Fundargerð umhverfisnefndar 75

75. fundur

Fundur  haldinn í umhverfisnefndar Hornafjarðar haldinn í ráðhúsi, fimmtudaginn 14. febrúar 2008 og hófst hann kl. 17:00

Fundinn sátu:

Sigurlaug Gissurardóttir, Þóra Vilborg Jónsdóttir, Erna Gísladóttir, Miralem Haseta, Haukur Ingi Einarsson,

Fundargerð ritaði:  Haukur Ingi Einarsson, framkvæmdastjóri tækni- og umhverfissviðs

1.            200711006 - Fráveitumál

Kynnt verður umsögn Heilbrigðisstofnunar Austurlands um fráveitusamþykktir fyrir sveitarfélagið Hornafjörð

Nefndin fagnar framkominni umsögn frá HAUST og felur starfmanni ásamt formanni Umhverfisnefndar að ganga frá samþykktum í samræmi við umsögn HAUST og umræður á fundinum.

2.            200707002 - Umföllun um sorpmál á Hornafirði

Kynnt verður kostnaðaráætlun fyrir breytt fyrirkomulag á sorphirðu í dreifbýli.

Starfmanni falið að vinna áfram á sömu nótum. Í framhaldi af góðum árangri í flokkun úrgangs hvetur nefndin til þess að gjaldskrá verði endurskoðuð.

3.            200711005 - Umhverfisviðurkenning

Óskað er eftir umræðum um hvernig auglýsingu um umhverfisverðlaun og veiting umhverfisverðlauna verði háttað fyrir árið 2007.

Starfsmanni falið að auglýsa eftir tilnefningum til umhverfisviðurkenningar sem teknar verða fyrir á næsta fundi.

4.            200801001 - Staðardagsskrá 21

Greint verður frá helstu áherslum ráðstefnu Staðardagskrár 21 sem haldin var í Hveragerði 8. – 9. febrúar 2008

Haukur greindi frá ráðstefnunni og helstu fyrirlestrum, ráðstefnan var afar áhugaverð og fjallaði um sjálfbæra þróun, betri heilsu og ný störf.
Umræður sköðuðust í kjölfarið um göngustíga og mikilvægi þess að þeir séu greiðfærir fyrir alla hópa fólks, ennfremur sköpuðust umræður um opið svæði fyrir hundaeigendur.

5.            200802026 - Ólafsvíkuryfirlýsingin

Til kynningar

6.            200802019 - Héraðsáætlanir landgræðslunnar - kynning á verkefninu
Nefndin leggur áherslu á gott samstarf við Landgræðsluna við gerð héraðsáætlana.

7.            200802031 - Íbúakynning

Stefnt er að því að næstu tveir fundir Umhverfisnefndar verði haldnir úti í dreifbýli, dagskrá mótuð á fundinum.

Næstu fundir Umhverfisnefndar verða haldnir í Mánagarði í mars og í Hrollaugsstöðum í apríl, í kjölfarið verða almennir fundir um skipulags- og umhverfismál.

Fleira ekki gert.  Fundi slitið kl.   19:00