Fundargerð Æskulýðs- og tómstundaráðs 49

49. fundur

Fundur haldinn í æskulýðs- og tómstundaráði Hornafjarðar mánudaginn

24. mars 2003 kl. 20:00 í fundarsal Ráðhúss.



Mætt voru: Friðrik Ingvaldsson formaður, Gunnar Ingi Valgeirsson, Björn E.Traustason, Þórgunnur Torfadóttir, og Haukur H. Þorvaldsson æskulýðs - og tómstundafulltrúi.







Friðrik formaður setti funda og bauð ráðsfólk velkomið.


Gengið var til dagskrár:





1. Samningar við Sindra og Mána.

Farið var yfir starfssamning sveitarfélagsins við Umf. Sindra og samningsdrög við Umf. Mána. Efnislega gerði ráðið ekki athugasemd við samningana en bent var á að samræma orðalag beggja samningana. Ráðið vonar að samningarnir verði samþykktir eins og þeir voru kynntir ráðinu. Þá var bent á að í náinni framtíð má reikna með meiri umhirðu á Sindravöllum vegna stækkunnar æfingasvæðis og þar af leiðandi aukins kostnaðar.





2. Sumaropnun sundlaugar.

Lagt var til að sumaropnun Sundlaugar Hafnar yrði sú sama og verið hefði undanfarin ár frá kl. 07:00 ? 20.30 virka daga og frá 09:00 ? 18:00 um helgar. Tæki hún gildi frá og með 1.júni ? 25 ágúst. Þá var ákveðið að lengja opnunartíma laugarinnar um helgar frá og með laugardeginum 4. apríl til kl. 16:00 í stað kl. 14:00 eins og verið hefur. Samþykkti ráðið áðurgreinda opnunartíma.

Ráðið leggur einnig til að opnunartími í september verði lengdur til amk. 16:00 vegna lengingu ferðamannatímans.





3. Samningar Sindra um framkvæmdir á Sindravöllum.

Friðrik geindi frá því að samningar hefðu tekist á milli sveitarfélagsins og Umf. Sindra um að unnið verið að uppbyggingu Sindravalla og aðstöðu við hann. Um er að ræða svæðið frá nýþakta svæðinu að aðalvelli og malarvöllurinn. Ráðið lýsir ánægju með samninginn sem leiðir af sér að framkvæmdum verði hraðað á vallarsvæðinu.



4. Bréf frá Báru Ólafsdóttur.

Í bréfinu kemur fram áhugi um að vera með ævintýralegt fimleikjanámskeið frá 9. júní til 25 júlí í sumar þrisvar í viku. Námskeiðið inniheldur , útivist, vináttu , hópavinnu og fimleikakunáttu. Námskeiðið er ætlað börnum og unglingum 10 ára og eldri. Óskað er eftir því að fá að vera í íþróttahúsinu í vondum veðrum og til að æfa flóknari æfingar, hafa æfingamót og æfa dansa. Ráðið fagnar þessu framtaki.



5. Fundir og málþing framundan.

Haukur greindi frá fundum og málþingum framundan. Á föstudaginn kemur er fundur um ungmennahús (16-25 ára) í Reykjavík. Ráðið leggur til að Jón Garðar verði beðinn að sækja fundinn þar sem hann er í forsvari fyrir verkefnahóp um unglingahús hér á Hornafirði. 29. mars er málþing um æskulýðsmál sem nefnist ?Lífstíll?. Þar er kynnt niðurstaða nefndar sem fjallaði um stöðu félags- og tómstundastarfs ungs fólks á Íslandi. Margt fleira er á dagskránni sem varðar æskulýðsmál. Stefán Ólafsson mun sækja málþingið.

5. apríl er síðan landsþing ungs fólks haldinn í Reykjavík.

Aðalfundur Samfés er haldinn í Reykjanesbæ dagana 10.- 11. apríl og mun Haukur sækja hann. Í maí er svo aðalfundur Félags íþrótta- æskulýðs og tómstundafulltrúa haldinn í Mosfellsbæ.





Fundi slitið kl. 21:20.



Friðrik Ingvaldsson Haukur H. Þorvaldsson.

Þórgunnur Torfadóttir

Gunnar Ingi Valgeirsson

Björn E. Traustason