Fundargerð skóla, íþrótta og tómstundanefndar 28

Undir þessum lið sátu: Þórgunnur Torfadóttir og Herdís Tryggvadóttir.

Þórgunnur fór yfir árangur nemenda á samræmdum prófum þar sem fram kemur að þeir eru undir landsmeðaltali en þó má sjá bættan árangur í stærðfræði og rekur Þórgunnur það m.a. til samfellu í áætlanagerð milli árganga og skólastiga. Hún fór einnig yfir niðurstöðu sjálfsmats nemenda í skólapúlsinum þar sem nemendur meta m.a. ánægju af lestri, trú á eigin vinnubrögðum í námi, trú á eigin námsgetu og þar er niðurstaðan líka undir landsmeðaltali. Áformað er að bæta áætlanagerð í íslensku og öðrum greinum og vinna sérstaka lestrarstefnu.  Rætt var um leiðir til að bæta úr, um nýjar námskrár og nýjar aðferðir við námsmat.

Tillögur að gjaldskrám 2013 þeirra stofnana sem falla undir

skóla-, íþrótta- og tómstundanefnd.

Undir þessum lið sátu:

Þórgunnur Torfadóttir, Herdís Tryggvadóttir, Margrét Ingólfsdóttir og Hera Guðmundsdóttir.

Leikskólar

Gjaldskrá fyrir leikskóla fylgir nú vísitölu og er uppreiknuð fyrsta ágúst ár hvert er nú fyrir 8 klst. kr. 17.976

Lögð er til 15% hækkun á fæði

­­­­­­­­­­­­­­­­­­­­­­­­­­­­­­­­­­­­­­­­­­­­­

Grunnskólar

Lögð er til 15% hækkun á fæði að undanskildum ávaxtabita.

Lengd viðvera 

Gjaldskrá fyrir lengda viðveru fylgi vísitölu og verði  uppreiknuð fyrsta ágúst ár hvert. Árið 2013 verði hækkun miðað við vísitölu 1. janúar og aftur 1. ágúst en síðan árlega eftir það.

Lögð er til 15% hækkun á fæði að undanskildum ávaxtabita úr kr. 100 í kr. 115.

Tónskólinn

 Gjaldskrá fyrir nám í Tónskóla Austur-Skaftafellssýslu hækki um 10% úr kr. 21.715 á önn í kr. 23.887 á önn eða um kr. 2.172 á önn.

Gjaldskrá fyrir Sundlaug Hafnar:

Lagt er til að fella niður 15 miða kort en selja í staðinn 10 miða kort 25% afslætti og 30 miða kort með 35% aflsætti.

Torfi vildi láta bóka þá skoðun að Skóla,- íþrótta- og tómstundanefnd ætti að taka gjaldskrárhækkanir fyrir á hverju ári en ekki að binda þær sjálfkrafa við vísitölu. Gjaldskrárnar voru samþykkrar samhljóða.

Ákveðið að vinna við endurskoðun forvarnarstefnunnar fari fram með þeim hætti að

RJ - finni stefnur valinna sveitarfélaga sem nefndarmenn kynni sér, á janúarfundinum verði fjallað um skipulag opins íbúafundar til að fá hugmyndir til að nota í stefnuna.

Lovísa upplýsti að á forvarnartónleikunum þann 15. nóv. sl. hafi komið fram sú hugmynd að gera þann dag að árlegum forvarnardegi á Hornafirði. Á tónleikunum söfnuðust rúm 100.000 kr. sem afhentar voru grasrótarhóp um forvarnir.

1. Tilnefning fulltrúa í fagráð tónlistarskóla. Starfsmanni falið að finna fulltrúa.

2. fundargerð ungmennaráðs lögð fram til kynningar og samþykktar.

3. Lagt fram bréf frá mennta- og menningarmálaráðuneytinu um eftirfylgni með mati á skólastarfi þar sem fram kom að ráðuneytið telur að sveitarfélagið hafi gert fyllilega grein fyrir umbótum í kjölfar úttektar ráðuneytisins. Málinu er hér með lokið.

4. Ásgerður lagði fram bréf frá Lars Jóhanni Andréssyni þar sem hann lýsir slysagildru af völdum brotinna rúða í íþróttahúsinu fyrir ofan sparkvöllinn. Björn Imsland og Gunnar Ingi hafa brugðist við vandanum.