Fundargerð umhverfisnefndar 71

71. fundur

 71. fundur umhverfisnefndar Hornafjarðar haldinn í ráðhúsi,fimmtudaginn 11. október 2007 og hófst hann kl. 17:00

  Fundinn sátu:

Sigurlaug Gissurardóttir, Þóra Vilborg Jónsdóttir, Stephen Róbert Johnson, Valdemar Einarsson, Miralem Haseta, Haukur Ingi Einarsson,

 Fundargerð ritaði:  Haukur Ingi Einarsson, framkvæmdastjóri tækni- og umhverfissviðs

  Dagskrá:

 1.      200709025 - Verkefni um hagsmunagæslu í úrgangsmálum.

Haukur kynnti verkefnið um hagsmunagæslu í útgangsmálum. Nefndin var einróma sammála því að taka þátt í verkefninu.

2.      200709076 - Ráðgjöf vegna Staðardagskrár 21

Nefndin fagnar því að verkefnið fái að þróast áfram á landsvísu og leggur áherslu á að haldið verði áfram að vinna að málinu fyrir sveitafélagið Hornafjörð og vísar í bókun Umhverfisnefndar frá því 8. janúar s.l

3.      200710016 - Sýnataka úr Hornafirði

Haukur kynnti niðurstöður sýnatök vegna fráveitu sem Heilbrigðiseftirlit Austurlands framkvæmdi fyrir sveitafélagið í 27. september síðastliðin sem sýna að verulega breytingu til batnaðar. Umhverfisnefnd fagnar niðurstöðunum og leggur til að sýni verði tekin tvisvar á ári.

4.      200708069 - Umhverfisþing 2007

Haukur kynnti dagskrá Umhverfisþings 2007

5.      200710017 - Capacent GALLUP, ábendingar til umhverfisnefndar.

Umhverfisnefnd fagnar könnun sem þessari meðal íbúa og telur að með því fáist gagnlegar ábendingar um hvar skóinn kreppir. Könnunin leiðir í ljós að meirihluti íbúa eru ánægðir með möguleika til útivistar og umhverfismála almennt og þess hvernig sveitarfélagið stendur sig í samanburði við önnur sveitarfélög t.d. hvað varðar að draga fram kosti þess til búsetu. Hins vegar leiðir könnunin jafnframt í ljós að íbúar í dreifbýli skera sig úr hvað varðar óánægju, t.a.m. með úrgangsmál, neysluvatn og fráveitumál. Einnig með upplýsingastreymi til íbúa um ákvarðanir. Einnig kemur fram að ekki sé rétt áhersla á forgangsröðun og þar bætist ungt fólk í hóp þeirra sem búa í dreifbýli. Umhverfisnefnd leggur áherslu á að niðurstöður þessarar könnunar verði notuð til að bæta samfélagið á Hornafirði og bendir á að þegar er í gangi vinna við að bæta ýmsa þætti sem koma slaklega út í þessari könnun.

Fleira ekki gert.  Fundi slitið kl.   19:20