Fundargerð umhverfisnefndar 57

57. fundur

3. apríl 2006 kl. 17:10 í Ráðhúsi Hornafjarðar.

 Mætt voru:     Sigurlaug Gissurardóttir formaður, Þóra V Jónsdóttir varaformaður, Rannveig Einarsdóttir, Björk Pálsdóttir og Björn Arnarson einnig starfsmenn nefndarinnar, Helgi Már Pálsson og Össur Imsland.

  1.    Varnir gegn mengun hafs og sjávar

Nefndin fagnar nýrri reglugerð um viðbrögð við bráðamengun hafs og stranda og vill ítreka mikilvægi reglugerða sem þessara. 

Nefndin gerir ekki athugasemd við drög reglugerðarinnar.

 2.    Svæðisáætlun um meðferð sorps

Helgi greindi frá áætlun varðandi kostnað við endurvinnslu á úrgangi.  Áætlun frá Saga Plast gerir ráð fyrir fjárhagslegum ávinningi við endurvinnslu á flokkuðum úrgangi.

Nefndin hvetur til að gerð verði tilraun til samstarfs við Saga Plast um endurvinnslu á sorpi á grundvelli framlagðra gagna. 

Nefndin telur jafnframt að nauðsynlegt sé að farið verði samhliða í kynningarátak á flokkun og söfnun sorps með það að markmiði að minnka magn sorps til urðunar.

Nefndin hvetur eining  til að árangur af sorpbrennslu verði kannaður.

 Staðardagskrá 21

Dreift var kynningarbæling um jafnrétti og sjálfbæra þróun.

 Önnur mál

Nefndin hvetur til landgræðsluaðgerða við árfarvegi á Skeiðarársandi vegna mikils sandfoks.

Formaður kynnti skilti sem unnið er að í samvinnu við Vegagerð Ríkisins og áformað er að koma upp við áningarstaði við þjóðvegi í sveitarfélaginu.

Nefndin hvetur til að reglugerð um gáma verði fylgt eftir.

Nefndin hvetur einnig til átaks varðandi betri umgengni á iðnaðar og fyrirtækjalóðum í sveitarfélaginu.

Nefndin hvetur til að opnunartími Endurvinnslunnar hjá Flytjanda verði á hverjum degi.

Björk hvetur til hreinsunnarátaks í beðum á opnum svæðum áður en gróður tekur við sér í vor.

Nefndin vil minna á alvarleika sinubruna gagnvart lífríki náttúrunnar og hvetur almenning til aðgæslu við meðferð elds.

Fundi slitið kl. 19.00