Fundargerð Umhverfisnefndar

35. fundur

Fundur haldinn Í Umhverfisnefnd Hornafjarðar í Ráðhúsinu mánudaginn

09. desember 2002 kl. 17:10 í Ráðhúsi Hornafjarðar.



Mætt voru: Egill Jónasson formaður, Sigurlaug Gissurardóttir, Björk Pálsdóttir,

Ármann Guðmundsson í fjarfundabúnaði, Björn Arnarson og starfsmenn nefndarinnar Helgi Már Pálsson og Valur Sveinsson.





Fjárhagsáætlun 2003 – opin svæði.

Nefndinni var kynnt fjárhagsáætlun 2003 fyrir opin svæði og liðinn

Staðardagskrá 21.

Egill kinnti grein úr Eystrahorni frá 27. júlí s.l. eftir Sigrúnu Benediktsdóttur, "Að vinna - eða vinna ekki", sem fjallaði um unglingavinnuna síðastliðið sumar. Rætt var um starf unglingavinnunar á þessu og næsta ári og Valur kynnti væntanlegt fyrirkomulag skólans. Nefndin leggur áherslu á að betri árangur náist við vinnuskólann á næsta ári þannig að þeir fjármunir sem fara í þennan lið á fjárhagsáætlun verði betur varið en áður.



Umhverfisverðlaun 2002.

Rætt var um með hvaða hætti standa mætti að veitingu umhverfisverðlauna. Kanna þarf betur hvernig fyrirkomulag vegna umhverfisverðlauna í sambærilegum sveitarfélögum er háttað. Samþykkt var að auglýsa eftir tilnefningu um umhverfisverðlaun fyrir árið 2002 meðal almennings.



Styrkveitingar fyrir árið 2003.

Þar sem formlegri vinnu við fjárhagsáætlun er ekki lokið þá er þessum lið frestað.



Ágangur álfta.

Umhverfisnefnd Hornafjarðar er sammála um að ítrekar bókun sína frá 28. maí 1999, um að Umhverfisráðherra beiti sér fyrir, að fram fari rannsókn á álftastofni á Suðausturlandi. Jafnframt verði lagt mat á það tjón, sem fuglinn veldur bændum, er hann leggst á tún og kornakra.



Greinagerð:

Mikill fjöldi álfta, jafnt geldfuglar sem varpfuglar, er á Suðausturlandi og virðist aukast ef marka má af sífellt fleiri fuglum sem koma upp ungum ár hvert. Fuglinn kemur í apríl og tínir þá nýsáð fræ upp úr kornökrum, en flytur sig síðan á tún og dæmi eru um að þau eða hlutar þeirra eru sem nýslegin, þegar komið er að slætti.

Einnig hefur álftin valdið verulegum vandræðum, þar sem hún er nálægt lambfé að vori. Álftin hverfur síðan í úthaga yfir hásumarið, en um miðjan ágúst byrjar fuglinn aftur að leggjast á ræktuð lönd, ýmist há eða grænfóður, sem ætluð eru til fóðuröflunar eða haustbeitar fyrir sauðfé og kýr eða að hann sest að í kornökrum, þar sem hann étur kornið af axinu og treður niður.

Umhverfisnefnd er kunnugt um að ráðuneytið óskaði umsagnar Ráðgjafanefndar um villt dýr, sem mælti með að þessi rannsókn fari fram, en málið liggur hins vegar óafgreitt í ráðuneytinu.

Afrit verði sent Landbúnaðarráðuneyti, Ráðgjafarnefnd um villt dýr, Bændasamtökum Íslands, Búnaðarsambandi Austur Skaftfellinga og Umhverfisstofnun.



Frumvarp til laga um meðhöndlun úrgangs.

Farið var yfir helstu nýungar í frumvarpinu, s.s. vöktun urðunarstaðar, kostnað og kostnaðarskiptingu, meðhöndlun lífræns úrgangs o.fl.

Nefndin gerir ekki athugasemdir við frumvarpið en bendir á að það muni hafa íþyngjandi áhrif fyrir sveitarfélagið í framtíðinni og beinir því til bæjarráðs að vinna þurfi markvisst að minnkun úrgangs.



Önnur mál

Fimm aðilar lýstu yfir áhuga á að taka þátt í umhverfisverkefninu vistvernd í verki. Þar af var einn aðili sem sagðist ekki geta tekið þátt ef verkefnið væri yfir sumartímann.
Nefndin er sammála um að taka þátt í verkefninu og óskar eftir því við bæjarráð að veitt verði fjármagn vegna þess.



Valur greindi frá viðtali við Náttúruvernd ríkisins vegna skiltis í fólkvanginum í Óslandi og að síminn beri ábyrgð á loftnetsmöstrum á sama stað.



Egill benti á nauðsyn þess að kort með örnöfnum í sveitarfélaginu þyrftu að vera sýnilegri. Nefndin vill beina því til bæjarráðs að lokið verði við vinnu örnefnakorts í Öræfum.

Einnig taldi Egill að finna þyrfti betra land fyrir kartöflugarða í framtíðinni.



Björn taldi að ef ekki ætti að halda við veginum upp á Bergárdalsheiði þá væri rétt að loka honum. Mikil brögð eru á aksri utan vegslóðans.





Fundi slitið kl. 19:20

Egill Jónasson

Sigurlaug Gissurardóttir

Björk Pálsdóttir

Ármann Guðmundsson (Í fjarfundarbúnaði í Öræfum)

Björn Arnarson





Helgi Már Pálsson

Valur Sveinsson