Fundargerð Umhverfisnefndar

29. fundur

Fundur haldinn Í Umhverfisnefnd Hornafjarðar í Ráðhúsinu þriðjudaginn

16. apríl 2002, kl. 17:00.



Mætt voru: Eyjólfur Guðmundsson, Aðalsteinn Aðalsteinsson, Ásdís Marteinsdóttir, Heimir Þór Gíslason, Helgi Már Pálsson og Valur Sveinsson. Hafsteinn Helgason og Jón Skúli frá Línuhönnun komu á fundinn og kynntu tiltögur Línuhönnurnar í fráveitumálum sveitarfélagsins, þeir yfirgáfu síðan fundinn.





Fráveitumál

Hafsteinn Helgason og Jón Skúli frá Línuhönnun kynntu tillögur fyrirtækisins í fráveitumálum.



Helgi kynnti endurskoðun á tillögum verkfræðistofanna Fjarhitunnar, Hönnunar og Línuhönnunar um lausnir á fráveitumálum í sveitarfélaginu. Eftir endurskoðun er Línuhönnun enn með ódýrustu- og álitlegustu tillöguna.

Nefndin telur að halda eigi áfram samvinnu við Línuhönnun við lausn fráveitumála. Nefndin vill að staðsetning hreinsistöðvar í Óslandi verði skoðuð nánar.



Fundargerð síðasta fundar

Fundargerð síðasta fundar var samþykkt og undirrituð.



Beiðni um álit vegna uppsetningar á skiltum

Kynnt voru drög að skilti sem fyrirhugað er að setja upp við veg í útjaðri friðlandsins í Lónsöræfum. Nokkrar athugasemdir komu fram varðandi texta og kort fyrirhugaðs skiltis. Vegur verði sýndur alla leið á Illakamb og Illikambur merktur á korti. Nafni Kollumúlavatns og Tröllakróka verði bætt inná kortið og að athugað verði hvort nafngift á Axarjökli sé rétt. Texta verði breytt þannig að skálar séu undir Kollumúla en ekki Múlakolli og að lokum eigi að merkja staðsetningu skálanna inná kortið.






Önnur mál

Fyrirspurn kom varðandi útrennsli úr Óslandstjörn. Einnig kom fyrirspurn varðandi hverning standa eigi að framkvæmdum í friðlandinu í Óslandi ef einhverjar verða. Nefndin telur að endurskoða þurfi auglýsingu um fólkvang í Óslandi frá 1982 og að fara þurfi í gerð skipulags á svæðinu. Heimir benti á að landbrot væri í austanverðu Óslandinu, núverandi yfirfall úr Óslandstjörn væri of hátt miðað við áður og að lækka þurfi yfirborðið í tjörninni. Hann benti líka á að sérkennilegar rústir væru í vestanverðu Óslandi sem þyrti að skoða betur.



Spurning kom varðandi opnun námu austan við Volasel í Lóni. Starfsmanni nefndarinnar er falið að kanna málið.



Formaður þakkaði nefndarmönnum og starfsmönnum nefndarinnar fyrir samstarfið.






Fundi slitið kl. 18:10

Eyjólfur Guðmundsson

Aðalsteinn Aðalsteinsson

Ásdís Marteinsdóttir

Heimir Þór Gíslason

Helgi Már Pálsson

Valur Sveinsson