Fundargerð umhverfisnefndar 85

85. fundur

Fundur haldinn í umhverfisnefnd Hornafjarðar í ráðhúsi, fimmtudaginn 19. febrúar 2009 og hófst hann kl. 12:00

 Fundinn sátu:

Sigurlaug Gissurardóttir, Þóra Vilborg Jónsdóttir, Valdemar Einarsson, Miralem Haseta, Haukur Ingi Einarsson,  

 Fundargerð ritaði:  Haukur Ingi Einarsson, framkvæmdastjóri tækni- og umhverfissviðs

 Dagskrá:

 1.      200709059 - Endurskoðun á aðalskipulagi

Lögð fram drög að nýrri greinargerð sem og minnispunktar frá vinnufundi 22.01.09

Farið yfir drög að nýrri greinargerð sem unnin var upp eftir minnispunktum frá vinnufundi Umhverfisnefndar 22.01.09 sl. þar sem unnið var að endurskoðun aðalskipulags. Ákveðið að boða til vinnufundar 26. febrúar kl 17:00 með aðal- og varamönnum til að ljúka við endanlega drög að greinargerð.

2.      200901110 - Megináherslur í úrgangsmálum

Lögð fram til kynningar og umsagnar megináherslur í úrgangsmálum.

Lagt fram til kynningar.

Umhverfisnefnd lítur svo á að þessar áherslur samsvari núverandi stefnu Sveitarfélagins Hornafjarðar í þessum málaflokki sem miðar að meiri endurnýtingu og endurvinnslu úrgangs á sem hagkvæmastan hátt og þannig verði dregið úr urðun. Ennfremur bendir umhverfisnefnd á að endurskoða þarf gjaldtöku á fyrirtæki þannig að fyrirtæki sjái sér hag í því að endurvinna/endurnýta meira og vísar þessu til umfjöllunar í bæjaráði.

3.      200804077 - Umhverfisverðlaun sveitarfélagsins

Auglýst eftir tilnefningum umhverfisviðurkenningar.

Starfsmanni falið að auglýsa eftir tillögum að umhverfisviðurkenningu fyrir árið 2008.