyrir árið.

d. Áætlanir um umfang starfsins.

Við úthlutun verður einnig litið til:

a. Markmiða umsækjanda í æskulýðsstarfi.

b. Menntunar og reynslu leiðbeinenda, ásamt markmiðum með starfi þeirra.

c. Fjölbreytni og umfangs verkefna.

d. Virkni félagslegs starfs.

5. gr.



Þau félög sem eru deildarskipt sækja um styrk fyrir sínar deildir. Ekki er úthlutað sérstaklega til deilda heldur skal viðkomandi félag ráðstafa þeim fjármunum sem það fær í styrk, sjálft til deildanna eftir reglum hvers félags fyrir sig.



Fundi slitið kl. 22:00.



Friðrik Ingvaldsson. Haukur H. Þorvaldsson.

Þórgunnur Torfadóttir.

Gunnar Ingi Valgeirsson.

Valdemar Einarsson.

Elsa S. Elísdóttir