Fundargerð æskulýðs- og tómstundaráðs 64

64. fundur

Fundargerð

Fundur haldinn í æskulýðs- og tómstundaráði Hornafjarðar mánudaginn

22. nóv. 2004  kl. 17:10.

Mætt voru: Friðrik Ingvaldsson formaður, Gunnar Ingi Valgeirsson,  Þórgunnur Torfadóttir, Björn Traustason og Haukur H. Þorvaldsson æskulýðs - og tómstundafulltrúi.

Friðrik formaður setti fund og bauð ráðsfólk velkomið.

Gengið var til dagskrár:

1.      Fjárhagsáætlun 2005

Farið var yfir fjárhagsáætlun ÆTH fyrir næsta ár.

2.      Hækkun gjaldskrár í sundlaug og opnunartímar

Samþykkt var að hækka gjaldskrá sundlaugar og tekur hún gildi um leið og laugin verður opnuð eftir áramót. Stakt gjald fullorðinna hækkar úr 275 kr. í  300 kr. Stakt gjald barna hækkar úr 110 kr. í 135 kr. 15 miða kort fullorðina hækkar úr 2700 kr. í 3100 kr. 15 miða kort  barna hækkar úr 1100 kr. í 1200 kr. Árskort fullorðinna hækkar úr 19000 kr. í 21000 kr. Gjald í sturtu hækki úr 150 kr. í 170 kr. Leiga á sundfötum og handklæðum hækkar úr 200 kr. í 220 kr. Ráðið leggur til að lauginni verði lokað sunnudaginn 19.desember. Stefnt skal að því að opna laugina á nýju ári laugardaginn 8. janúar.

Lagt er til að sumaropnun taki gildi 1.júní til 24. ágúst en sumaropnun um helgar gildir fram í miðjan september. Opið verði virka daga frá kl. 07:00 ? 20:30 og um helgar frá kl. 09:00 ? 18:00.

3.      Styrkveiting til íþróttamanna. Sérsjóðurinn.

Að venju leggur ráðið til að ungt og efnilegt hornfirskt íþróttafólk verði styrkt til að efla sig í íþrótt sinni. Hauki falið að óska eftir ábendingum frá íþróttafélögum á Hornafirði. Innistæða á reikning sérsjóðs eru kr. 285 þúsund.

Einnig kemur til greina að styrkja einstakling til að vinna að ákveðnu verkefni í samstarfi við ÆTH.

Ráðið vill minna á að nú í desember er umf. Sindri 70 ára.

4.      Forvarnir. Þrykkjan

Haukur greindi frá því að hann hafi áhuga á að stofna VÁ-HORN hóp hér á Hornafirði sem kæmi saman einu sinni í mánuði og skiptist á skoðunum um  forvarnir og kæmi með hugmyndir um leiðir og markmið. Hópurinn stæði samna af embættismönnum, foreldrum, fulltrúum skóla og frá íþróttahreyfingunni. Haukur hefur sent út bréf vegna þessa til þeirra sem málið varðar og fengið jákvæð viðbrögð. Hefur kennaraverkfall sett strik í reikninginn hvað varðar þátttöku skólanna.

Þá hefur Haukur einning sent út bréf til foreldra þar sem skorað er á þá að stuðla að endurreisn Hornfirsku foreldrasamtakanna. Bréfið var sent til fimm foreldra og komu jákvæð svör frá tveimur. Einnig var auglýsing látin rúlla á Skjávarpinu þar sem foreldrar eru hvattir til að taka þátt í endurreisn samtakanna og hafa samband við Hauk en það bar ekki árangur. Í framhaldi af þessu var boðaður fundur með foreldrum, embættismönnum og lögreglu fimmtudaginn 11. nóvember. Þar mættu þrír foreldrar , starfsmaður Þrykkjunnar, Jón Garðar lögreglumaður og Haukur. Rætt var um stöðu mála hjá unglingunum í dag og voru menn sammála um að hún væri  nokkuð góð. Foreldramál voru rædd og tóku þeir foreldrar sem sátu fundinn vel í að reyna að hvetja foreldra til dáða. Forvarnarsíðunni var brugðið upp á Skjávarpinu í október með ábendingum til foreldra. Þá starfrækja hjúkrunarfræðingar opna móttöku fyrir ungt fólk á heilsugæslustöðinni. Þar getur unga fólkið komið eða hringt, fræðs og leitað ráðleggingar um t.d. kynþroskann, kynsjúkdóma, unglingabólur, vímuefni, einelti, þunglyndi o.m.fl. Að sögn forsvarsmanna hafa ekki margir unglingar nýtt sér þessa þjónustu. Starfsemi Þrykkjunnar hefur gengið eðlilega fram og hefur aðsókn verið nokkuð góð. Reynt hefur verið að hafa einhvern stóran viðburð í hverri viku sem unglingarnir hafa tekið þátt í að undirbúa. Þrykkjan tók þátt í Viskunni sem er spurningakeppni Samfés og komst þar í átta liða úrslit. Keppninni er útvarpað á RÁS 2. Á föstudaginn kom fréttablað Þrykkjunnar, Þrykkjufréttir út en það var fjölmiðlaklúbburinn sem sér um útgáfuna. Á döfinni er söngvakeppnin og ball sem haldið verður út í Hrollaugsstöðum 2. desember og er ráðgert að bjóða unglingum frá Klaustri og Djúpavogi að koma. Þrír starfsmenn starfa við Þrykkuna í hlutastörfum ásamt Hauki. Hann telur mikla nauðsyn á að ráðinn verði starfsmaður í heilt starf til að vinna með börnum og unglingum í Þrykkjunni. Gæti þessi starfsmaður tekið að sér verkefni við Vinnuskólann að sumarlagi.

5.      Lögreglusamþykkt

Ráðið leggur til að í 35 gr. verði aldurstakmark að söfnunarkössum hækkað úr 16 í 18 ár. Þá leggur ráðið til að útivistarreglur verði óbreyttar.

Fundi slitið kl. 19:00.

útivistarreglur verði óbreyttar. Fundi slitið kl. 19:00.