Gamla - Umhverfisnefnd
Fundargerð umhverfisnefndar 79
Fundur 79
Fundur haldinn íumhverfisnefnd Hornafjarðar þriðjudaginn 10. júní 2008
kl. 12:00 í Ráðhúsi Hornafjarðar.
Mætt voru: Sigurlaug Gissurardóttir, formaður, Valdemar Einarsson, Miralem Haseta og Þóra Vilborg Jónsdóttir.
Einnig: Haukur Ingi Einarsson.
Sigurlaug bauð fundarmenn velkomna. Gengið var til dagskrár:
1. Fráveitumál
Haukur gerði grein fyrir ferð sem farin var hringinn í kringum landið og skoðað fráveitulausnir, sorpmál og jarðgerð. Gerði hann grein fyrir fráveitumannvirkjum í Hveragerði, Reykjavík og Egilsstöðum. Jafnframt var gerð grein fyrir skýrslu sem unnin var af Línuhönnun 2004/2005 og tillögum um lausn á fráveitumálum fyrir þéttbýlið Höfn. Línuhönnun er að fara yfir málið í samvinnu við starfmenn. Nú í júní verða tekin sýni meðfram strandlengjunni og í kjölfarið farið yfir næstu skref. Núverandi hugmyndir eru að koma upp grófhreinsistöð sem tekur frá föst efni frá heimilum á vesturströndinni og fylgjast með hvort þurfi að hreinsa iðnaðarskólp sem veitt er út um Standeyjarræsi, Álaugareyjarræsi og við bræðslu. Haukur gerði grein fyrir legu útrásar fráveitumannvirkis og að hagkvæmast væri að fara með lögnina í gegnum Ósland. Ósland er skilgreint sem fólkvangur og því verður að skoða legu útrásar m.t.t. þess. Umhverfisnefnd beinir því til bæjarráðs að kanna réttmæti þess að umhverfisnefnd fari með hlutverk stjórnar fólksvangs í Óslandi sambanber erindisbréfi Umhverfisnefndar og vísar í því sambandi til auglýsingar um fólkvang í Ósland frá 1982 sem kveður á um hvernig stjórn fólksvangsins skuli skipuð. Umhverfisnefnd óskar eftir því að við undirbúning fráveitulagnar í Óslandi verði sá kostur skoðaður að leggja lögnina meðfram landi en ekki eftir því. Undir þessum lið var gerð grein fyrir jarðgerð og sorpflokkun sem skoðuð var í ferðinni.
- Fjölskyldustefna Hornafjarðar
Til kynningar. Ákveðið var að taka þennan lið fyrir á næsta fundi umhverfisnefndar.
3. Fræðslustarf á vegum umhverfisráðuneytisins.
Til kynningar. Starfmanni falið að gera efnið aðgengilegt á heimasíðu sveitarfélagsins. Miralem vék af fundi.
- Refa og minkaveiðar viðmiðunartaxtar og upplýsingargjöf
Til kynningar. Umhverfisnefnd leggur áherslu á að gengið verði eftir að veiðimenn skili inn skýrslum um þekkt greni þar sem komið geti til skerðingar þátttöku ríkis í greiðslum fyrir unnin dýr sé þeim ekki skilað. Starfsmanni falið að óska eftir grenjaskrám hjá ráðnum veiðimönnum.
- Önnur mál
Þóra Vilborg Jónsdóttir spurðist fyrir um sláttuþjónustu sem sveitarfélagið bjóði upp á í þéttbýli, hvort slíkt stæði ekki einnig til boða fyrir íbúa dreifbýlisins. Haukur gerði grein fyrir því að svo væri ekki þar sem ekki er til nægjanlegur tækjakostur né starfskraftur til að anna mögulegri eftirspurn.
Valdimar spurðist fyrir um hvort ekki mætti beita samþykkt um umgengni og þrifnað utanhúss. Benti hann á nokkur atriði máli sínu til stuðnings.
Sigurlaug spurðist fyrir um stöðumat á Staðardagsskrá 21. Haukur gerði grein fyrir því að málið væri í vinnslu.
Fundi slitið kl. 13.30
Sigurlaug Gissurardóttir Haukur Ingi Einarsson
Þóra Vilborg Jónsdóttir
Miralem Haseta
Valdemar Einarsson
