Fundargerð Umhverfisnefndar 41

41. fundur

Fundur haldinn Í Umhverfisnefnd Hornafjarðar í Ráðhúsinu mánudaginn
09. febrúar 2004 kl. 17:10 í Ráðhúsi Hornafjarðar.

Mætt voru: Egill Jónasson formaður, Rannveig Einarsdóttir, Þóra V. Jónsdóttir, og starfsmenn nefndarinnar, Helgi Már Pálsson og Valur Sveinsson.

1. Áningastaðir og merkingar í sveitarfélaginu.
Í apríl 2000 var boðað til almenns fundar um áningarstaði og merkingar. Í framhaldi þess komu nokkrir áhugasamir aðilar um málið saman og mótuðu tillögur að framtíðarsýn þessara mála til ársins 2005. Þar voru dregnir fram 16 áningarstaðir við þjóðveg, 7 vegslóðar að áhugaverðum stöðum, auk nokkurra áhugaverðra staða sem vert væri að merkja með upplýsingaskilti, sem áhugaverður staður. 2. fundur starfshóps um merkingar og áningastaði var haldinn 12. janúar 2004. Bæjarráð hefur samþykkt að veita um 1,5 mkr í þetta verkefni. Kynnt var hvaða staðir þetta væru. Nefndin fagnar þessu verkefni.
Egill ítrekar fyrri óskir nefndarinnar um merki / mynd á Leiðarhöfða Einnig var rætt um aðra staði í sveitarfélaginu sem tengjast sögu þess.

2. Vistvernd í verki.
Samningur milli sveitarfélagsins og Landverndar rann út um síðustu áramót. Landvernd hefur nú óskað eftir endurnýjun á samningnum. Einn visthópur starfaði á síðasta ári. Árangur af því starfi var ágætur en annar visthópur hefur ekki verið stofnaður. Auglýst var eftir áhugasömum einstaklingum í Eystrahorni. Samþykkt var að auglýsa aftur í vor.

3. Veraldarvinir.
Bréf veraldarvina þar sem verið er að kanna grundvöll fyrir samvinnu samtakanna og sveitafélagsins sumarið 2004.
Veraldarvinir eru óháð áhugamannasamtök sem eru rekin af sjálfboðaliðum án hagnaðarsjónarmiða. Þeirra megin markmið er að gefa fólki tækifæri til þess að taka þátt í ýmiskonar verkefnum sem tengjast umhverfisvernd, listum og tungumálaþjálfun hér heima og erlendis.
Hópur á vegum samtakanna var hér síðastliðið sumar. Samþykkt að kanna möguleika á að einstaklingar héðan gætu tekið þátt í þessu verkefni.

4. Til kynningar.
Erindi Fornleifaverndar ríkisins um deiliskipulag í Skaftafelli.
Til kynningar.

5. Önnur mál.
Kynnt var tillaga til þingsályktunar um náttúruverndaráætlun 2004 – 2008
Nefndin gerir ekki athugasemd við stækkun þjóðgarðsins en áskilur sér rétt til að tjá sig nánar um framkvæmd friðunarinnar og þeirra svæða sem hugsanlega gætu tengst þessari framkvæmd.

Egill ræddi um landbrot í Óslandi, en sótt hefur verið um aðstoð við verkefnið frá Landgræðslunni. Ekki hefur verið veitt fé í þetta tiltekna mál.

Fundi slitið kl. 18:15

Egill Jónasson
Þóra V Jónsdóttir
Rannveig Einarsdóttir

Helgi Már Pálsson
Valur Sveinsson